－解讀行政院版《農村再生條例》

◎蔡培慧（台灣大學生物產業傳播與發展學系博士候選人）

摘自「苦勞網」公共論壇 2008/12/21 原文對照連結

台譯、讀文 王昭華│錄音協力 黃培育

讀文mp3下載(檔案有較大，敬請耐心等候)
1. 話頭與總評
2. 解讀爭議法條 第四、七、九、十條
3. 解讀爭議法條 第廿五、廿六、廿七、卅一條

《農村再生條例》反應出「開發主義」佮「管理主義」的無限擴張，企圖以「再生」的名義，造成土地兼併、圍地的事實。通篇法條看袂著鄉村「產業」政策、干單khuáinn粗耙耙的條文攏咧說明土地整備（用「整備」這个名詞，來代替「重劃」）。這是一部去農業、去小農、去文化的，無夠正扮的律法。

為著幫助咱深入討論，在此指出爭議條文，加以解讀。

其中，第三章〈農村土地活化〉下底，第二十二條至三十四條是上有爭議性的法條，行政院農業委員會咧變文字的把戲，將「土地重劃」、「土地開發」重新包裝，用予人看了霧煞煞的文字，取代攸關人民土地權益的處理程序。因為篇幅過長，建議會當先讀〈總評〉，以及第四、七、九、二十五、二十六、二十七條。

...繼續閱讀

◎台南，民生綠園邊仔，國立台灣文學館……（圖片轉貼自台灣文學館網站）


即份「國立台灣文學館」語音導覽台語版的稿，是最近接的穡頭。總仔共37條，萬二字左右，錄起來58分外，講--是按華語版落去翻譯，毋拘，兩爿的內容已經差真濟，幾仔位攏重寫過。雖然版權歸文學館，佇遮也是共搭出來，有興趣的朋友罔做參考，嘛歡迎掠包掠漏、指點指教。（已經錄音錄煞，袂改得矣就有影…） ...繼續閱讀

◎版權所有 國立台灣文學館│執行製作 Acoustiguide雅凱語音導覽（圖片轉貼自台灣文學館網站）


1 導覽系統使用說明

你好！歡迎使用國立台灣文學館為你製作ê語音導覽。T„咱ê館--nih，逐位所在lóng有標示導覽ê編號，你若想beh了解toh一區ê內容，tõh kä伊ê號碼，tsh…h(tsh…h是第8調)-lõh咱ê導覽機仔，了後，koh tsh…h青色ê key，tõh ë-tàng聽著相關ê介紹。若是beh小停--一-下tsiah-koh聽，請tsh…h一pái紅色ê key；若是連suà tsh…h兩下，聲音tõh ë 禁--起-來，beh koh聽，tiõh ài重tsh…h編號號碼。音量控制ê開關，t„機仔ê倒手pîng，大細聲咱ë-tàng家t„調整。T„ tsia先kä你提醒，離開本館ê時，請會記e kä導覽機仔還t¡g--來，lõ-lãt，祝你參觀歡喜！
...繼續閱讀

◎李國銘 (1964-2002.9.16)

七、山跤兜新故鄉

就佇福佬人佮客家人相爭相衝突的三甲子當中，有一陣人恬恬離開即塊「是非之地」。怹是下淡水原來的主人，代代蹛佇下淡水溪邊，歷史可能有上千年。原本手頭有河倒岸土地的鳳山八社平埔族，佇清朝政府佮漢人移民雙重壓力之下，漸漸失去祖先留落來的土地，往他鄉遷徙。有的沿荖濃溪上北，有的往恆春半島落南，甚至kóo對東臺灣去；不過，絕大多數抑是留踮屏東平洋頂，只是對平原西爿的下淡水溪邊，搬徙到平洋東爿的大武山下。怹佇山跤兜歹種作的土地頂面建立新家園，艱苦jún過散赤的歲月。山跤下面，雖然遠離下淡水溪，但是並袂欠用水。水對大武山直直tsiâng落來，大熱佮騎秋的豪雨節氣，水勢雄閣猛，山跤兜的庄頭定不時汪洋一片。

對大武山落來的水，流過山跤兜平埔族的新家園。佇沖積扇扇頂的跡sip落去、藏入土跤變成伏流，寬寬仔向溪尾流；到扇端的時，又閣tshèng出來變做活泉。歸個屏東平洋，若像是有一座超大型的地下水庫。溪仔尾的客家hām福佬移民，利用遮個水源從事耕作維持生活，最後予水閣流向下淡水溪（或者是東港溪佮林仔邊溪）。無論平洋上的人有怎樣的恩怨情仇，怹攏是飲共同的水。

下淡水溪的水流無停，恬恬咧看溪邊的百樣人，佇遮咧搬悲歡離合的劇情。過去，人的鮮血曾經共伊染紅；今仔日的工業佮養殖廢水，煞共伊抹黑。但，無論是橋崩去，抑是船péng去，伊攏只是無聲無說冷靜咧看咱人一切的演出。畢竟，毋管是平埔、福佬抑客家的歷史，佮伊的歷史比起來，攏只是短短的一目睨仔。


...繼續閱讀

◎李國銘 (1964-2002.9.16)

六、戰爭與和平

不管按佗一位祖籍地出身，清朝時代屏東平洋的福佬人，干旦會當選擇協力對抗共同的敵人──客家人。雖然客家人數量袂比咧福佬人，但是因為組織嚴密，團結一致，所以佇福、客陣營武裝衝突的過程中，差不多攏是客家人佔贏。歷史上，遮個福、客衝突事件造成的結果，四常是悽慘罪掛袂入目得，下淡水溪見證過遮個戰爭的可怕。

1721年的某一日、火燒埔的熱天，朱一貴差派陳福壽率領數千人渡過下淡水，進入屏東平洋。客家子弟兵協助清朝官兵合力圍攻，陳福壽等人往下淡水溪走閃，但是予客家民兵攔河堵殺。朱一貴的遮個福佬部將，佇後退無路的情況之下，只好全部跳入下淡水溪湍濁濁的溪水，數千人就安呢被殺或者tū死。《重修鳳山縣志》對即個難忘的熱天，有以下短短仔的記載：

漳、泉糾黨數千，陸續分渡淡水……，圖滅客莊，……客莊齊豎大清旗，漳、泉賊黨不鬥自潰，疊遭截殺。群奔至淡水溪，溪闊水深，溺死無算，積屍填港，後至者踐屍以渡。 ...繼續閱讀

◎李國銘 (1964-2002.9.16)

五、福客分類

佮下淡水溪仝流向閣làng平闊的即條線，一直tshun長去、thàng到枋寮海岸，是屏東平洋福佬人上密集的地帶。為啥物福佬人會集中佇平洋西爿面偎河抑是偎海的所在？解說有真濟種。上tsiap8 khoàinn的講法是「先到先佔說」：閩南的福佬人較早得著渡海優惠，所以一來到臺灣，就先選擇地力較好的沿河抑沿海地帶來蹛；廣東籍移民因為較晚被允准來臺，所以干旦通辜不而終去揀偎內陸的所在徛。即種講法，腹腸內底有略仔有對施琅的khioh恨。因為一般人相信，若毋是施琅先生khê佇中央，客家人就會當較早一時來到屏東平洋，毋免就屈佇內陸。

中央研究院的施添福教授提出的另外一種「原鄉論」看法，顛倒頭認為：福佬人hām客家人入墾屏東平洋的時間，應該差不多。因為兩個民系的移民，按照原鄉生活慣習的無仝，使得福佬人選擇屏東的沖積平原帶或者是低濕的湳仔地，從事甘蔗的種作抑是掠魚、hôo水產的khang-khòe；即款蔗作傳統甚至維持到日治時代，並無根本的改變。客家人，tsûann佇hānn過下淡水溪小歇一睏了後，進入較內陸的扇端湧泉帶，利用即角頭豐沛的水泉，延續原鄉生活方式，墾地經田，從事稻作。即種講法，強調的是各人取各人的需要；客家人佔墾的土地，不但毋是比較較差的土地，甚至是平洋面頂水源上豐沛、種稻仔上有利的肥卒卒的súi土肉。 ...繼續閱讀

◎李國銘 (1963-2002.9.16)

四、八社二里

就算是環境遐呢bái，該來的到底抑是來矣。對閩粵來的移民佇臺灣歸入中國版圖以後，做前做後來到「土多瘴氣，來往之人恆以疾病為憂」的下淡水溪邊；清朝政府也規劃出正式的行政單位，管理即phiàn予漢人又閣hah甲、又閣驚甲的青翠田洋。初期，是以東港溪為界，分「港東」佮「港西」兩個里來安置漢人；另外有八個社的編制，成做平埔族的行政單位。

即八個社，就是後來一般佇咧講的「鳳山八社」。在荷蘭時代，原本是平洋上的八個大庄。清朝延續前朝編制，以八個庄的庄名定做行政區域，而且繼續沿用到光緒年間。也就是講，清朝統治的兩百偌年內，就算原本的八個平埔大庄不斷分湠、搬徙，新的庄仔一疊形成，只要是平埔族的庄，就照常規範佇原在八個社的行政系統下面。所以，想欲了解屏東平洋的原住民，「八社」是重要的起點。怹分別是：

（一）大澤機社（嘛叫做武洛社）：大概佇今仔高樹鄉的某所在。

（二）搭樓社：可能佇現在里港鄉的塔樓。

（三）阿猴社：可能佇即馬屏東市內。

（四）上淡水社（也叫大木連社）：應該是佇今仔日萬丹鄉的社皮。

（五）下淡水社（也叫麻里麻崙社）：大約是佇現在萬丹鄉的番社。

（六）力力社：一般相信佇今仔崁頂鄉的力社。

（七）茄藤社：有可能佇即馬南州鄉的車路墘或者是附近的社口、社邊一帶。

（八）放索社：差不多佇今仔林邊鄉的放索。 ...繼續閱讀

◎李國銘 (1963-2002.9.16)

三、憂鬱的熱帶

是講，好佳哉也毋是所有的轉變攏予人感覺傷心，至少有一點轉變是值得歡喜的。過去的下淡水溪邊，毋若是一個物產豐富的所在，嘛是各種細菌的溫床。熱--人的傳染病，予屏東平洋滿四界攏是熱帶的憂鬱。痘熱症、寒熱症、thai-ko病等等即馬的人罕得有的病症，差不多逐年侵襲咱的平埔鄉親。1653年熱天的大tse，猶liù去閤較濟村民的性命，好好的田因為安呢拋荒去、學校將近毀了了。當然，對按高緯度國家來的荷蘭人來講，屏東平洋更加是令人喪膽的人間險境。看覓仔當時的記錄，隨就會當體會下淡水溪邊健康環境的險惡：

駐守佇麻里麻崙的Hans Olhoff，死於夏季的熱病。Hendrick Hamptom去接任，無偌久亦喪命。閣派專員Comelisvan Dam去，袂意一個月就過往。閣派Richards Weils去接任……。（……）十個月前，派駐麻里麻崙的二十名士兵，已經超過一半破病死……。

短短幾tsuā無鹹無汫的記錄，所描寫的卻是予人看著心肝頭會驚hiānn的慘劇。「屏東毋是一個好所在」（當然，彼時陣猶未出現「屏東」即個地名），是當時所有蹛佇臺灣的荷蘭人都相知影的代誌。就准是身負傳教重任的牧師，也互相相挨推，毋願hông派去下淡水溪邊的庄仔傳福音，攏恐驚仔會做客死佇屏東。

牧師毋願到屏東平洋長期駐地，造成的後果是相當驚人的。荷蘭時代的牧師有一個責任，就是必須愛學會曉平埔族各地的語言，然後用這做傳道講課的溝通工具。屏東平洋因為無正牌的牧師，各庄頭的學校干旦通請素質較差的軍人充任教師。遮個軍人，佇荷蘭並無受過專業訓練，所以無法度利用屏東在地的語言編寫教材，只好提現成的臺南的課本來教。但是，當時臺南平埔族的語言佇屏東根本無人聽有，安呢來，上課就若像咧教鸚哥抑是鵁鴒講話仝款。可憐的屏東平埔族人，tsuānn佇學堂聽欲二十幾冬鴨仔聽雷的臺南平埔話（Siraya語）。當時，逐工固定上學的學童，逐庄有八、九十人遐濟。假使逐個囡仔從細漢就接受即種「外來語」，屏東平埔族語後來會受著臺南平埔族語的影響，也袂予人感覺意外囉。這就像現在真濟屏東的囡仔人，袂曉講怹的母語仝款──無論是原住民語抑客語。 ...繼續閱讀

◎李國銘 (1964-2002.9.16)

（原文發表佇《屏東文獻》雜誌第2期，第95-103頁，2000年12月。收輯佇李國銘 著《族群、歷史與祭儀──平埔研究論文集》，第343-357頁，詹素娟 編，稻鄉出版社，2004年9月。台文譯讀 王昭華）

一、在地人的地名

Tamsuy即個字，大概是文獻中所出現、上早的、下淡水溪的名，彼是十七世紀初的代誌，號名的是荷蘭人。不過，誠明顯，怹是有參考在地人的發音。無像葡萄牙人共台灣號做Formosa（Hermosa），彼是怹家己喝出來的名，並無參考過在地人的意見。

十七世紀初的下淡水溪邊，蹛的是啥物款的「在地人」呢？文獻資料共咱講：彼個時代，下淡水溪倒岸的屏東平洋，蹛的攏是南島語系的原住民，也就是今仔日一般所稱呼的平埔族。只有真少數勇敢出海的漢人，蹛佇遮個原住民的庄裡，運鹽來抑是俗俗仔就通裝súi的物仔，佮怹進行鹿皮、鹿脯、稻米等等特產的交易。遮個漢人，大多數對中國福建南部或者是廣東東部的沿海地帶來。其中大部分的人攏講福佬話，佮荷蘭人則靠葡萄牙語溝通，因為葡萄牙人誠早就佇澳門建立基地。出海做生理抑是做海賊（或者兩項兼咧做）的漢人，通常會學講一寡葡萄牙話（甚至學人信葡萄牙天主教），以方便佮西洋人做生理。

雖然，當時屏東平洋的主人是平埔族，毋拘，Tamsuy即個名聽起來，干若是遵照少數民族（漢人）所講的福佬話──「淡水」即個詞的音直接翻譯過來的。畢竟，漢人因為做生理的緣故，佮荷蘭人自早就有密切的接觸。荷蘭欲hām平埔族交往進前，定定就唯佇臺灣的中國人的嘴探聽消息；甚至平埔族嘛四常委派蹛佇庄裡的中國人做代表，去向荷蘭人來講和抑是結盟。

今仔日下淡水溪的出海口足大，三四百年前溪水的流量應該閤較大，大到荷蘭人以為這是一個海灣。一幅真有名的荷蘭時代臺灣古地圖當中，屏東平洋的東港溪（Rivier van Dollatock of Cattia）佮林仔邊溪（Rivier Pangsoya）攏有清楚標示出來，顛倒是下淡水溪歸個無看--è──因為hông畫做一個海灣。 ...繼續閱讀

──小記 朱丁順阿伯來潮州 2006/12/16(六)

◎有聲唸讀

今年入冬第一個冷氣團，聽講台北會降到十度。

潮州街仔，無日頭，o·m佇鳥鼠仔色phú-phú的色緻裡，差不多有二十度吧，少年人竟然已經喊寒。

阿穎、陳明章老師、丁順伯、阿姨、阿姨彼個一包「乖乖」捏tiâu-tiâu的細漢查某孫，唯恆春網紗（bāng-sa）開一隻車，指定欲來潮州食牛肉福仔。

阿伯今年會當算八十矣，伊講伊一直到七十五的時，猶通佮阿姨唯恆春騎o·-to·-bái來潮州，食一碗牛雜仔湯，正擱彎對離無偌遠的「天聲樂器行」去，買月琴線。 ...繼續閱讀