地痞仕的筆記本

你的腳瘡來當作嘴，講話親像塊放屁
你的卵葩來鬥做鼻，翹予懸懸甘是卡好喘氣
人前嘴笑目笑同一頂烏紗，人後吃銅吃鐵同一個屈勢
假仙假怪看到嘿就想要A，tu到散赤你講咱就要鬥陣企作伙
干是肖官府，出厚賊，肖父母出一ko阿里不達
抑是歹年冬，厚肖人，請問凍時輪著阮好康
為著爬高相爭吃人，尚好大家攏輸你穩賺
日操眠操我頭殼中癌，chhih鈴控告恁遮頭家政府官員
怎會最後一審重判，二審一半，三審豬腳攪麵線
燒香拜託太子爺，搏杯問著祖公祖媽
這是什麼款的一個世界，一個什麼款的世界
這是什麼款的一個人生，一個什麼款的人生

今啊日開始，我無要擱相信，無要擱相信
無要擱相信媽祖上帝
無要擱相信老師的話
無要擱相信老母和老父
無要擱相信，無要擱相信，無要擱相信
無要擱相信什麼拼經濟
無要擱相信賢人賢讀書
我只有相信家己一個

我欲來去唱歌，我欲來去修理車
我欲來去畫圖，我欲來去作板模
我欲來去搬戲，我欲來去討海獵魚
我只是想欲過了歡歡喜喜
我只是想欲過了歡歡喜喜
干講無厝無車無某無翁會卡早死