是日test.
但係我尋晚先溫o...
加上大量我唔知係乜既chem..
睇黎只會係pass.唔慌高分@
我駛唔駛搵s men補補?(三個字,我幫你,囉高分!)係唔係真架..?

下晝唔駛上,
去左mc記試食板燒雞腿包
估唔到真係幾好味bor.
但係好大舊,男仔食就差唔多.
順便傾埋coloration lab report後.
我又再一次向未知既世界進發...

今日off!正!
捉左男朋友去阿梃度做facial
嘩哈哈哈哈
佢做facial我就織手套(sonia的生日禮物..雖然佢既生日已經過左..)
梃仲幫我做左個"巴拿芬蠟",好搞笑,做完可以成個剝出黎
做facial真係幾奇效
效果立即見倒~!
跟住去左好耐冇去既松記食糖水

夜晚仲等埋梃去旺角槄香打邊爐
D魚皮餃超好味..(打邊爐之中我最鍾意食魚皮餃!)
但係太多食唔晒呢...
我地叫左個豬骨湯底.
估唔到佢真係有幾舊豬骨o係入面...
D料冇位擺..
唔知算係好定唔好/o\

今日只係淨返五個bb
但義工都係唔夠
五點既義工往往唔知去晒邊
明明人手唔夠,又唔肯收新義工.
多左人坐o係度hea都好丫.

新黎既bb..我覺得佢好似o個D樹..又唔知棵樹叫乜名
咁樣o個D:

姑且叫佢做薯頭先生.
佢好得意,但脾氣臭.
走得既時候已經好夜,
同婷冇食下午茶去左銅鑼灣行街~

今朝一早出左去做紅十字會賣旗日既巡察隊
其實即係做咩呢?
就係o係街行幾個鐘
同人打下氣...睇下佢地有冇問題...同埋十一點零叫佢地好走...
真係............
呢個post整黎做乜?
夜晚同卡臣睇左"慕尼黑"
其實幾悶..係D槍戰好勁
做足三個鐘@@

今堂ge既theme係"techology"
由鬼佬教.佢好悶,仲好寸
有個同學send sms
佢講左一次"熄左個電話佢"
o個個人冇理佢
跟住又講多一次
o個個人只係整左左震機
阿sir二話不說没收左張reflective writing紙
叫佢走(冇左張紙下堂冇得test,代表一定fail)
型

隔離位o個三位人兄超煩
睇黎佢地未上過堂
唔知ge既制度係點
又話悶,想走又唔夠膽
勁講粗口,又大聲,
隔鬼住我上堂
要走就快D啦!!鬼唔望你ge fail.

放break之後...個課室只係淨返一半人...

今日第一日就上tennis
我好乖,係第一個呢.
同學中有兩個韓國人
好搞笑,一睇就知佢地係外地人
因為佢地著左"李小龍"既衫
阿sir亦都因此而用英文教
正正式式上堂,練返個岩既姿勢真係好好多@@
而家我打既波可以向前飛喇!

上完堂後有兩個鐘lunch
去左圖書館睇"尼蒙利斯之連環不幸事件"(個名好難記,我都係o係yahoo copy&paste)
幾好睇~但係礙於我冇乜時間,飛住咁睇
死喇死喇..真係要溫書..

今日要囉好多野出街
因為上lab要囉lab coat,補考又要囉綳帶包
今日上lab開始掌握倒D器材點用..明白自己做緊D乜
今次仲唔駛寫long lab report!超開心

上完堂過左銅鑼灣行街~
本來想去剪頭髮,但係唔夠時間呢.
匆匆同男朋友食左個晚餐/下午茶就去考試lu...

去到金鐘見倒幾個一齊上first-aid既同學
原來有好多人要補考,最多人要補cpr..
估唔到有人要補筆試!!!@@

我一去到就到我考..
我既partner係一個素未謀面既人..
佢一開始就好趕時間
"快D考完就走啦,唔合格都冇所謂"
然後由佢包我先...
雖然我未pass,但係我都知佢肥梗.
因為佢止血冇高過心臟,包紥包自創方法@@
啞掉了
到我包佢既時候,我包頭部出血,右前臂骨骨折,
我叫佢幫手按住個頭既時候,佢竟然用右手囉!@@
我覺得我包得好靚,唔想俾佢連累呀!><
考到搭四就走lu
估唔到咁快.
見冇乜野做,去左銅鑼灣搞搞個頭
冇剪短,但係剪左好多頭髮
染左一隻冇諗過自己會染既色
就係綠色喇!!!!!


呢間salon幾好,剪得好,唔sell客,少人,平,最重要既係,佢係樓上舖!!!o係21樓咁高~!
係唯一一間我真係會下次再去既salon

你地話...
邊有人會咁on居...
記錯上堂時間地點..仲要記錯上咩野堂..
唉..
點解自己會咁on居...
如果唔係就可以訓多一個鐘...
on居on居...

今日有好多野做
首先係上晝返學
上weaving又係做D唔駛點用腦既野,又學倒野,真係好.

上埋下晝既jimmy堂之後就去北角見工.
今次都係見sales,但係賣既野貴好多..
去到o個棟樓,覺得..有錢真係唔同D.
部lift我開頭唔識用
係見倒有人用先明白
佢o係四部lift既出面有一個類似密碼鎖既野
要o係o個度打左你想去邊層,咁佢就會叫你去是但一部lift
咁o個部lift就只會去某幾層
&部lift除左開門同關門兩個制之外就冇制架喇
超型

今次見工見左成個鐘,第一次見咁耐
但係唔知得唔得呢...對手做過勁多份sales,
我就得o個一份..
點都好,當囉個interview經驗啦~

跟住去同男朋友小會一會後就去金鐘補first-aid堂
嘩,呢70蚊真係抵俾呀~
除左有多次機會外,
佢仲講晒所有包紮既重點,位置,次序
完全係雞精班
對第時都好有用
個miss好好人

ps:去上堂之前我去左pacific place既great買左一盒雪糕食
係之前男朋友推介既
牌子係"movenpick",細細盒,牛奶公司普通雪糕杯size,
citysuper賣20,great就賣18.8
我之前同佢試過vanilla,wooo,好香好軟好creamy好多泡
勁回味
今次我就試左chocolate
都係好香好軟好creamy好多泡,但係就冇vanilla咁香~
下次試埋strawberry先:p
肥死喇

今日因為腰痛
所以冇去湊bb
但係樂澄黎左我屋企^^

佢已經出左牙仔開始學講野喇
仲食左好多野...

cute~