我係懶到出汁既人版.
已經有繳費靈既網上版,
hsbc既網上理財
boardway同cityline既網上訂票
今日仲新增埋六合彩電話投注戶口.@@
以後爸爸可以o係屋企買六合彩,唔駛再叫我幫手喇

各位,麻煩見字o係msn叫叫我丫
becoz我阿哥唔小心del左我個contact list...@@

今日去ua time square睇x-men III
第一次去呢度睇戲,上網訂飛既時候唔知道個院原來咁細...
我覺得好好睇~~!
多左好多搞笑位~
完場既時候等佢過晒字幕睇"伏線"
點知得幾秒@@...

其實睇唔睇都冇咩問題呢...

昨天從深水步大量購入手工藝材料
當中包括四種晶石@@
我稱之為"貴價珠仔"
今天用其中兩種整成了手鍊及耳環

售貨員說這是"爆晶".名字超級怪,但非常漂亮.忍不住立即購買

近看:


還有一直都覺得非常漂亮但覺得貴的紫金沙

這裡的成本只有五元!!!!!!物超所值呀~

今日好充實丫~

約左玉三點去shum shui po行街
買左好多好多野
包括尖咀鉗,配件,四種唔同既晶石...好多...
買到痴左線

五點半去觀塘join阿哥去聯合醫院探姨婆
姨婆好炆.又唔食野..

六點半去左apm行街
萬寧七五折!又買左好多野...
neutrogena九塊mask+day cream(我用開o個隻) $103,唔買唔得@@.

八點半去到旺角,去中南買左兩本楷簿,一本係英文正楷,一本係草書
因為我訂左一個無聊而又幾難做倒既暑假目標:
我要我既右手寫字寫得同左手一樣快,唔駛靚,但要整齊.
鍛鍊晒兩邊既腦會唔會聰明D?哈哈哈

九點o係旺角mtr等囉獎.
呵呵呵,行咁耐行就係為左佢呀
因為阿boo o係飛機影o個張陳年舊相囉左獎
禮物係一隻幪面超人既公仔
好大隻.有兩個阿boo咁大
但係唔知有咩用呢?樂澄又唔夠大玩..

六月中才開始意大利語班.
七月中才開始census的工作(上班十八天,有兩天假期)
現在一天只上兩天班,甚至沒有兩天(這個星期日off,下個星期三亦off)
為了之後配合意大利語班及census奇怪的時間,
所以停止找暑期工.
銀黏土先等馬會支薪後再想...

整天待在家,
上網,看電視,覺得自己像個雙失青年.

比較有意義的是:
清理了房間
動手編織電話套,而且太久沒有編織過了,有點生疏.
還想編織之前只織了一半的手套.

找到了一個陳年forward email
很好笑的網
亦找到可以看小丸子真人版的網(找尋"小丸子)

我還可以幹點甚麼呢?

前臂在前天不知何故瘀黑了一片.

我沒有碰撞過的.
膝蓋的同一位置也經常會瘀黑
有沒有人知道發生甚麼事@o@?

如果明天情況還沒有好轉,
才去看醫生.
如果還在上學,一早便看了十五元醫生了!

今日返1615
早左兩個鐘去北角整回鄉証.
之前已經影好左白色底既証件相.
點知佢話唔夠白.憎死樓下間晒相舖!又話一定得.
在場有唔識教囡既媽媽
囡囡周圍走,騷擾人,囉住分人龍o個D繩黎fingfing下,fing落人地度,仲要o係人龍穿插.勁煩.
媽媽呢?袖手旁觀.

本來預左半個鐘去跑馬地
點知我由地鐵站行上time square已經過左兩個字!!!!!最後遲左四分鐘...
今日返工勁同客傾計.
幾好玩~唔知返工~

今日十二點先起身,慢慢的食飯,
成個上晝都上網
晚飯亦慢慢的吃
吃完做左今日最有建設既事:
將房入面十一個櫃筒既衫倒晒出黎
分類摺好晒,摺到好似display o個D咁
摺左幾個鐘,摺完好累,但好滿足.

我依然搵唔倒我唔見左既tee...
買左搵黎著唔夠十次.

ps:阿boo幾時都係咁可愛

有冇人想學銀黏土呀?
o係呢度學
學費+材料費要八百五十蚊@@
但佢四個人一齊報有85折@@
好似仲有學生優惠~等佢覆email~