克仔，笑談快門

“百年靈” （BREITLING）一隻歴史悠久嘅瑞士出產手表，喺設計俾啲飛行人員専用...又俗穪之為飛機師手表...斋聽個名就知喺幾“撒家”喇...點解要命名為BREITLING，你又知冇？因為一開始嘅時後喺設計俾Breitling jet team嘅飛機，久已久之咁就成為一個被啲周身「蚊」或要晒「行頭」嘅人追求嘅品牌咗嘞。

講咗一大堆有關BREITLING嘅故仔...又与我何關呢？非也非也...一切只因喺上两個禮拜BREITLING响陽光廣場搞咗嗰新表推介禮兼酒會。喺推介禮前一日就見到一架用晒黑布冚住...埋晒關子咁，兼扮晒神秘...哈哈...一睇就知喺架大鳥，心諗...有大茶飯哦... 再過多一日，架大鳥依然用块黑布冚住...所以亦冇打算要去影。

但就响放工後同乌啄啄係陽光廣場打咗個白鸽轉之後臨要鳴金收兵個一刻，口痕痕咁走去問下BREITLING場務人員...一問之下，八點有嘢睇哦...就咁，乌啄啄同我就响二樓喥等...等吖等...八點囖...心諗今次上車咗添，冇九點都唔使指意有嘢睇吖。果然真喺到九點先正式開幕...可惜块黑布唔喺向上開，反而喺用人力往後拉...仲有個人向機底喥拉添...吖...哈哈...真搞笑~

而整個過程里面出殺吃都莫過于最後個數秒之中囖，突然間全塲燈光一度暗下...跟住就“轰！”聲四起，再望一下...就响電光火石嘅一刻，啲煙花就由二樓一路爆到上頂層...然後再嚟一個更勁嘅大爆...“轰！”...就咁又話散band喇。煙花又睇咗，大鳥又影咗...更喺收隊囖...點知我偏偏走雞咗最精彩嗰一環添...就喺四位鬼仔鬼妹着住件飛機師衫，带住副黑超兼带埋隻BREITLING向手喥任影...吖...

您可能有興趣的文章：

員工常年大會