小迪小米生活雜誌

哈哈 ~ 真係估唔到我都可以聽到閙鐘起身

事源係我要用 "剷" 黎 "剷" 我先識起身嘅人黎, 平時呢個重任係由迪米爸操刀嘅, 但佢由琴日開始去星加坡同吉隆坡做嘢, 要星期五半夜先返到屋企, 咁呢幾日就要我自己醒瞓 d , 唔係就要成個星期都返半日工喇

迪米爸都知道我 d 懶瞓習慣, 佢上星期開始已經問我會唔會唔知醒返工 ! 哈 ~ 呢個問題問得好呀, 我自己都答唔到呢個問題 !! 而佢就叫我較定 2 個閙鐘 (其中 1 個係走火警嘅鐘聲黎) , 再加埋手機個閙鐘, 咁應該冇有怕啦 ! 

不過琴晚我係度睇碟, 睇到成點, 跟住又聽住收音機瞓, 因為我唔聽住係瞓唔著, 但都唔眼瞓喎, 唔知係咪個腦成日諗住要醒瞓, 唔好唔知醒, 結果我琴晚瞓吓醒吓咁, 到今朝都一樣係聽到閙鐘響, 真係自己都覺得幾好嘢 !! 不過個人就真係明顯攰咗, 冇辦法啦, 由细到大都有專人叫我起身嘅, 呢幾日要醒瞓 d , 仲要知醒起身, 真係唔容易呢..

但係有樣嘢我都幾擔心, 就係小迪 !!

琴晚佢成晚係門口等, 而且當出面一有小小聲音時佢就勁吠, 無他嘅 , 因為佢平時係咁等老豆返屋企嘛 ! 我初時都好怕佢唔知會唔會係門口等成晚,如果係佢就要等幾晚喇 ~ 不過好彩最後佢都返床仔度瞓, 而我呢個星期又唔使返學, 咁就可以同佢地落多 d 街, 消耗多 d 精力, 早 d 瞓, 唔使掛住等老豆門啦....

小米呢 ~ 佢就唔使擔心, 因為佢一早就自己上床仔瞓咗喇 ! 佢好易湊, 有嘢食, 有水飲, 有波玩, 得閒同佢講 2 句嘢, 咁就得喇, 完全唔使擔心佢... 真係叻仔!!

呢排 d 天氣唔好, 連帶人嘅心情都唔多靚 ~ 仲諗住過完年會好 d ,  原來唔係.....

係呢間公司都做咗好耐, 近呢 2 年開始, 老细有 d 問題, 成日呢樣果樣, 又失憶喎, 上年年尾更甚, 諗住轉工, 而且出面又話幾好景咁, 心諗一定唔難揾工啦

其實唔係, send 咗 cv 出去, 都冇乜回音, 係我未及人家要求, 覺得我唔啱. 定係我要求高,  覺得我獅子開大口呢 ? 真係冇計,

唯有繼續係呢度悶, 無心做嘢, 繼續揾工, 揾到啱為止, 總有人會發掘到我嘅優點嘅, 哈哈 ~

我一定會努力嘅, 努力讀好我嘅書 !  努力揾我想揾嘅工 ! 努力脫離魔掌 ! 哈哈 ~

今日係年初三赤口, 傳統係會嗌交, 但係我地呢 d 百無禁忌嘅一於少理, 約咗波菲媽去行自然徑, 原本仲約埋綱牙媽嘅, 但係阿妹琴晚嘔, 所以佢冇去到....

豬年就快到喇, 在此預祝各位新年快樂, 心想事成, 事事如意

升職加薪, 有仔仔女女嘅就快高長大, 肥肥白白, 聽教聽話 !

豬年行好運 !! 

好耐冇update 迪米嘅生活事喇, 原因我呢排好忙, 早排公司搬, 我又要忙於學習, 又要打拳, 不過都有時間帶迪米仔去玩....

之不過近幾日好傷心...