克仔，笑談快門

經過374日後，今日...佢，终於都要回歸囖。雖然只係短短嘅一年零九日，但始终都係有少少留戀部O2仔嘅。古語有云：“天下無不散之延席”嘛。

就响前日下午突然間收到一封用100Mbps急遞過嚟嘅電子郵件，咁就唯有用一招十萬火急嘅速度去打開嚟睇喇...點知原來唔係咩好料，而係御旨要我降機。冇計囖...皆因响呢個廿一時纪，點可以連最基本嘅揾吃「架生」都冇件架。就咁，所以即時上网做咗嗰簡單嘅市場調查...揾下資料...問下左鄰右李；然後入夜就嗱嗱聲嘥幾嚿水去入番部又平又啱使嘅「諾仔」嚟撑場，呢啲咪叫咗一雞死一雞鳴囖...哈哈...而尋晚就嚟一張两機交锋移交責任嘅一幕影底，以後就得靠「諾仔」同我打天下囖。