克仔，笑談快門

放工後有乜搞？今晚就嚟個四人幫...然後揾到枝盲公竹（荷蘭同事）带路去Billy Beer餐馆吃所為聞名於Delft嘅烤排骨（Spare Rib），咁啱今日又係Delft嘅student night...亦即係啲大學生出嚟wee-wee-wet-wet之夜，所以就比较多人...

到咗餐馆後大家就開始落單，而我就叫咗個密糖風味嘅Spare Rib嚟嘗下...等咗一陣後...终於見到我碟密糖烤排骨囖...嘩，冇碟架...啲烤排骨係用一块约莫9"x17"大嘅平木板嚟盛住，里面有两件烤到香噴噴嘅排骨，美式炸薯條同沙律。搞到成块板仔都冇乜空位剩底，所以你可以估到碟嘢會有幾大幾多...更搞小嘅係啲烤排骨切開咗後（骨与骨之間）係要落手攞住嚟吃，嚟吮...咁先够滋味吖！如果用刀叉係极之艰难吃吖！但最可惜嘅係冇拍到碟密糖烤排骨...因為間餐廳里面好暗吓，一吃就吃到九點半，真誇張...而今次啲烤排骨就好吃過上次响澳洲吃個啲...如果烏啄啄係嘅話...肯定可以冩包單搞掂晒吖！

臨散band時就走去一間叫“The Game"嘅CoffeeShop，原來里面有得賣粉哦，聽講响荷蘭带10gram粉出街係冇犯法嗰哦...但就唔知真唔真囖；吃晚餐時，佢哋仲講到嗰Holland Space Cake有幾勁(啲馅係有毒品成份)...你咁嘗試冇？想唔想試下追龍嘅滋味？要就自己嚟亲身軆驗囖...呵呵...