小迪小米生活雜誌

好耐冇 po 文喇, 好忙, 又冇乜心情 !
呢 2 日仲更加煩 !!!!! 點解???? 因為................................. Dick 仔..

因為...................... dick 仔唔知咩病, 响星期三晚, 我地返屋企時佢流哂口水, 又嗚嗚嗚咁喎, 仲冇活躍咁歡迎我地, 佢平時好開心咁迎接我地架! 起初我地以為佢係焗親, 因為日頭可能幾熱, 我地又冇開風機比佢地. 咁就即刻開冷氣比佢涼吓啦, 不過佢都唔多願郁, 行幾步就趴係地下, 但佢又肯行喎, 我就按勻哂佢全身, 睇吓係咪 back bone 問題啦. 佢平時成日跳 sofa , 我都怕佢有事嘛 ! 但佢又冇叫痛喎, 都以為佢係焗親, 咁就等佢涼吓. 到夜 d 佢又好似好 d , 咁就開冷氣比佢涼住瞓啦.

點知到星期四朝早 6 點, dick 爸就拍我起身, 佢話 dick 仔好似唔係好妥, 又係唔多願郁, 打側身瞓係地下, 推佢又唔應, 要帶佢睇醫生, 即刻起身打電話問急診啦, 點知又唔係睇開個醫生, 睇開嘅要 9 點先睇得. 咁我見佢又可以行到, 就等到 9 點先睇, 我都係信呢個多 d .

好唔容易先等到見醫生, 點知 dick 仔又好精神喇喎, 完全冇事咁 v.v ... 醫生摸勻佢全身佢完全冇叫痛, 放佢落地佢又跟住我行, 唉.... 真係唔知咩事!!!! 醫生話佢都見過有 d 狗仔係會唔比醫生摸到佢有問題的, 咁佢就比咗 d 止痛藥我, 話比佢食 2 日, 如果佢變返活躍就食哂 d 藥佢, 如果冇改善就要再睇, 因為依家睇唔到咩事....
就係咁, 我就同佢睇完醫生, 下晝返工, 夜晚返黎, 佢又好好多喎, 心諗佢應該冇事喇. 但.......

今朝佢又回復唔多正常, 但又唔係好差, 我真係唔知佢係咩事. 唯有食埋今日藥, 睇吓聽日佢點先, 醫生話食 2 日嘛, 真係冇改善就再去 check 吓. 

dick 仔 ~ 你食咗藥要好返呀! 你邊度唔舒服話我知啦. 好唔好 ??