Digital Anthology☆正在經驗

這是很久以前由朋友轉寄的，雖然吃方便麵始終不好，不過我這種痴媽狂先學一下到媽媽不在家時就懂得如何自救了。

１．想食入哂味o既話：
滾好適量o既水，然後落麵，
等o的麵散開哂之後，再落麻油，味粉，
然後撩佢幾o下熄火，蓋好個煲等５分鐘左右，搞掂！

２．想食香口o既話
滾好適量o既水，然後落麵，
等o的麵散開哂之後，用筷子夾上碟，
個煲o的水倒哂佢，
然後用回個煲加少少油，燒兩燒之後將o的麵
倒返落去，然後個煲輕輕離開火面，
同時用木筷子勁撩o的麵，
唔好俾佢痴底，
炒幾炒之後，落３／４包味粉，
再勁撩，撩到o的色澤平均o的，
然後上碟再加麻油，
搞掂！（記住唔好用穫黎炒，難食好多！）

３．想食爽口o既話
先放一大煲凍水，
用另一個煲滾好適量o既水，然後落麵，
等o的麵散開哂之後，
用最短o既時間倒o左o的熱水去，再將o的麵倒落果大煲凍水果度，
再開大水喉勁沖o的麵，
等o的麵凍o左，然後要即刻隔哂o的水去，
唔好用水沉住o的麵（成個過程動作要快！），
然後用個細煲，放適量水，
落味粉，較好味之後水滾熄火
將o的湯倒落o的麵果度，
加麻油，又搞掂！

４．芝士撈麵
用另一個煲滾好適量o既水，然後落麵，
等o的麵散開哂之後，
用最短o既時間倒o左o的熱水去，然後將o的麵上碟，
跟住煲滾o的新水，用個大湯殼，
放適量o既卡夫芝士落去個湯殼果度，
隔水將o的芝士煮溶，
溶o左之後即時淋上麵面，食得！

５．勁懶煮法
滾好適量o既水，然後落麵落粉落麻油，
蓋好個煲然後由得佢煲，
聞到公仔麵o既香味之後，就可以熄火落碗！

您可能有興趣的文章：

Paper Goods：自主印刷紙月曆，模型，賀卡，手帳用紙愛好者參考網站