克仔，笑談快門

今日一早就坐火車落去阿姆斯特丹（Amsterdam）感受下啲荷蘭人點樣着到成粒橙咁去慶祝佢哋嘅Queen's Day同埋點樣攞住個免死金牌嚟將個城市有咁邋遢搞到咁邋遢。點知响去緊火車站時就俾我見到隻“喵喵”，今次係朝早...陽光充沛吖，更係嗱嗱聲拎DC仔將佢拍底囖！今日更好彩到俾我影到三隻“喵喵”，有两隻係响玻璃镜後面，而另一隻就响一間糖果店里面...更瞓係啲包好咗嘅糖果上添！

啱啱九點幾啫，但一入到條街時就已感受到啲人潮吖...可惜嘅係當我哋一行十人行冇幾耐就打甩咗，剩番Lay-Choon同我一齐...之後两人就向前行，希望可以重遇其他八人...點知就冇缘遇到；而我哋就越行越遠咗...既依係咁，我哋就索性自己行兼盡量去將所睇到成街都係橙色嘅情形一一拍底，亦盡量將啲有趣兼搞笑嘅途人造型盡收於我部DC仔下。

今次之行可以講係值嘅，全冇嘥到19.7歐币（Delft-Amsterdam嘅來回車票）吖！因為我真係感受到嗰气氛...啲荷蘭人有幾咁享受呢個大日子，搞到佢哋可以好似倾巢而出咁着晒橙衫，橙裤，橙帽，橙色太陽镜，橙色頭式...仲有好多好多吖！最惨嘅係當行到有live band或唱片骑师嘅路段時就大碌囖...因為太多人嘅關系，所以嗰一刻嗰一段係幾咁難去串過吖...啲人逼到你唔使行，亦會有人晓推你向前行吖！哈哈...咁你話嗰一係有幾逼吖？

然後亦軆驗到啲canal bus parade，啲人點様坐响架船喥...然後一到桥就好熱情咁同桥上嘅人打招呼，之後就任你拍到爆機為至吖！今次就斋行，又大街到细巷...然後又由细巷走到去大街...又睇到有人玩笨猪跳，就咁様來來回回好幾輪咗，目的只得一個...就係去見識荷蘭真正嘅红燈區喇。最後成六點幾先成功揾到嗰红燈區...嘩！啲女真係着晒少布版嘅三點式，然後企或坐响块玻璃镜里面任你睇，睇到啱就倾嗰靚價...如果倾點數後就開波嘞。但啲女嘅质數就麻麻啫，有幾位仲好肥添...阿...

睇完红燈區就直踩落去吃晚飯，行咗成九粒鐘... 因為成日里面只吃咗件荷蘭式熱狗同两串西藏式“沙爹”，最後晚餐就去咗間賣Kebab嘅店喥吃Mix Grill；里面有美式炸薯條，牛肉，羊肉同埋串燒雞肉吖！過後就收工，咁就响我人生旅途冩上亲身渡過荷蘭Queen's Day嘅前夕喇。可能呢啲只係一生人一次呢種機會吖，因為如果下次同烏啄啄嚟亦未必可以遇到另一個Queen's Day囖。