◎有聲唸讀

淡水的五條山崙仔（五虎崗），樓仔厝差不多攏佔了了，chun這登記毋知第一號抑是第五號的「鼻頭崙」，半山崙仔的第一公墓已經遷葬，欲整理做運動公園，曠闊的夜總會遺址，無啥人行踏，唯墓埔夯頭看起去的崙仔頂，樹林仔密密密。

這是淡水鎮內，最後一跡無受破壞的山頭，「淺」山林內的隱修院，五十偌年前，原本是欠水的田地，過手予修道院了後開始種樹仔，種出今仔日的清幽好景緻。

修道院西南爿的三叢蓮霧樹，一叢較大叢、看著肥卒卒的，種佇以早飼豬的豬稠後壁；兩叢較細叢的，偎佇角仔，後面就是防空壕、竹pho7佮雜草。 ...繼續閱讀

◎有聲唸讀

雖然加減有咧煮食，但是，已經足久足久毋捌一透早踅菜市仔。

若毋是細漢滯大菜市附近、tiann7-tiann7對阿媽去買菜，即馬的我，入去菜市仔，一定是「失語」的吧！ ...繼續閱讀

回望 綠的海平線 ── 看見阿亮，佮伊所紀錄的台灣少年工

◎有聲唸讀

毋捌坐船出去外海，上ke是佇淡水的漁人碼頭坐遊艇，出淡水港，海湧一下大起來nia5，船仔就隨欲越入去淡水河口，往八里左岸、抑是老街渡船頭駛去。開闊的淡水河面，一爿大屯山、一爿觀音山，好親像兩支手骨展開開，隨時一下就欲共拄學行、行無幾步路的囝仔攬起來，毋甘伊佇外海的風湧裡sim3啊sim3——

佇淡水，好天的時，海平線是藍色的；歹天的時，海平線是茫霧的。我從來毋捌坐大船離開即塊島嶼，毋曾佇船仔尾看白湧將島嶼愈sak愈遠，sak對天邊、sak對海角，最後，歸粒山頭藏水味，化作一條綠色的海平線…… ...繼續閱讀

——想著林吉崇醫師的兩本書 ◎有聲唸讀

阿亮是一個學電影的人，毋是一個研究台灣史的專家，《綠的海平線》的「線索」，是對伊的前一支紀錄片《走找1946年消失的日本飛行機》牽來也。

囡仔時代的阿亮，捌聽阿公咧講，講戰後無偌久的時，去共報廢的日本飛行機買落來，提飛行機的a-lu-mih做ue仔鼎仔去賣，自安呢賺著錢，發展起來，形成後來的家族企業。大漢的阿亮，對即段家族故事非常好奇，發心欲用攝影機共箍轉來，就是紀錄片《走找1946年消失的日本飛行機》。

即款尋根溯源的精神，佇歷史斷層真普遍的台灣，特別可貴。

唯家己的家族史走找起，到後來，找出一綰人的故事——佇我所熟似的朋友裡，除了阿亮，予我嘛真感動的一位長輩，就是林吉崇醫師。 ...繼續閱讀

◎有聲唸讀

即個節氣，南部已經真燒熱，日頭光青青。

轉來淡水，今載起煞烏陰烏陰，一陣雨落過，收煞，黏裡又閣出日…… ...繼續閱讀

◎王昭華 唸讀

下晡四點外，歸個埔頂giaunn5 chi3 chah。真理街仔一路通到底，文化國校、淡水國中、淡江中學、真理大學……下課的學生囡仔，若予人關歸工的小動物，一放出籠仔，遮走、遐縱，大小聲嘻嘿叫。 ...繼續閱讀