禧寧

我想lulu快D識叫我
所以決定日日打自己個名

禧寧

因為今日要去愉景新城做義工,但係又要整雪糕喎
所以今朝八點起身整左先.
如我所料,整雪糕比整蛋糕方便好多
只要將所有野撈埋一堆,再用打蛋器打幾分鐘
將佢倒落個兜度,塞入冰箱就得lu~
我用半個鐘完成左兩兜
之後就出去lu

今日好大雨,o係地鐵站落左車之後,
我買左個puff好好味的
愉景新城比想像中遠,我都好耐冇黎喇~
一去到就開始裝飾,我仲將兩隻裝飾馬騮用做功課用淨既布板著左衫

裝飾完之後我地一齊去kfc買外賣,唔知點解佢D鷄勁"鞋"
我食左幾啖就掉左
兩點鐘就開始lu,有勁多小朋友同家長排隊
(其實都係家長想貪小便宜多,因為我見倒有小朋友完全提唔起興趣)
仲有某D家長打尖,搞到同人嗌交
不過都有好多好精靈既小朋友o既
希望佢地真係會明白乜野係"性侵犯"啦~!
講到我口水都乾
到五點就開始收檔,但係有太多膠紙同發泡膠,所以執到五點半先走得
然後我箭步咁行返去地鐵站搭巴士
好大雨呢
返到屋企已經六點幾
滿心期待咁o係雪櫃囉返個雪糕出黎
嘩!咁硬既????(哼落雲石枱有聲)仲凍到痴手..
尋晚我仲怕搭車去oop屋企會溶晒..
不過我亦都諗"死喇..係唔係真係食得架呢.."

執晒D野之後,我囉住大包細包衝落街搭巴士
勁好彩,一去到巴士站就有車
過左一兩個站,一落車就見倒好多蝸牛...勁恐怖..
好驚著住拖鞋會踩倒佢地

我今日又食左好多野呀~
肥死喇~
晞晞好得意.我覺得似阿boo
周圍走
原來我整o個D雪糕真係食得架喎!呵呵呵
不過要等佢熱返先得,仲要哈叔用刀切
今日D狗都好乖
我終於摸晒佢地兩個個頭喇~
好得意

今日返左學校,with august
佢補考&我俾手信michelle同囉返張"獎"仲有50蚊書劵呀~~
太好了.岩晒我,我好多書都想買

之後順便去左葵涌廣場探下扭蛋人
仲買左份手信俾xx婷,不過佢都冇乜新野既..
佢痴左我送俾佢個粒太鼓仔仔貼紙o係電話,哈哈.原來太鼓襯黑色好D

然後去左hipo買左頂帽同玩具俾我個姨甥.D bb仔野真係貴過大人好多..
好彩佢on sale o者~
買完之後..就遲到@@...
仲遲左半個鐘,丫丫丫丫
同阿玉去左吉野家食,沙田o個間真係細到..D位又迫
仲要唔記得左我張單.........

then去九龍塘meet xx如
睇荒失失英文版
佢4點開場,我地四點先買飛,哈哈哈哈
覺得套戲唔好睇,但係毛毛好得意
企鵝好鬼賤

返到鑽石山.原來中華書局張書劵真係可以o係三聯用架~
但係我三心兩意,唔知買整蛋糕書,區樂民本新書定貓貓書好..
遲D先買啦!
之後仲o係百佳買左支奶整雪糕~

2321update
哎吔吔..我唔覺意洗左super nanny呀....丫丫丫丫丫

*SPECIAL:
今日poly打黎,問我first choice係唔係merchandising
我一直都以為係只揀兩個既..
好彩佢打黎!所以我揀左major係processing
我想讀下retail..唔知得唔得既呢?
好開心,知道可以讀返processing,佢仲俾我揀
因為我o係ive year 1 係完全冇讀過的..
而retail係我既興趣

尋晚開始砌紙角.我從來都未整過.開頭以為好易,但問左家姐好多次先明
可能係因為我未自量,一開始就揀個難既黎做,哈哈哈
好彩最後都搞得掂,仲一次過砌晒o係加拿大摺既紙角.
已經砌左個身同半個頭喇

今朝痛醒左..個胃又有少少唔舒服,唔知點解通常都係一齊黎
咁岩阿爸又煲左粥,太好

今日又做左D手工藝,就係同D耳環換晒純銀耳勾
本來又諗住整個勾耳環既托,不過整到一半唔成功@@.

之後又煲左一陣死亡筆記

夜晚阿媽話我盒可可粉俾蟻"嬲"
本來我都唔信,但係佢一開,盒可可粉由原本半盒得返個空盒!
勁恐怖
仲有,我盒可可粉..好貴架...
期待星期六又去燒野食呀!

近排鐘意呢隻野:sponge bob

o係加拿大成日見倒佢,個樣賤賤地咁,哈.

今日m到.前一個月因為懶同去左加拿大,所以冇食白鳳丸.
如今至覺得後悔
痛到屎.

岩岩整左一咋表情附號
但只係很cheap咁以插圖形式咁整..


普通話評估報告已經寄左黎喇~
俾我想像中好喎
哈哈哈
因為我大約有九成既技巧已經掌握倒
8月尾就考喇..我仲未溫書..死得.
不過呢個評估報告都令我信心大左少少,哈
原來我八月一號有course上,佢唔提我都唔記得
呢個course係free既,只係俾全日制學生
佢仲有個專業輔導服務,由考官一對一執發音
每次最多兩節,一節半個鐘,二百蚊,woo!

今日又去護苗基金做義工,即係做手工藝.
我同靚女bonnie係咁搵D包書膠包野,包到..連我自己都覺得好靚
到三十號影D相俾大家睇!

尋晚開始睇阿哥o係書展買返黎既鬼書(雲海寫既)好恐怖,搞到我夜晚唔敢睇
今日搭車又睇,已經俾我睇完喇~呵呵呵

我覺得自己留得o係屋企多,有D似師奶.
返屋企仲專登o係惠康買左舊海綿百潔布黎洗野...

夜晚阿爸阿媽聯手打左"程瑪肖"幾個鐘..人地唔痛都令到我好難頂啦
eeeee

今日做過既野仲有:
1.lunch係7-11炒麵+燒賣
2.睇hellboy
3.睇x-file
4.睇雜誌
5.又捽D漬
6.夜晚睇尋秦記既時候又執房

*SPECIAL:
前幾日上網晒左D相,仲第一次試自己晒証件相
方法就係將之前影好左,而且仲執好左(嘿嘿)既相
整好個size,再整落4R size既file度

哈哈哈
今日寄到黎,一模一樣呀~~
$1.8 16張,抵到爛!

夜晚食完飯洗碗,見倒個爐頭有好多油同燶既漬,
大概係阿媽覺得佢無藥可救,所以唔鬼理佢
(阿爸都係咁講)
我囉住百潔布同潔而亮係咁捽捽捽
ok喎
睇黎要分幾日先捽得甩
捽走左一D之後雙臂好累

之後再踩左半個鐘stepper!!!努力!

夜晚睇尋秦記先黎執房,少左好多野!仲將三眼仔"行"晒出黎,哈哈

尋日兩點先訓,今朝勁唔想起身.

今日BBo個度有好多義工,好熱鬧
但係好多BB都走左lu,淨返七個
走左既包括joy同雀仔咀
今日既bb:
1.麻吉弟弟對奶製品敏感,所以尊貴左好多,唔可以用毛巾,早餐飲荳奶,唔可以食其他奶製品
2.are行得好左好多
3.阿fa真係勁cute,又靚女

到左四點,所有BB訓晒,所以我同xx婷就走lu
我去半山間百佳買整蛋糕野,but買唔倒..(佢裝修左呀!真係勁耐冇去)
去食炸脾米again.
去埋great買
就返屋企lu
途中仲買左蚊貼準備星期六燒野食用..
本來想買26蚊8塊o個隻,但係太多又冇用..
後來發現佢有8蚊三塊細細包咁,幾好bor~~
希望唔會太臭啦

夜晚做港男!
不過我覺得最型同我最期待既係tony jaa!!!!!
勁型呀!!!!!!!!!!!!!!!

今日去沙灘!^^

尋日已經知道今日阿爸會同表哥去搞表姨甥既出世紙
我想見下佢,但係九點去到長沙灣..咪喇..
所以叫佢地搞完先打俾我^(+++)^
九點幾醒左,阿爸即刻打俾我
原來佢地搞錯左booking&地點..所以我即刻仆出去佐敦
用左個零鐘,先見倒我個一個月零兩日既表姨甥
肥到爆!佢有數唔清既下巴!

之後即刻返屋企執埋D野再出返黎旺角
再搭小巴入屯門.
小巴痴左好多7-11 hello kitty磁石..
沿途都有落雨,好彩入到去冇o者
我地玩左:
1.飛碟
2.水彈數字球
3.水彈排球
4.泡凍/污糟既水
5.排球數字球
漏水的水彈:

見倒好多靚女,仲有周圍影相既仔..

沖涼D水真係好大,大得有D痛.唔怪得隔離個o靚仔係咁大叫啦
沖完涼,執好晒野就去隔離燒野食喇!
沿途同xx澄鷄啄唔斷
好耐冇燒過野食喇,好開心,好好味
試食一個咖哩腸,似味珍香既豬肉乾..
到十一點半就要走lu
唔知點解佢十一點就熄燈@@玩野
返到屋企已經差唔多一點//

今日又係冇乜點做過野啦~
只係踩左千五下stepper而已

夜晚邊睇項少龍邊執聽日去游水既野
我仲有兩條新買既太鼓毛巾唔知去左邊...嗚..