好得意呀~~~

好耐冇見過佢.
四點醒左之後.再訓唔返.
今日行左好多地方...
首先去左鑽石山買regene....因為我今個月生日,有半價~順便試下隻mask啦~
跟住去九龍灣join梃唱k..
其實我仲病緊呢,高音出唔倒聲
仲食左炸野..俾人知道實鬧
哈哈

唱到四點幾,去旺角睇戲&買野
我俾ua激死
我地o係地下排隊排到先知櫃枱冇得囉我張生日飛
要上8樓先有.
o係ua會員個櫃枱企左好耐之後,
原來自己搞都得.shit.
無極得一場.睇唔倒.陪佢轉左睇情顛大聖
很廢.套戲係佢想睇既,之後都係覺得九唔搭八.

跟住我地去左尖咀行多陣街
又買唔倒野.好唔開心.
跟住同佢行去紅磡食飯
順便等佢男朋友放工(其實係接佢男朋友放工,順便食飯...)
行去既時候唔知做乜勁想嘔.
見倒d餸既圖都勁想嘔
我點左唯一想食既肉燥飯
但係諗唔倒佢黎到勁似一堆嘔野@@
想我嘔出黎唔駛唔辛苦?笑死左
食完藥之後返返沙田搭車
睡得很香@@....

梃:你晒幸福晒得好難頂呀~~~~~~~~
好想快D做你伴娘,好想幫你湊仔~

唔知做乜..
尋日點幾先訓,仲食左藥
但係四點幾無端端責醒
典左好耐,等阿哥起身返工先行出黎
睇下食一次藥訓唔訓得返先....

感覺...好似岩岩o係加拿大返黎有時差咁..
頭好痛.........仲點玩呀.....

有人迫我睇醫生同迫我早D返屋企..好耐未有過呢種幸福.
(如果冇人迫,我一定會吽多三五七日)

未試過病得咁密...
返工之前我睇過一次醫生,
唔駛返工又睇多一次
岩岩好一個月丫...
呢D天氣真係好易病.

我唔想食咁多藥..
食得越多身體越差

我個bluetooth壞左...好煩
乜都做唔倒..
影左相唔可以過機.
要麻煩八月由電腦send過去再send返mms俾我...
今次我要迫到阿哥買過粒~
嘿嘿嘿嘿.

alfred的meroro....講粗口....似足佢爸爸丫


我家姐隻nijntje,生左條毛.....

返工累到唔想打日記.
返到黎就訓
訓得唔夠又返工
日日化妝,D皮膚差到...

聖誕前夕勁多人買野
最印象深刻,我包過六條磨腳擦..
八支shower gel.
聖誕D人真係好梳爽
我都sell倒客,奇聞丫.
買左二百幾:小姐呀,你買多少少送五十喎
(佢揀左)咦,小姐呀,唔係喎,買五百送一百仲抵喎!
佢真係會買五百囉!!!!
好開心

我仲記得有個男仔(仲要靚仔!!!!!!!)
入黎話想買lotion,
我sell佢199既body butter
佢話陣味唔好
跟住sell佢買white musk,100
"先生呀,你買多一支送20喎!"
"唔喇~我買咁多支lotion做咩呀?有冇其他野介紹呀?"
跟住我sell返同之前o個個body butter一樣味既hand & feet butter俾佢,175
佢又肯買喎@@.
最後佢買左三百幾~都幾開心
其他客都好易sell,好有滿足感丫.

件返工衫好薄.
返工褲著得我好瘦.呵呵
我D手指花晒.
午餐多數係鄧媽媽,吉野家同大快活
今年D同事都好搞笑
我仲整左餅俾佢地食.

有人接過我放工丫^^

尋晚著左好少衫就出街
出面好熱,但係勢估唔到樓下係非常之凍同大風
o係車上面好熱,一落車著多左兩件衫都凍到震
就係咁一冷一熱之下...
今日喉嚨痛,咳同頭痛lu..發燒既徵兆.
尋晚有個傻佬長途跋涉由中環黎沙田搵我呢

我專登上左去regene o個度買野.
點知佢八點幾就冇開囉...激氣.
ua職員又唔夠,唔知我張生日飛點囉.
晚餐係嚼江南
個雞絲粉皮好好味~~
跟住仲去左旺角行朗豪坊
買左兩對耳環~好平架~~~
好想買好多好多野....
朗豪坊o個四個傻佬好搞笑


又人送返屋企真係好
但係我都係好難俾倒信心..
承諾既野...始終覺得聽下就算啦.

發現model既blog!
好多野睇~~
model blog

呢幾日真係累到唔想打日記
但係見倒lulu同露露咁靚
又忍唔住手同佢地影相

lulu:有雪呀!


睇下佢地幾靚

今日返埋最後一日工,終於有心機打日記喇..
不過都miss左好多...
放工後仲同佢地影相&同ting行街(&收倒佢既生日禮物!多謝晒!)
勁耐冇行街..

今朝樂澄黎左!
冇見佢三個月,佢而家半歲喇
大粒同硬淨左好多
好搞笑

佢真係好似我阿爸阿媽...@@
話人係我細佬/仔都有人信呀..
(好似我細個..)