<< Online Motion Tracking Flash Game - 一定要玩！！！ | 回blog首頁 | Yeah！廿一歲~~ >>

2006年03月28日

生日前腦部混亂綜合症

唔知係咪因為就來生日，呢排好似特別 down.... (諗諗下我好似年年都係咁....) 可能係因為我接受唔到自己已經廿一歲... 嘿... 好似好大個咁其實又唔係... 有D矛盾.... 而且一諗到下年就要出去搵工做野就有D擔心... 唔知會唔會失業... 就算有人工都可能得果六七千....... 跟住又驚唔知第日會唔會做野做到太忙 (聽聞做design係日日OT到半夜....)，攪到眾叛親離.... 又唔得閒約friend，公司D人又唔知好唔好.... 又唔知第日會唔會掛住做野變老姑婆.... 三十歲仲係抱住隻大頭狗訓覺...... 呀.... 我好似將D野諗到太過disaster....................

唔...... 打左一堆廢話，又好似舒服左D哈哈~~~ 其實呢d念頭既根源都只不過係因為突然發現生日果日要做野，好無奈.... (...因為一早就plan左去玩o家嘛... 好失望囉...) 不過.... 算吧啦............. 唉真係奇怪，細個時想快D大個做大人，大個時就想唔會咁快變大人.... 嘿...... (無奈中~~)



Posted by durian at 樂多Roodo! │10:40 │回應(4) │引用(0) │日記
樂多分類：日記/一般 共同主題：日記 工具：編輯本文
Ads by Roodo! 

引用URL

http://cgi.blog.roodo.com/trackback/1329085
回應文章
我做左咁耐人，都係得三四年係有人記得我既生日同埋有人同我慶祝炸。

有年真係好似拍戲咁，個朋友晨早流流打比我，問我有咩節目，我答無野搞，玩下icq咁，跟著佢就話我炸傻扮蒙，我都係唔明，跟著佢叫我望下個月曆，我先醒起當日就係我生日。

你己經好幸福。
Posted by eva伊娃 at 2006年03月29日 22:22
咁睇o黎係因為連你自己都唔記得自己生日so人地先冇同你慶祝o者~~
你family都唔同你慶祝o家﹖(不過我識好多人都係屋企唔會理自己生日...)

你咁講我係咪唔應該咁嫌三嫌四呢......*3*~
Posted by 榴槤 at 2006年03月29日 23:39
和你一样，也马上就到自己21岁的生日了
不知道为什么18岁以后，总很怕长大，总不想过生日，总是要到了过生日才肯承认自己大了一岁，所以现在我和所有人说我还是20,也许是自己很怕老吧
去年的生日有他陪着，虽然没有烛光晚餐，可依旧开心得不想回家
今年，他却已成陌路人了，有谁会想到一年时间可以变化如此之大
我想只要做自己喜欢的工作，就是幸福的
Posted by mira at 2006年04月2日 09:10
原來mira你都係同我同年... 我而家先知啊~~ (喂我都祝你生日快樂啦~^^~)
不過其實廿歲就話自己老好似唔係好應該..(咁人地四十歲果d點算...~?)
你就好... 上年有人陪... 我年年都冇"他"陪... 不過有friend陪仲開心啦~~ 係咪﹖﹖(廿歲o者~~ 唔驚搵唔到下一個既~*0*~)
Posted by 榴槤 at 2006年04月5日 23:36


回最上方