彼工佇電視影著的畫面：陳瑩佮蘇貞昌（攝影 古金堂）



the佇膨椅，遙控器tshí啊tshí，電視節目一台跳過一台……昨日暗，就佇即款無聊兼無意義的掃射之中，影著新聞台的畫面：拄辭職的「電火球仔」，邊仔坐一位抱git-tah的小姐──好玄，停落來共詳細聽khoài，竟然是立委陳瑩咧唱：「衝衝衝！你要向前衝！別回頭別再留戀過去生活……」 ...繼續閱讀

今仔日，一綰朋友佇阮兜食7-11的便當，恆春兮嘛在場，這是伊出的謎猜──「出山轉來矣」，臆一個名詞，三個字……

恆春兮講，怹高雄有一個「金聲電台」FM92.1，台長莊強，逐工暗時七點至九點主持一個節目，叫「金聲鄉土情」，七點至八點攏咧予聽眾call in出謎猜、臆謎猜，八點至九點關心社會事，拜六換專門lā笑話，足趣味的節目！伊若有想著啥物謎猜，就會khà入去：「喂，我崗山仔，姓鄭……」 ...繼續閱讀

電火sīunn光（tiān-húe sīunn kng）

星存無幾粒（tshinn tshun bô kúi-liap8）

咱猶原倒咧（lán iû-guân tó-lè）

看天 罔講話（khuànn-thinn, bóng kóng-uē）

風啊 雲啊 人情世事啊（hong--ah, hûn--ah, jîn-tsêng-sè-sū--ah）

世界tiâu佇局裡（sè-kài tiâu tī kiok8--lìn）

棋子仔khê佇河邊（kî-jí-á khê tī hô-pinn）

...繼續閱讀

生日，hē 三個願望，就會想著阿拉丁。

這是兩三年前，改寫恆春兮講的笑話，佇朋友之間用mail流傳，趣味好耍爾……【上集】是一般聽著的版本，【下集】是恆春兮家己發揮的。

以華文文言文的思考落去寫的，不搭不七的效果，貼出來分逐家罔笑。 ...繼續閱讀

──摘錄陳冠學先生《田園之秋》裡有關大武山的描寫

◎九月三日

……………
鳥有巢，獸有窩，人有家。我慶幸也有個家，一幢坐北朝南的平屋，坐落在大野之中。西面是一片已闢的田疇，直延伸到地平線，無盡的田園之美，就在這一片土地上，供我逐日採擷。東邊隔著三里地的荒原和林地，便是中央山脈，逶迤伸向南去。大武山矗立東北角上，南北兩座高峰巍然對峙；母親叫它南太母和北太母。日腳落在北回歸線上時，這一片田野，每個早晨似乎都落在這兩座山峰的陰影裡。小時候讀神仙小說，看見山腰間一片白雲出岫，以為是仙人下凡了。隆冬寒流過境，兩個山頭就蒙了一層凝定的白，大約有半里方圓的雪，可望不可即。那上面據說有個湖，登山家叫它鬼湖，是小時候幻想所注的奇境。南面，對著窗，隔著一小片田野，遠遠地是幾戶人家；都是親族。再過去是磽野一帶，是夏季山洪奔騰而下的馳道；冬季乾涸的溪床，極目望去，白石磷磷，南接對岸的高岸，西達於海，寬約七里，長則自山腳至海，不下二、三十里。前眺這一片空曠的磽野，後顧那巍峨的南北太母，胸臆為之豁朗，更無纖塵。北面是一片更遼闊的田野，此去紅塵萬丈，並且那是北風的來處，挾著一股冷，我是南國裡的土生土長，我永遠朝南，迎那陣陣薰風。頭上是一片藍天，尤其是秋末以後，直到次年的春末，整整有半年的時間，就是你不擡頭，那無盡的藍也要映進你的眼裡。一個小小的家，坐落在這樣闊氣的天地間，不由你不心滿意足。
…………… ...繼續閱讀

◎1995年「在地觀點」│1998年「戀亂淡水」

chāng，佇學弟的部落格發現伊tah的兩張圖，匆匆留話了後，猶未收著回應，有夠拄好！下晡就佇麥當勞邊仔的巷仔chhiâng著伊…… ...繼續閱讀

天氣好甲毋是款的禮拜日，過晝，遠遠的海唯12樓看過去，無時停的大風一迭khau，若賣魚仔的咧khau魚鱗（lân）仝款——海的魚鱗，像藍寶石的歌星、旗袍頂面的「亮片」，海波浪一直咧陣動，反射的日頭光一直咧熠。

熱天時仔，五點過，日頭較袂遐hiâu-pai，YAMAHA五十仔踏咧，開始出巡。無愛甲人踮河邊kheh燒，也無想欲走相遠，就踅唯球埔後面、大庄彼cuā，寬寬仔khook來去淡海新市鎮。

遮是淡水上袂ak-cak的所在，開闊的大路，永遠袂塞車，樓仔厝唯一一棟，嘛是上kuân的一棟，叫做「國家新都」，38號小公車的上尾站。但是，遮嘛是淡水上毋知欲安怎講的所在，「地皮」佇遮，真正就是一重「皮」——即十幾年來，逐擺巡到遮，毋是遮挖一塊，就是遐kháng一跡，好親像一個隨時攏咧動整型手術的查某人，永遠毋知也伊到底是欲「整」甲當時正夠氣，是欲「整」甲啥物模樣正通有人愛、得人疼。 ...繼續閱讀

佇台中靜宜大學海翁台語文學營的時，看著林錦賢兄排的冊擔，十偌年矣，錦賢兄猶原擱佇即途咧堅持，ke仔頂賣的攏是佮台語相關的冊，市面上罕得看著的，伊遮攏總有。

難得一擺看著遐濟七字仔歌仔冊，當場手機仔隨call out予恆春兮，問伊敢有欲欲（be-beh）？……真濟喔！念予你鼻芳一下：《寶島新台灣歌》、《自由取婚娛樂歌》、《鄭國姓開台灣歌》、《家貧出孝子歌》、《李哪叱抽龍筋歌》……計siau3？一集10箍，總仔共有偌濟集？頭家有chuan5歸套的，289集，2890箍……啊好矣〜共決落去啦！……有影？

恆春兮是我真重要的「台語之友」——「台語之友」，就是彼款會當講台語講甲足適拍（siah-phah）的好朋友，是各種「朋友」的類型當中，上特別的一綰，屬於「阿華台語之友俱樂部」。（主張「脫華」的好朋友，歹勢啦，偏偏阮的名就有一字「華」，袂得脫啊！） ...繼續閱讀

tiau5佇淡水遮濟年，干若胡蠅去予胡蠅紙黏著，無小心歇佇歸phen3黃黃膏膏叫是蜜的紙頂面走袂開腳，只好兩支手骨罔搓罔搓，寫寫有的無的……

即幾工仔，淡水的天氣有夠好，大風起兮呼呼哮，天光雲影共徘徊，暗頭仔河口半天高，貼一塊像包青天頭殼額仔金光閃閃的月眉，歸個淡水，就是真山真水的戲台——徛佇紅毛城唱歌，氣氛實在袂醜，雖然我即幾條寫淡水的歌，比較亦是較阿娘仔氣，但是對紅毛城安呢的古蹟來講，武生嘛是愛配花旦呀〜

感謝彼暗前來捧場的各位歌友，今夕復何夕，共此山水喚良憶。

（攝影 miso） ...繼續閱讀

2002年8月19日的舊文，紀錄佇高雄遇到的阿桑，提出來小括仔修一下，佮大家分享。
進前去大學校園放專輯予學生聽，講著台語創作的問題，即兩篇【舊文重貼】會當做一個例吧：佮家己生活經驗無仝的人開講，將對話記落來，是一種練習，也是一種開放的開始。 ...繼續閱讀