克仔，笑談快門

今日有乜節目？就係拉大隊一行柒人，由四位荷蘭同事带路踩落擁有全世界最大港口亦係荷蘭第二大嘅城市嘅鹿特丹（Rotterdam）喥吃晚飯；其實呢餐係幫我哋洗尘咁解啫。而就带我哋去咗一間叫Hotel New York嘅餐廳喥吃嘞，之後聽其他同事講起呢間餐廳原來係好出名吓架。

吃饱後就由另一位同事做柴可夫司機带我哋响Rotterdam市中心打咗個白鸽轉，更専诚載我哋去睇Rotterdam嘅一個非常特出嘅地標 - Cubic House。原來呢啲屋嘅墙壁唔係直嘅，反而係55度倾斜哦。因為天色已晚，所以今日全程一張相都冇影過...亦係唯一一日响荷蘭冇影過一張相嘅日子嘞！

但就尋日去Keukenhof時候就影咗好多相；而多到要分開两種纇，一就係全花宴...就好似尋日所upload嗰啲。相反今日就俾大家睇吓另一纇相，有乜咁特别？哈哈...因為目標唔係花，而係四周圍啲人物，狗仔，風景...就细到連正在採密嘅密蜂仔亦砛收於眼中。最搞笑嘅竟然俾我遇到一隻賤狗哦...同嗰漫畫里面嘅一模一様咁右眼俾人打黑咗嗰圈咁嘅款...哈哈...而另一隻就係牧羊狗喇... 呢系列嘅相就比较唔同風味啲，希望大家鍾意喇。