老朋友簡姐仔寄來的影片，伊講伊半年前就寄予我矣，攏無收著我的回批，我正經無收著啊，有可能是漏溝去。

影片內底這位古錐的阿妹仔，名叫以寧，這馬差不多四歲，錄影的時猶三歲外。以寧是簡姐仔的叔伯小妹秀如的查某囝，怹攏蹛高雄。我會記咧，秀如嫁阮潮州人敢毋是？照安呢牽，阿妹仔會當算是我的小同鄉呢！ ...繼續閱讀

去參加傳藝中心民音所開的班，朱丁順老師教恆春調，陳明章老師教調弦吉他，suah落去閣有吳鳳珠老師教南管佮車鼓，月琴兩條弦、吉他六條弦，所以阮即班叫「二二、六六」音樂班。

其實，進前giâ月琴攏是咧共hánn的，是朋友寄佇我茨裡，提來翕像tshāi pose niâ。事實是，我一直無想欲學月琴，知影家己猶無按算欲進入即項樂器。陳老師規劃的課，鼓舞我就愛去上，我想，免開錢的，就隨順因緣吧……幾仔節課上落來，介成頭澹矣，洗頭毛粉才拄仔欲倒niâ。

即禮拜第一擺愛交作業，好啊，就舞看māi。

這是一透早用錄音筆錄的，效果誠差，我應該是欲感冒矣，嚨喉無爽快，各位就共當做是咧聽AM電台，歌詞趣味趣味，而且，月琴經過hiah醜的音效，閣略仔有電吉他+老曲盤的氣味呢。




一年啊 365工 一工啊 較gâu嘛24點鐘
逐家啊 毋知攏咧無閒啥
一日到暗啊 thiám甲虛lé-lè啊

一個月啊 薪水有外濟 一口灶啊 開銷就捏長短
逐項啊 物件毋知攏咧貴啥
一疊厚厚啊 帳單若白帖仔啊

一箍人啊 生成愛勞動 一隻牛啊 相假痟就無犁通拖
逐擺啊 唸歌毋知欲唱啥
一支月琴啊 hainn-hainn-è嘛是安呢啦


...繼續閱讀

──「大樹青青」填詞的一寡想法

我國校上尾仔彼學期（1983熱天），國立編譯館的音樂課本裡有一條「離別歌」，阮的畢業典禮就唱彼條；五年仔在校生相送的時，嘛唱怹教科書內底有的「送別歌」，就是李叔同所填的「長亭外，古道邊，芳草碧連天……」──對阮即綰gek8-siâu的猴囡仔來講，無唱著「青青校樹，芭樂蓮霧，王梨西瓜攏有……」，嘛無唱著「豬哥出動，豬母騎咧lóng……」，是有淡薄仔失望。

畢業典禮的「離別歌」，予我的印象誠深。為著欲確定記持有teng-tânn無，昨日特別共google看覓，會記--e歌譜懸頂邊仔細細字的作曲者的名，是「李抱枕」，歌詞一開始是「風雨瀟瀟 前途遙遙」……網海茫茫，閣真正去hôo著歸條歌的詞。

其實，我一直毋敢予人知影，我足愜意即條「離別歌」──「予人」的「人」，到底包括啥物「人」？──自底毋捌想斟酌，大概是同學吧，同學，逐家憨憨仔正經仔唱，攏無出現改編的笑詼版，到底是感覺好聽bái聽、有愜意無愜意？……抑知。當年，歹勢予人知影我愜意即條歌，是因為心肝底安呢認定：這，根本是一條「鬼仔歌」啊！ ...繼續閱讀

──康軒版閩南語第12冊第5課（改版中），國校出業歌


詞 演唱 電鋼琴 王昭華│錄音協力 黃培育



大樹青青（大樹青青）
Tōa-tshīu tshinn-tshinn

鳳凰花開（鳳凰花開）
Hōng-hông-hoe khui

南風溫柔吹起（南風溫柔吹起）
Lâm-hong un-jîu tshoe-khí

...繼續閱讀

小三的金瓜雜煮 台北試映會
試映時間：2007.08.08（三）14:00 風雨照常
試映地點：誠品書店敦南店B2視聽室，台北市敦化南路一段245號地下二樓


【戲尾仔曲】媽媽的島

詞、曲、演唱 王昭華│編曲、吉他 黃培育│ 錄音、後製 楊邦昊

◎歌聲下載


澎湖褒歌唱袂煞
金瓜菜豆糜一大碗
媽~ 媽~ 今仔的風
敢會介大

澎湖島佇彼爿岸
土豆連根一大綰
媽~ 媽~ 明仔的海
色水一定足藍 ...繼續閱讀

「小三的金瓜雜煮」的導演，我一直干旦知也伊名叫「馬力」，「路遙知馬力」的「馬力」。馬力是阿魯米亮熟似的朋友，仝款攏是拍片的，阿亮講，馬力想欲揣我替伊的片做配樂──「配樂」？這欲那有可能？

我了解我頭腦的線路，無遐呢仔複雜的裝備；我是寫「歌」會使nîa：寫「歌」的腦神經，是一種「索仔股」結構（也有人講是「加脊藤」，華語講的「麻花」啦！），就是「話語」佮「旋律」即兩條草繩仔相phóa，一手索仔頭拍結扲咧，一手手袋仔心搭佇大腿頂面搓仔搓，慢慢仔搓出一條「歌」……這是一種農業時代的生產方式，是田庄草地oo-pa-sáng涼涼坐佇亭仔跤做手工罔賺寡sai-khia。我個人的理解，「配樂」是無仝款的代誌，毋是空嘴哺舌，一支嘴唱唱--è就準拄煞。

一開始無答應，馬力抑是希望我會使試看覓。我誠躊躇，即囉代誌是袂假痟得的，電影是用錢燒的，若是到時音樂的「馬力」不足，上尾仔彼步踢，軟跤去，去誤著人，害人袂赴市，he就欲哭無目屎哩！……後來，馬力實在太誠懇--e--ah，看著是「準若相害，嘛會諒解」的彼款好人，我想我的心就小共坦橫一下，來共試看覓。（俗語一句講：「懶懶仔馬，嘛有一步踢」啊！） ...繼續閱讀

朋友的朋友拍的電影，故事發生佇澎湖佮台南，片名叫做「小三的金瓜雜煮」，「金瓜雜煮」的台語就是「金瓜菜豆糜」，我嘛毋捌食過，佇影片內底看著介好食款。即條短短的歌，按算囥佇戲尾仔。

小三的金瓜雜煮（戲尾仔曲Demo）

詞、曲、電鋼琴 王昭華│錄音協力 黃培育

◎歌聲下載


澎湖褒歌唱袂煞
金瓜菜豆糜一大碗
媽~ 媽~ 今仔的風
敢會介大

澎湖島佇彼爿岸
土豆連根一大綰
媽~ 媽~ 明仔的海
色水一定足藍 ...繼續閱讀

填 德國童謠Guter Mond, du gehst so stille

詞 演唱 鍵盤 王昭華│錄音 楊邦昊│台文顧問 林裕凱

◎歌聲下載


月娘姐姐 妳會綴佗出來呢？（月亮姐姐 妳會從哪裡出來呢？）
Gueh8-nîu tsé-tsé, lí ē tòe-tó tshut-lâi--neh？

蚊母 毋知食飽袂？（蚊母鳥啊 不知吃飽沒？）
Bang-bó, m7 tsai tsiah8-pá bē？

月娘姐姐 妳那赫暗出來呢？（月亮姐姐 妳怎麼那麼晚出來呢？）
Gueh8-nîu tsé-tsé, lí ná hiah-àm tshut-lâi nè？

貓頭鳥 早就睏醒了（貓頭鷹 早就睡醒了）
Niau-thâu-tsiáu, tsá tīo khùn-tshínn--liàu ...繼續閱讀

詞 徐志摩│曲 羅大佑│歌詞台譯＆演唱 王昭華│吉他 黃培育│錄音 楊邦昊

◎歌聲下載


當我死去的時 親愛（當我死去的時候 親愛）
tng góa sí khì e sî, tshin-aì

你莫為我唱悲傷的歌（你別為我唱悲傷的歌）
lí mài uî góa tshìunn pi-siong ê koa

我墓前毋免安插薔薇（我墳上不必安插薔薇）
góa bōng-tsêng m7-bián an-tshah tshîunn-bî

也無需要遮蔭的柏樹（也無需濃蔭的柏樹）
iā bô su-iàu jia-ng2 ê phek-tshīu ...繼續閱讀

拜四彼暗，無意中tshih著公視「綻放真台灣」系列的紀錄片，一出現片名「靈域對話」──見擺看著佮鬼有牽連的節目，一定隨轉台，毋拘，即支是紀錄片，我共家己講，罔看無醜吧。

導演史筱筠，好朋友的翁婿突然間piak斷腦筋，送入院，昏倒攏無擱精神，無偌久就過往，後生則拄仔兩歲。導演用攝影機陪伴伊的朋友，一四界走揣會使佮陰間對話的方法，傳統的觀落陰、西方的催眠，希望會當佮死去的親人面會。影片內底另外一條副線，是一個著著直腸癌的三十七歲的查甫人，兩個囡仔猶足細漢，大限一到，嘛是無法得。

片看soah，足久無想著羅大佑佮徐志摩的即條「歌」，歸暗煞一直像曲盤安呢踅、踅、踅……
...繼續閱讀