估唔到佢仲影響緊我!!尋晚訓唔著,睇左五集鋼之鍊金術師(因為我知道今日又會有新兩隻出)四點先訓,仲要係訓唔著o個隻,七點幾俾阿媽嘈醒左,就訓唔返....個頭勁痛.

睇埋新o個八集<<鋼>>,真係好好睇!!打埋加拿大遊記既一篇,煮左好耐冇煮過既雜豆豬柳食<--我既最愛黎架!冇煮兩個禮拜,差D唔記得點煮.仲食左個爛爛地既芒果,怪味...

睇左一半魔間行者,頂唔順訓著左,一訓就訓到夜晚十點...電話一直擺o係房,我有兩個miss call 都唔知...其中一個個電話好熟,但係我諗極都唔知係邊個..

而家個頭好痛....

尋日有少少時差問題,睇左幾本雜誌,兩集america's next top model同nemo,都五點先訓覺,今日兩點都係阿爸叫先起身..

今日又繼續睇電視,分別睇左兩集獎門人,兩集殘酷一丁,兩集星期日檔案,三集鋼之鍊金術師,仲有一本JET,但都未能完全滿足我對資訊既渴求(好彩o個邊有香港新聞做,如果唔係我會睇埋新聞..)

夜晚九點幾等埋家姐先食飯,一陣睇埋鋼之鍊金術師先^(++)^

今日見倒lulu學我講野呀!

總共影左三百幾張相,遲幾日再執~

lulu已經大個左喇^^

尋日夜晚訓唔倒..朝頭早又包餃子,之後用婆婆個衣車同布車左個袋俾阿BOO,不過用慣廠車又唔識用家庭車..所以搞左好耐.之後訓左陣,醒既時候又食薯片又整薯蓉,夜晚煎左佢黎食,好味!食完舅母車大我地去downtown行,見倒好多tee都好想買,不過唔係童裝唔夠大就係男裝太過大..D衫又貴過香港好多.之後俾我見倒一個我睇電視成日見倒既蘋果,所以急不及待買左佢.點解我要睇電視先見倒呢?咪因為香港冇得賣囉,呵呵呵.勁大舊,食到勁飽.

我覺得咁樣既生活實在太頹廢..日日食完就訓,訓完就食

婆婆半夜起身話唔舒服,所以一早同佢去左睇醫生.原來o個邊要自己買藥,所以要行一陣去買.我自己都買左通鼻塞既藥,好好多.之後再去supermarket,因為有我呢個後生o係度,所以買左4L既奶返去,不過囉住佢行三個字,都幾係野.佢個柄仲要好"界"手.我o係途中見倒松鼠!咁大個女第一次親眼見倒松鼠!不過我囉唔切相機,佢好快就跳走左lu~返到屋企唔知點解勁眼訓,顛到由5點訓到10點,連晚餐都冇食

朝頭早跟埋婆婆&媽去行晨運(我今日又係咁早起身),仲帶埋阿boo去(影左阿boo摸花o個張相).海邊好大風呀~~

今日婆婆帶我地去賭場,亦係佢自己既興趣之一.賭場附近有鴨,我都唔知點解?影左好多相,入去賭場既時候俾人質疑我既年紀..好彩我有帶passport o者~不過其實都算差唔多既,因為佢係19歲先俾人入去,我岩岩踩界.入到入面,又俾人check多次@@..婆婆帶我地玩老虎機,佢自己就去左枱o個度玩(老馬識途係唔係咁解?)不過我覺得玩老虎機幾悶..大約贏左100個coins倒,到頭來又冇晒@@..玩完食左少少野,因為今晚要探人,所以買左8個橙返去,好重..

夜晚阿媽&婆婆個fd黎左,之後又去佢地屋企&出去食飯,D蟹冇阿爸之前講既咁難食,我亦食左好多,不過全部唔敢用牙咬..auntie間屋好靚哦~~但係o係o個邊其實唔算好靚,但比起香港就好好多啦@@..

今日六點幾起身,係自己醒,o係香港係完全冇可能既事.阿媽同婆婆一早去左行晨運,我一個人o係屋企,開始香港唔會做既事:用多士爐焗麵包,幾好玩亦都好好味,大多數既好味原因係舅父有齊唔同味道既jam.婆婆返黎之後帶我地去街.我第一次o係o個邊搭巴士&train.知道一張ticket可以o係兩個鐘之內搭齊佢地,幾得意.

婆婆帶我地去metrotown,有D似香港既新城市@@行左陣,買左D野食&餸&手信,o個度Dsupermarket好大間,我勁鍾意o個D~~~婆婆買左條魚,不過比香港o個D樣衰好多,俾錢既時候個收銀睇唔倒個價錢,所以用手搞搞佢,點知條魚跳左下,嚇死佢.哈哈.o係茶餐廳食野,比香港貴好多@@..返去既時候唔婆婆唔記得買飛,我同阿媽又唔知@@好彩冇俾人知咋.

返去屋企冇訓,摺紙角,之後舅父舅母黎左,又俾佢地見倒我訓覺個樣..

第二日對加拿大既感覺:D雲好大舊呀!

我就黎出門口喇~其實係一點機,不過有好多野未買@@..........由於o個邊打唔倒中文,所以我囉左簿仔去~28號再見大家~

今日搭一點四飛機,但係由於要去轉位既關係,所以九點幾我地就出左門口,十點鐘去到.

...繼續閱讀

經過之前不斷既工作同煩事之後,我同媽媽終於o係六月十三日去加拿大探o個邊既家人.

...繼續閱讀