克仔，笑談快門

自從2001年之西雅圖一行後就冇在出差咗，直到今日在出差去荷蘭；雖然冇飛去美國咁耐...但亦要飛成十二粒鐘。廿二號零晨由吉隆破起飛，今次仲坐更大嘅747-400珍寳(Jambo)型號民航機添...嘩！一個字，爽！

當飛咗粒幾鐘後就開始例排嘅飛機餐喇，突然間一個好熟識嘅名字“Zita”响我耳邉擦過...然後我望住碟飛機餐...又令我想起Phillip Tong呢個名字...哈哈...吃飽後就瞓，反而今次全程未聽過一首歌，未睇過一套戏...只係瞓，一直瞓咗八粒幾鐘後又話係第二餐嘅時候，冇幾耐就平安着陸阿姆斯特丹嘅Schiphol國際機場...咁就話飛咗萬幾公里。

去Delft有两條路线，而Perry同我就買到由Schiphol國際機場坐巴士去Leiden Centraal站，途中見到好多绵羊，牛牛，馬同好多靚景...仲有人生第一次睇到真嘅WindMill（荷蘭嘅地標-風車）。咁就即刻開始拍咗...因為係喺巴士里面，所以全程改用高快門嚟拍... 盡量做到拍出嚟嘅相唔會朦。冇幾耐就到咗Station Leiden Centraal...之後就轉列車直踩落去Delft...踏出Delft車站後骤眼好似見馬拉嘅KTM總站大樓，事關有某部分真係好鬼似，下次先拍底俾大家睇；包你哋都話似吖。

第一次嚟到一個好陌生嘅地方，而手上只有張冩住要揾嘅酒店名同地址...點好？咁Perry同我又冇咁傻去搞埋啲投石問路，但我哋就一個箭步咁閃咗去一加的士喥，然後就請教位靚女司機...記住，係「靚女」司機！真係架，搞到Perry同我都擘大個口...然後你望我，我望你...心諗...佢係司機，唔係啩...真係好Pro哦，啲制服又Pro，人又索，就連部車（福士）都Pro過人。

到咗酒店門口後，我第一個反應就係...嘩！环境一流吖！點解？因為酒店出面就係一條小canal，而水中就有十幾隻鴨响喥戏水...咁嘅环境，你話我仲點會唔“嘩！”吖。雖然响呢喥門前或後有條小Canal係好碎料嚟啫，但對于我呢啲大乡里出城就更係好特别囖。因為間酒店（其實亦只係一般嘅B&B嚟啫）前一日啲房爆晒，而Perry同我又打雀咁早踩上去...搞到未有房可以俾我哋Check-In，所以位前台靚女就叫我哋自便去里面吃早餐。當我睇到啲早餐時，就令我諗起同烏啄啄一齐沉醉於悉尼的日子...因為B&B啲早餐都係咁上下，哈！但最特别就莫過於用餐地方嘅天花板，點解？因為店主竟然挂满晒啲大銅桶...好特别！一吃，就吃到十點半左右，而我亦响十點响荷蘭疴咗我人生第一篤屎...哈哈！
够晒纪念價值吖！

因為有客啱啱Check-Out，但係仲要等間拾好先可以做Check-In手续；所以Perry同我就出去打個白鸽轉，點知呢一轉...就大開眼界吖...
因為見到两坐好宏偉嘅教堂！真係好高好高吖...期間亦見好多男男女女踩單車响喥左右咁穿梭。然後呢一幕俾我一個無煙城嘅感覺吖。除咗多單車外，亦睇到兼感受到呢喥啲人好享受生活...事關好多人拖住啲狗狗四出散步。而呢喥啲狗又超大嗰隻添...有啲就细隻嘅，就直頭坐响單車前面嗰籃喥添。呢一轉亦睇到馬車同埋啲好靚好靚嘅倒影。咁行一行就用咗成粒鐘，而臨返到酒店時，竟然睇到架好鬼型仔嘅四輪驱動車...咁我更係好順手咁拍番一張架嘛...呵呵...

返到酒店時，房已準备好...咁Perry同我就各自手攞鎖匙返房休息一下...三個鐘後再出發去揾流動電話预付卡，點知一步出酒店先知...落毛毛雨哦...搞到更家凍...11'C啲确唔會冷到震嗰只，但如果稍微吹吹風時就真俙攞命囖...因為周末嘅關系，搞到行咗还幾條街依然揾唔到流動電話预付卡就算有嘅，張卡亦唔啱size...大家都係用GSM网络，但就偏偏唔啱；最後更係冇買到囖。然而...就走去吃麥記，吃咗一個地道風味嘅漢堡...McKroket...啲馅就好似薯泥加介辣（Wasabi）咁...唔係咁好吃，但就起碼馬拉吃唔到咁解啫。第一日响荷蘭就係咁圓满结束咗嘞。

第一站： Schiphol國際機場坐巴士去Leiden Centraal
#1.


#2.


#3.


#4.


#5.


第貮站： Leiden Centraal車站
#6.


#7.

#8.

#9.

#10.

#11.