◎徐清原 首張個人創作專輯 （馬拉音樂）

清原的專輯發行矣，一直攏猶未好好仔寫一篇文字來紹介。

今年，真濟人問我，我的「一」是佇啥物款的機緣來促成？論真講來，一切攏是唯一通a-sa-lih的電話開始的──兩年前，一個起心動念之下來khà電話予清原，講我想欲共過去的作品整理理è，是毋是會當請伊鬥相工……電話裡，清原無第二句話：「好啊！咱來做啊！……」 ...繼續閱讀

生祥的新專輯「種樹」落土出世。

電話裡，伊講，即擺是用「粗放」的方式來做的。

聽伊安呢講的時，CD我已經聽幾仔遍去矣囉──非常愜意即張專輯，因為，我佇內面會當喘氣，曝有日頭。

即塊「種樹」，詞的部分主要猶原是詩人鍾永豐的作品，音樂方面，生祥佮日本的吉他手大竹研（Ken Ohtake）、OKINAWA三弦的gâu人平安隆（Takashi Hirayasu ）交會，屬山的美濃遇著屬海的琉球，心靈予土地綁ân ân的原鄉人，也通略仔得著tháu-pàng。 ...繼續閱讀

電腦中毒，重灌，猶原無法度上網。

趕稿，只好逐工來屈網咖（蚊腳？），寫佇WordPad，貼做mail寄出去。

歸厝間菸煙嗆嗆滾，袂輸大廟發爐；線頂遊戲的殺伐之聲，前後左右包抄，走哪裡去？四面楚歌的戰場啊，電腦電腦兮，奈若何？……

無暝無日，刀光劍影的阿修羅界──佳哉，只是幻影。 ...繼續閱讀

正佇美親的部落格看著人講起báng-gah《花田少年史》台語版，想袂到，黏裡就佇坐遊覽車的時看著……

頂禮拜，chhuā新竹縣文化局地方文化館的朋友落去高雄，做館際的觀摩參訪。自從變做「在家修」以後，有意思的專案攏kā接來做，無限定佇寫稿佮編輯。學生時代愛辦活動愛四界趴趴sô，想袂到擱誠有路用呢。

一個家己算講有熟的所在，等到真正欲向外人紹介的時，正會突然間giú一下長鏡頭出來，換另外一個角度、另外一種倍率，去思考彼個所在對一個外人的價值，同時嘛愛想辦法理解，即個「外」人是「外」甲佗位去，是啥物款的「外」。 ...繼續閱讀

——摘譯《歌之版圖》冊裡的〈旅行筆記摘錄Ⅵ〉

◎《歌之版圖——澳洲夢土的故事》，Bruce Chatwin 著，李麗薰 譯，季節風出版社，1994年12月20日初版一刷。（頁453-455）

●詩歌創作為怎樣令人尊敬，是因為伊賜予無生命的物體有感覺佮意識；仝款的情形嘛發生佇囡仔人咧sng2物仔的時，怹若像咧對待有生命的人仝款，佮怹交談……。即種語言學佮哲學上的不變真理咧共咱講——每一個人佇做囡仔的時代攏是天生的詩人。（維科，Giambattista Vico，《新科學》） ...繼續閱讀

無意中hôo著即篇文字，〈苗栗的心靈之旅——音樂的悸動〉，台長「落雨天」，原來是七月底參加苗栗彼個營隊的學生，佇家己的新聞台所寫的課後感想。

讀著伊的分享，心肝頭煞也有一份「悸動」。 ...繼續閱讀

──賀！黃基博老師得著【海翁台語文學獎】囡仔小說類正獎

看著第三屆【海翁台語文學獎】得獎名單的時，目睭一下金起來，毋知也今年頭一擺有設「囡仔小說類」，而且，得著正獎的，竟然是我囡仔時代的作文老師黃基博。

提著文學獎的作品集，翻著老師的相片，雖然干旦圓箍仔內一粒大頭，頷頸仔以下擱特別創予霧霧，做出柔美的效果……這是我二十幾年無khuainn3的老師，面形仔攏無變，一看就認會出來，但是，嘛一看就現發覺，二十幾年，人真正是會老啊。

二十年前的屏東庄腳，逐個囡仔攏擱足gau5講福佬話、客話，阮即種夾佇華語佮福佬話中央的猴囡仔，第一步gau5的就是替人號「諧音」的外號——親像阮彼班，導師陳明重，腳脊胼後阮攏偷偷仔稱呼伊「螟蟲」老師；阮同學，孫三立，用腳頭摀想嘛知也會hoong5叫「chun三粒」。黃基博老師的名，免講就知，一定會變做「黃雞婆」。 ...繼續閱讀

《虱目仔ê滋味》，清文 著，定價300箍。郵政劃撥1902-1486戶名：財團法人李江卻台語文教基金會。電話：02-2311-2199

佇文學營的冊擔仔買幾偌本書，即幾工仔，一個人逗逗仔哺。

想欲向各位來大力推薦，即本台語小說集《虱目仔ê滋味》——非常、非常好看！ ...繼續閱讀

兩年前，佇大稻埕美術館熟似公共電視紀錄觀點的古國威，開講的時我問伊，除了一直咧紀錄劉秀美老師的國民美術運動以外，另外擱有拍啥物主題？伊講，伊tiann7-tiann7走宜蘭，紀錄一個叫賴青松的人、佮伊所發心做起的「榖東俱樂部」。

過無偌久，古大哥專工擱送我一包「榖東俱樂部」的米——也就是賴青松佇宜蘭庄腳所種的有機米。奚是我第一擺知也「榖東俱樂部」，同時嘛正發現，冊ke仔頂面彼本《從廚房看天下》的作者賴青松，就是即個真正搬去庄腳，褲腳手ng2 pih咧，落田勞動的少年人。 ...繼續閱讀

——試譯魯迅《野草》題辭

當我恬咧的時陣，我感覺充實；我將欲開嘴，同時感覺著空虛。 ...繼續閱讀