...繼續閱讀

三千苦，惟因行 南無台灣亂亂佛

即禮拜欲落去台南，Arkun講欲tshūa我去苦桑的店。

苦桑的店，惟因唱碟，會當講是頂港有名聲、下港有出名，真可惜我攏猶毋捌去到位行踏。我第一擺知影惟因，是咧畫《戀亂淡水》的時，下跤有註明觀子音樂坑專輯寄賣的「全省各大指定唱片行」，其中有一間就是台南中正路巷仔內二樓的惟因，聽講巷仔口是一間內ka仔店，查某人的內ka仔排歸排，足好認。 ...繼續閱讀

恆春兮逐擺攏共我講，伊上恰意我即系列的文字……其實這攏嘛學伊的，激詼諧，無正經講正經話〜〜即擺請伊專工閣寄轉來予我，真多謝伊，好佳哉伊猶留咧，感恩啊。

遮個華語掺台語的三八文字是2002年寫的，一目睨也五冬過矣，日子有夠緊，彼當陣無blog，我下班的一部份娛樂就是寫寫這有的無的，若發電子報安呢，寄予一、兩個朋友趣味好笑，出發點完全沉醉佇「自戀」，無拍算欲公開、嘛無愛人轉寄的分享，特別是其中有關隱修院的假日勞動記錄，照規矩，是袂當「報導」出來的，雖然隱修院已經有一部份對外開放，有所在接待外人去隔暝、避靜，但是修院上基本的精神就是「隱」，希望逐家會當了解佮尊重，嘛希望我遮即幾篇仔記錄，袂去攪吵著伊。

當初家己寫kah介歡喜，對《Tamsui Walker》即個「電子報」的名佮伊有夠阿花仔的體例，不止仔滿意。恆春兮一直問我那毋閣寫，講實在的──激詼諧是愛有心情的，阿姐即幾年-無-心-情-講-笑，生活一點仔就無好笑。選即幾條重搭佇遮，啊！再會啦！我的Tamsui Walker時代！


...繼續閱讀

前一站仔，相連續共予Arkun佮Avant的CD搭出來，號一個叫「鎮砧詩」的新名詞──結果，埕友Heruler有夠工夫，專工寫電子批來，佮我分享伊對「鎮砧」兩字的探討……我徵求伊同意，來共囥佇花埕，予逐家做參考。

◎Heruler的來批
...繼續閱讀

又一

良風盈翠秀
一山攬晴川

Liông hong êng tshùi sìu,
It san lám tsêng tshuan. ...繼續閱讀

之一

雙爿岸
人煙無盡
一江水
秋光有餘

Siang-pêng-gān
Jîn-ian bû-tsīn
It-kang-súi
Tshiu-kong iú-î

━━━━━━━━━━━━━━━━━━━━━━━━━━━━━━━━━━

之二

魚丸 鐵蛋 阿給
加 一歌暮色 罔配！

Hî-oân, tih-nng7, a-geh
Ka tsit-koa bōo-sek bong phòe！

...繼續閱讀

收著友的「星期三」寄來的mail，主旨標示「世紀末絕跡手寫版」，一時叫是啥物好物仔，拍開一看，竟然是八年前家己畫的khue-hâi──真正是「khue-hâi」呀，裝三八，激khue-hâi。

「星期三」講伊是最近搬茨，發現即張夾佇舊冊裡的紙批，毋拘當年，阮根本猶未熟似，緣分實在真奇妙。其實我即擺搬茨，嘛有tsiau著即張尫仔，家己笑笑è，就閣收起來也……無提出來展，共大家「iāng」一下，是因為，彼時祝賀的新人，如今已經離─緣─了──

嗨哉！天良講，略仔有「漏氣」的感覺，雖然媒人婆仔無包生，但是世間事遮呢袂按算得，彼時、即時，抑是愛看開。「予我祝福著的，攏會得著自由喔！〜〜」歹勢歹勢，即句是無佇設計內底家己縱出來的「設計對白」，「自由！自由！無你我會死……」夭壽囡仔，共你關佇心肝房，你閣叫甲遐大聲，欲食棰仔？！ ...繼續閱讀

「恆春民謠進香團」閣過幾工--à欲出發，實在無氣力為即tsūa「遊覽」寫新的文字（阮庄跤人無「旅行」啦，攏嘛講「遊覽」較直）。想起進前佇簡上仁老師的冊裡捌讀著一段足趣味的往事，彼當陣就有按算，進香團出發前搭出來佮逐家分享，差一點仔就袂記……

1978年十二月，簡上仁老師猶佇高雄上班。當時中視的「蓬萊仙島」企劃組想欲邀請陳達參加一集特別節目，所以委托簡老師去恆春tshūa陳達，陪伊上台北──「蓬萊仙島」，有夠古早的節目，我攏歹勢講有、有、有、有印象，就是每禮拜六中晝一點開始、有歌星唱歌的「綜藝節目」，主持人是兩個查甫人吧？！自頭到尾攏徛作伙，較矮的彼個叫做李季準……為啥物我會記--è？因為通常「廣播名嘴」攏是有聽聲無khoàinn看影，十分的神秘，若是雄雄有一工本人現身，人扮佮聲音鬥袂好勢，he就真抱歉囉！但是在我的「兒童認知」裡，李季準是尪仔頭先出現佇電視，後來則佇廣播聽著伊，特別是我高中的時，伊主持中廣半暝仔十二點的節目，原本就kē-kē的男聲，三更半暝用押閣較kē的聲，佇耳空邊共你推銷「華-貴-牌-夢-斯-絲-褲-襪」……敢毋是真「魔幻」嗎？

話頭牽一下又閣相遠去矣！ ...繼續閱讀

7月初5至初8，台文營佇淡水真理大學演講廳舉行，交講義的時，鳳珍講，第一工暗時是自由活動，逐家去淡水街仔放牛食草，希望我會使報路一下……

報路、報食的、報好空的──那有啥物問題呢！雖然有滿腹的熱情，毋拘，實在無氣力啊！欠稿猶未寫完，關節一直拍袂通，酸、抽、疼、腫；揣茨、搬茨，歸茨間的物件，啥物該tàn，tàn對佗，啥物該留，留欲創啥。一大堆冊賣賣予舊冊商，咧款、咧揀的時，心肝頭的魔神仔浮一句話出來：「有的冊，即馬無看，一世人攏袂看矣」，符合即個標準的攏共tàn、tàn、tàn，tàn-hak-kak，《練習曲》的句型閣誠好用。

頂禮拜，想講好啊，抑是畫的較歸氣──佇河邊的咖啡店做一睏共畫完，用A4的影印紙落去鬥做兩張A3，白紙烏字，算是角頭大姐一份心意啦！

天良講，畫了家己一點仔就無滿意，因為精神無夠開、開無夠。而且，我已經無想閣欲畫烏線的尪仔矣，嘛無想閣欲寫蚼蟻仔字，我的人生需要彩色的~~ ...繼續閱讀

無意中發現即張日本時代的舊相片，歡喜一下，原件應該是明信片吧，畫面頂峘角仔兩tsūa字足細字：「台北州淡水港口」、「THE ENTRANCE TANSUI HARBOUR FORMOSA」。

這是淡水河無毋著，正手爿上邊仔彼細塊三角型的山，是徛佇淡水看綴對面八里，觀音山上卓手爿、上尾仔的一「峰」，彼支山峰tshu落去，佮畫面中卓手爿伸過來的山崙強欲相黏，中央làng彼kúe，現此時的關渡大橋，造型優美的紅色鋼骨，就是khùe佇遐。

舊相片印佇1996年出版的《淡水社區鄉土教材 教師手冊》，下底文字註明是「1930年之前的紅樹林區照片」，1930年，毋知按佗一點來判斷，有機會則擱再問詳細。我看著相片，目睭隨去予電著，是因為鏡頭頭前即三叢lò-siak-siak的瓊麻── ...繼續閱讀