小迪小米生活雜誌

琴日 23 號朝早, 一起身 dick 仔就係咁喊, 情況不太好, 唯有即刻再帶佢去睇, 平日睇開個 vet day off, 第個都睇住先啦.....

result 都係唔知咩事, 又再打止痛針, 我都好擔心. 下晝約咗成班狗去 bbq, 我就同波菲媽借架車仔用, 等 dick 仔可以坐車唔好行太多. 但... 佢唔多開心囉

到黃昏時佢去沖涼, 個姐姐同我講, 建議佢盡快去照一照, 因為情況不妙, 佢話 dick 仔後腳係冇乜力, 只係用前手撐起後腳,  我一聽心都沈埋. 即刻拿拿林打電話 book 太平道診所, 唔理邊個都睇咗先. 結果係証實 7-9 節出問題, 食止痛藥, 再加鎮靜劑, 話可以等佢安靜咁瞓吓覺, 個 vet 話見到 dick 仔係比較活躍, 怕佢要困 3 個星期籠佢會發癲. 呢樣我又好認同佢咁講.... 1 個星期後再覆診. 不過我有 d 奇怪, 點解我話想照 x-ray , 個 vet 就話唔使, 因為照咗都睇唔到.

我都唔太放心, 夜晚我再問寶毛米媽個問題時, 聽佢講完之後, 佢個建議都好好. 今朝即刻再打電話 book dr lui 睇吓可唔可以插隊睇睇, 好在聽朝可以插到隊, 就等聽日見完 vet 先. 希望個情況真係不太差, 唔使做手術就好喇. 真係唔想 dick 仔捱個咁大嘅手術.


後記 : 我發覺 dick 爸對我所講嘅嘢佢係唔信. 無錯, 有時我係緊張大師, 但都不無道理喎, 我睇呢 d 完全係多過佢. 佢係要 d 專業少少嘅講佢先肯信. 好彩就係佢係聽到個姐姐講, 佢先認同. 如果唔係, 佢又只會覺得我多餘囉. 唉..... 有時真係好鬼嬲 !!!!!!!!!!!!!!!!!

Dick 仔困籠個樣勁唔開心, 不過都冇辦法.
Dick 仔你要忍吓呀. 好快冇事好返又去玩過架喇. 知道嘛 !