善見城

今年逗利是都發生左好多趣事，所以係度發表一下。

大概因為舊年啱啱係香港過新年，而今年過左一年嘅關係，同事間都比較熟，所以派嘅人爽手左好多。但係諗唔到逗利是都會發生咁多事… 首先，原來唔係所以已婚人士都會派啊~ 如果你唔係主動問佢攞「拜年」的話。咁理論上都啱嘅，人地派利是啫，如果你唔同人恭賀一播，叫人點派利是你呢? 而因為我唔係一個主動嘅人，所以有好幾封都無逗到。

有d 人只要你露一露面，佢就會比囉。年初四我公司開工。我一返到公司習慣都會倒杯水比自己，然後就埋頭工作，但係果日一埋位就倒瀉水! 呢個從未發生過嘅事就有意想不到嘅結果－為左搵布清理地方，我就四圍走動，結果有d 同事就派左利是比我… XD

有個同事，見我手執啱啱收到嘅利是，以為我係度派利是，就同我講: 「重以為你係單身添!」 係我未來得切回應之際，佢就迅速收起想派比我嘅利是兼彈開左! (根本唔想派…) 我都費事解釋，就無追番佢啦~

而正當我四圍搵野索水之際，我就同大老闆鄭生撞個正著! (重點係好日都唔會遇到佢係公司出現!!!) 四目交投之際，佢就係襟袋度攞封利是比我! (聽聞鄭生只係八樓度親自派利是，我果層嘅同事係由佢助理派。換言之，我係唯一一個係27 樓收到鄭生利是嘅人! 哈哈~)

重有一個奇景發生。今年我個鬼佬老細走去派利是 (以前無)。區域部嘅同事(包括我在內) 佢都親自走過來派。香港部嘅同事因為唔同office 嘅關係，鬼佬老細當然無走過去啦~ 香港部同事有見及此，就拉大隊走去佢房度團拜! (講嘅係廿幾人喎~) 廿幾人走入百幾尺嘅房度，就好似「歡樂滿東華」嘅表演節目咁… 真係何其壯觀!!!

...繼續閱讀

從朋友手中接過的棒棒~~~

---------------這是分隔線---------------------

填寫日期：2007年2月15日
愛的食物：意大利雪糕 (尤其無糖朱古力，最高!!!)
愛的顏色：天空藍 (但是衣服卻愛穿暖色系)
愛的休閒：上網 (大概已佔了我生活的80%...) 其餘是看漫畫、唱k、打羽毛球、打保齡 (但是大概一個月也沒有一兩次...)
愛的老師：所有惡趣老師! (不包括GTO... 因為我沒有看過...)
愛的歌手：香港的－陳奕迅、古巨基、容祖兒、張學友，日本的－Chemistry, Every Little Thing, WaT! (聲優的話我還是推介Sakamoto Maaya)
愛的個性：(我的個性嗎? 你說呢?)
愛的口頭蟬：無
愛的小動作：扮河童嘴 XD
愛的季節：清爽的秋季
愛過的人：某個師兄、ex-bf
愛的人(男/女)：在地球另一邊的某「碌葛」
愛的節日：聖誕節和自己的生日!
愛的運動：打羽毛球、打保齡
愛的定義：你去問柏拉圖吧~
愛人的時間：到我死為止
愛我的人：家人、朋友，還有某「碌葛」

接棒的人：喜歡接棒的人便接吧~ 留下連結在留言區好了。 :p