克仔，笑談快門

今日已係渡過响荷蘭嘅第二日，一早吃咗早餐後就等的士嚟載Perry同我去Exact總部。雖然距離酒店唔係好遠，大约步行15分鐘左右就到。但因為個一大袋行李...所以就棄用步行，而改用的士咁解啫。

今日開工囖...一早到公司攞咗宿舍嘅鎖匙後就嗱嗱聲將啲行李拎去宿舍喥方，然後再返公司。之後經過一輪嘅大會指定介绍動作後...就開始按装軟件程式，然後就正式進入討論今次飛嚟荷蘭嘅首要任務。就咁一倾，就倾到成點先落去一樓嘅飯堂喥吃晏。而呢個飯堂係唔用先金做交易...反而要去買啲唔知乜嘅預付卡。更犀利嘅係嗰飯堂所賣嘅全都係面包（仲係任配嗰只，你想要乜烟肉配咩面包都得...真係咁都得哦...），冇飯賣架；可能荷蘭佬冇乜鍾意晏舟吃得太饱啩。之後就继续個討論會...一直到唔點。

五點半後，公司啲人開始收隊咗...果然準時吖！
方工後就跟濕熱去C1000超市喥入貨...入啲晚餐同早餐嘅配料。第一次見到去超市買嘢係要自备纸袋嚟装所買嘅嘢，如果冇袋，可以係超市喥買一個...每一個只賣0.15歐币。入完貨就拉大隊返宿舍...返到宿舍已七點幾，而個天就好似KL嘅五點幾咁...一拖就拖到成九點半至十點先天黑...果然係日長夜短吖。今日亦係我睇見嘅第一個荷蘭日落，嗰咸蛋黄仲好圓好红添...一流吖！