十八日,話咁快就到最後一日喇~

第一日戰戰兢兢做左一份
大家都唔係咁熟
其後做得越黎越順
冇乜難題要面對
,同埋有好多時間大家一齊吹水係我覺得最開心既事
好似日日都有gathering咁

我鍾意遇到好多好多唔同既人
會覺得呢個世界好得意
(但係有冇D工可以唔serve人又可以見倒好多人?
我唔想返一份要成日笑既工..笑到好累.)

雖然某D住戶都有少少難搞,
但多數住戶同非住戶都好好人
成日問我"一個人咋?唔怕危險咩?小心D呀.放工未呀?"等等
小朋友指住我地"人口普查呀!我認得呀!"

阿頭我跟過唔少,高高層我都見過唔少
但係咁既黑人憎高層真係第一次見

今次既同事好好,大家都"快熟"仲要個個都"全熟"!
好玩~大家睇電視,吹水,大家幫大家coding,買野食
三個女人一個墟.4401組員十七個人有十三個係女仔
四.1個墟呀!吹水既話題離唔開返學男朋友扮靚明星..

今日發生過既事:
今日預左冇乜野做,所以囉左隻林海峰是但up發花顛返去睇,
仲囉埋一大袋指甲油俾人玩,我好鍾意幫人搽指甲油呀
hea左成個上晝,下午茶再去hea食
幫人買左兩個板燒雞腿包餐+凍檸茶+可樂+牛腩河多腩汁+油菜+牛筋河多青+炸兩
(我仲記得,死唔死.)
返到去先發現...檸茶冇檸,炸兩唔見左!激氣呀~~~!!邊個外賣會睇下杯檸茶有冇檸?

預告:聽日唱k!

其實已經係好耐之前既事...
六月頭倒..第一次返完跑馬地....
過幾日就見倒自己出左鏡!
今日先有心機cap返段片

雖然唔係大頭
但見倒自己o係電視度都幾得意
(我知黎緊會有個大頭...)
多謝alfred及佢既朋友~~

我獲得勝利!

岩岩有人打黎我屋企
冇來電
估計係玩電話,叫我痾夜尿o個D
我屋企已經set左打133係打唔通,估計佢係打1357
麻煩晒你bor
已經打黎第二次

但佢好衰唔衰預著呢家人有人未訓,
而且屋企電話係有"NO"呢個制
我覺得我開心得好白痴
但又真係開心
哈哈哈

聽日冇得拍拖.
嗚.

工作站主任真係好黑人憎.

我唔係掛住個死佬
我係掛住
超人,
龍虎門,
魔盜王,
就上既spider man3

xmen3同cars幾時會有dvd?

轉左新版面
搞左成個下晝
但唔係好滿意...
一來我D字超級肉酸
二來我唔係好鍾意做底o個隻色.
遲D再搞.

本來只係想用呢張相做banner
但搞搞下搞左咁多野出黎....

我feel倒自己想病.
捱埋今日先呀~~~~

兩條麻甩佬隊啤打邊爐吹水既生活,好爽
覺得自己越黎越"麻甩"
哈哈.
&好耐冇打邊爐,好開心~

無意之中發現食雪條解酒好有效
本來睇字都唔係好清but而家可以打字,仲要唔會打錯!

今日預左返去hea
囉左兩本書一堆cd,仲去沙田買左舊冷同織針
hea一陣又出去行街
食左件cake
好味~

夜晚有booking
順便出去洗洗樓
成功complete左三份同埋有一個空置單位!
好開心~
其中一家人有我最喜愛既松鼠狗
我一坐低佢就係咁o係我身邊轉轉轉,仲係咁鍚我
搞到我成隻腳都係口水
佢主人同佢講"唔好阻住姐姐做野啦~"
佢等左一下,不過好快又黎鍚過
今次仲咬住隻"依唷"(winnie the pooh 個friend)俾我
叫我同佢玩
我都好想同佢玩架><
佢真係好得意好得意
後來我做完行去門口,佢o係我後面吠我,仲撲埋黎,
唔俾我走,丫~~~lum死呀~~
唔怪得佢主人咁鍾意佢
第時我都要養松鼠狗~~

出到門口又見倒bb,
仲指住我叫姐姐
乖到爆~
今日真係一次過滿足晒四個願望!

黎緊希望船河搞得成!

連日既工作,
多數返十返十,忙得不可開交
奇人奇事見得不少
原來我o係馬會真係學倒野!
人前死都保持正常,或笑
人後先好"妙語連珠"!

幾日工作既總結:
1.越高學歷反而越冇品.(xyz)
2.上面係絕對體會唔倒前線工作人員既工作辛酸.
3.唔知做乜鬼成日寫錯字.唔通因為平日只係會"打"?
4.政府最浪費資源.

成班差唔多年紀既人一齊做野,冇壓力又人工高,真開心
最難頂只係好鬼死熱.

今日難得放假,
立即俾媽媽急召同婆婆飲茶.
飲完茶後,長久以黎既shopping慾念燃起
買左條牛仔褲(足夠我o係馬會做兩日.),仲一條友去書展逛

書展冇想像中咁多人
一個人慢慢行,好relax.唔駛理其他人感受
書好抵,但我係一個買書唔抵睇既人
所以只係買左兩本
(後續:"今日"買既書,
一本即日搭車睇晒,一本第二日都睇埋)
其餘主攻精品等"非書類"物品
買左非常精美漂亮抵用的mcmug file
20蚊四個,阿fai好得意><
探完班後,仲慢慢的搭船過海,幾寫意

下個sem...
一個星期只係返兩日@@
時間仲少過part time.
仲要係星期一二.
星期二有五個鐘既天地堂.
馬會只係返兩日,

淨返o個三日得閒時間,返工定學野好呢?

我從來都冇諗過,
囉錢黎增值自己係重要過shopping

但覺得自己oral english真係太遜,
如果time table夾得倒既話,
我決定會大拿拿囉census之中既4000蚊黎讀英文(冇政府資助!)

4000蚊....可以買兩部電話喇><

以前唔駛俾學費仲日日有人教,
自己唔好好珍惜.
而家先黎發奮會唔會太遲?