寫過的文字，攏無公開發表，只是家己寫歡喜的，有時佮一兩個仔好朋友分享。這是2002年12月27日的舊文，算是日記，用文字畫的生活素描。我用華文寫，台語的對話就如實用台語紀錄，較袂走味。 ...繼續閱讀

——看見阿亮，佮伊所紀錄的台灣少年工

毋捌坐船出去外海，上ke是佇淡水的漁人碼頭坐遊艇，出淡水港，海湧一下大起來nia5，船仔就隨欲越入去淡水河口，往八里左岸、抑是老街渡船頭駛去。開闊的淡水河面，一爿大屯山、一爿觀音山，好親像兩支手骨展開開，隨時一下就欲共拄學行、行無幾步路的囝仔攬起來，毋甘伊佇外海的風湧裡sim3啊sim3——
...繼續閱讀

熟似十偌偌冬的朋友生祥結婚──原本一透早欲坐朋友的車落去，朋友臨時無法得，我cuan7家己去坐飛翎機。 ...繼續閱讀

正月初四，新年的鬧熱一下仔收煞袂少。

今仔日阿母毋免顧廟，我想欲招伊出去樂陶——實在是天欲落紅雨矣，我從來毋bat安呢，講欲載伊出去蹉跎。阮母仔囝攏袂曉開車，oo-too-bai2是阮兩人的最愛。今仔日過晝，我載阿母，兩人蹉跎一晡，已經足久足久無安呢矣……（大部份出去蹉跎攏是大姐開車） ...繼續閱讀

阮兜滯佇潮州，佮中國廣東的潮州府仝名，但是即個潮州毋是彼個潮州。

中國彼個潮州上介出名的故事，就是陳三五娘的《荔鏡記》，泉州府人陳三，佇元宵暝的潮州府「相」著黃五娘，開始搬怹彼齣古魯斯古的戲齣……

我是台灣即個潮州的人，真拄好，佇家中的五女一男當中，戶口名簿正港排行「五女」——所以，若自稱「王五娘」，應該袂有人起雞母皮吧？！ ...繼續閱讀

cai起，上漢聲廣播電台的通告，事先錄音的節目「柳營夜話」，主持人呂明珊小姐。

專輯發行以來，聽過的朋友遇著我，加減攏會表示怹愜意佗一條……大部分的人愜意「淡水暮色1993」、「一」，小朋友攏愜意「予山遮一半的淡水河」，一兩個老朋友特別愛「竹田車站」，「高雄印象」予人不哩仔有印象，馬拉的宣傳美賢、蔡振南南哥，欣賞「阿爸彼兩甲地」的編曲。今仔日遇著的明珊，是除了主打歌以外，第一個表示愜意「旗津印象」的人。 ...繼續閱讀

35歲的生日，kha2電話共阿母講謝謝：「阿母，共汝謝謝喔！乎，汝有夠gau5生，共我生甲遮好、遮才情……」

阿母生到我，已經第六個矣。佇潮州街仔的愛生病院，醫生人猶未到，我已經一粒頭探出來、看現現矣〜 ...繼續閱讀