由屋企笠返黎既魔豆
本來見佢個勢唔知會大,
由11/9開始種,種到上個星期五都冇乜起息
粒種子一直o係粒蛋入面
所以都冇同佢影相

點知星期一返到黎,見倒佢破蛋而出!!!!
成枱都係泥!!
24/9

大得勁快~~~!!!

第二日
25/9
又大左好多!!!

好恐怖呀~~~
過埋國慶佢應該會長過條筷子
要換盆la..

等左咁耐,終於等到佢自己遞信!!!
拜拜~~~~~~~~~

聽日正式開學喇
亦都真真正正要話俾自己知---我已經唔再係一個學生.
無憂無慮既日子拜拜la

pong, iris, monica, 裕:
讀part-time好辛苦呀,你地要努力捱埋呢三年

kit & cch:
你地要加油,讀埋我地o個份呀~~~

to all同學:
之前同你地一齊既兩年真係好開心!

聽日要更努力工作!!!

訓覺訓到自然醒真係人生一大樂事.
正當我享受玩wii既樂趣既時候
收倒一個世界自然基金會關於流浪貓狗既電話訪問
不嬲我都好樂意去做,人地都係搵啖食o者

但係.
佢係撞聾兼做到傻左架!!!!!!
我頂!!!!!

"小姐,你幾多歲?"
"廿一"
"三十一?"
"......廿.一.呀."
"婚姻狀況?"
"單身"
"有冇小朋友?"
"下??????"
"唔好意思,一定要問架"
(我咁大聲下你唔係以為我會有呀嘛?)

"請問你有冇聽過我地以下既活動?"
(然後開始介紹佢每一個活動,附約五十字簡介,仲要不斷講錯野)
最後我真係頂唔順
"其實呢,我冇聽過你地機構任何一個活動架,下面o個d可唔可以全部話都冇聽過?skip左佢啦"
"唔好意思,一定要問架"(又繼續......)

"以下既問題,請你答非常同意,幾同意,冇話同意唔同意,幾唔同意,非常唔同意"
(某問題)"no comment"
"唔好意思,咁即係非常同意,幾同意,冇話同意唔同意,幾唔同意定非常唔同意呢?"
"............................................"

"請問你做邊行?"
"customer service"
"...唔好意思,可唔可以講中文呢?"
"......................................................................................(你英文唔係差成咁呀嘛...)"


做完訪問之後
我玩boxing落力左.

今日冇野做.
同lab manager傾下我既前途問題.
佢係我師叔(咁大年紀冇可能係師兄!!)
係煩左d,但係人好好,可以暢所欲言.
問過晒佢既意見後,
切切實實知道我轉做enginner既話前景會好好多.
而且佢o個team仲請緊人

正當諗緊應該如何同我supervisor講既時候,
忽然間諗起:我仲學緊車喎!!!

因為如果轉既話,最少日日留到九點.
冇時間學車la

決定
一考到車牌就轉post.
如果佢唔俾轉的話就轉工.

話咁快,今個星期六就過probation la~
時間真係過得好快,同事都話我快上手.
其實佢地冇textile 方面既知識都做倒,真係好勁.

公司好大塵,皮膚差左好多,一定要隔日敷一次deep cleaning mask
如果唔係出暗粒;
新同事未train好, 日日做到九點;
同事幾好,教左我好多野
"合作伙伴"都好,我都明佢地多野做...
飲食習慣要調節,唔可以俾自己再肥!!

黎緊目標: 要減少careless mistake!!!

但...我真係有d心郁想做返engineer...

見倒呢堆野,我只諗倒一個字--喪 ...繼續閱讀

喪玩三個鐘!!!
90%時間係boxing!
勁滿足呀!

聽日對手一定唔會再係自己

買左wii咁耐,
第一次喪玩兩個鐘!!!
我仲未夠架!但係真係好眼訓!

期待過左試用之後既短週可以勁勁玩!!!!!

二時半的八號風球,把一切都吹散了;

本來今晚是會和同事吃自助餐的(主題是蟹!),
平常都會ot到七-八時的我們,
為了迎接這一天的來臨,
為了今天可以準時六時離開,前幾天都努力許多,
ot到九時多才離開

今天真的!雖然m到身體很不舒服, 一切都要放慢來做,
但我已經把手頭上的東西都整理得八八九九了,
如無特別事件,六時一定可以準時離開..享用鮮甜美味的蟹......

但!!!!!!早不來遲不來上班已上到一半才來的颱風,
把我的蟹吹走了;還把我的工作"卡"得不上不下!
(因為我的工作是需要各個部門的合作才可以完成的,
同事要走我也留不住!)
原來有幾份report要今天issue的,
沒辦法,風要吹來,順帶把你的earliest issue date也吹走了.
星期一不要追我...........

自助餐順延到下個星期五,
加上風把所有工作都delay了,
又要努力多一個星期.

ps:希望快點m完,
這次痛得很/狠,外加腰痛+頭痛+腳軟,
差點跣死

pps:臨走前(八號風球已掛上)打給一個客人,好人得很:
我:xxxxxxxxxxxxx(問題)
佢:(答案), 你仲唔走?
我:搵埋你先丫嘛.你個buyer又搵我.
佢:我都知佢好煩架喇.
我:係呀係呀,佢都打黎煩過我.
佢:係啦,佢都成日煩我架.你唔好理佢,快d走啦!!走啦走啦!!
我:你又唔走既?
佢:出面咁多人!!
然後再閒談了一會..