May 19,2007

下雨天

好耐都冇 po 文喇....

返咗新工個多月, 決定比自己 1 年時間, 讀完書就再揾工 ! 點解 ? 因為冇乜前景囉...... 老闆係習慣自己做, 所以好多嘢都係收收埋埋, 成日諗住自己知, 自己記得就得喇, 但係, 我地唔係佢肚裏果條蟲, 唔知佢諗咩嘛, 點做呢 ? 而我係做數嘅, 呢段時間我係執返以前嘅數, 預備報稅, 有 d 不知名嘅嘢, 當然問返佢啦, 但佢就不斷話以前嘅人做錯哂, 但我知道以前 d 人唔係做數, 你明知都叫人做, 緊係做錯啦, 依家就賴人... 終於我忍唔住窒佢一句 --- 吓 ? 你負責簽票喎 ! 而佢.. 亦即刻冇聲出 ! 我真係唔想咁樣, 話哂佢都係老闆, 但... 真係"鄧" d 人唔抵嘛....

而迪米仔嘅近況呢, 都 ok 啦, 反而我地發現咗幾樣嘢 ..... 

有日我唔係屋企, 迪米爸聽到小米喊, 走出廳睇吓佢咩事啦, 哈 ~ 見到佢企係廳度 " 吉 " 高個 patpat 唔郁, 原來係佢痾唔清便便, 吊住咗.. 佢真係叻仔, 識得揾老豆幫手, 但係... 如果我地 2 個都唔係屋企咁佢點算呢 ? 仲有個重大發現, 就係小米原來係教徒黎架. 因為佢呢排成日都對住碗糧祈禱, 有時仲祈一次都唔夠, 要祈 2 次添! 祈完禱仲唔食喎 ! 我同波菲媽講過, 佢話要將碗糧奉獻呀 ! 哈 ~ 佢真係一個乾誠教徒 !

小迪呢, 雖然佢唔係教徒, 但佢有時都同小米一樣奉獻碗糧, 而且, 佢又瘦咗呀, 真係唔明點解唔食嘢 ? 唔通係熱冇胃口? 但我已經教時間開冷氣比佢地啦 ! 定係因為我話佢地肥而減肥呢 ? 咁我以後都唔話佢地肥喇 ! 不過我又發現多樣嘢, 就係比密咗靈芝粉佢地食呢, 佢地真係精神咗架 ! 我會 keep 住比佢地食, 等佢地健康 d  !!!!


Posted by funfundog at 19:09 │回應(5) │引用(0) │生活

May 6,2007

6 May 2007 Petworld

終於都有車車坐去玩喇. 依家去游水就方便好多喇

 

...繼續閱讀

Posted by funfundog at 22:31 │回應(7) │引用(0) │娛樂
 [1] 
回頁首▲