自從溫州餛飩重新裝潢了後，我交關過無幾遍，就足少閣去矣。今仔中晝去老街的郵局寄物件，想講久久矣一擺，入去共坐--一下，食一碗仔餛飩。淡水老街的三角公園仔頭前，角間的溫州餛飩二樓，窗仔看出去，對面就是一欉龍柏樹佮馬偕博士的頭像。透中晝時仔，日頭光直直曝佇街仔路，才閣若金針金箭倒射過來，刺對目睭仁裡。
規條老街，無樹無蔭，欲偎街尾的三角公園仔遮，才有一欉龍柏，瘦lò瘦lò，徛佇馬偕博士的面頭前，規年通天佮伊相對看。咱台灣的「銅像文化」，是偉大的領袖tshuā頭開始流行的，過去全台灣各鄉鎮差不多攏有「蔣兮」咧「罰徛」（阮潮州三角公園仔彼仙，徛到今年才落台），雖然往事如煙，如今賰無幾仙，毋過，煞造成一个不良後果──現此時看著銅像，心內第一个意念煞毋是「紀念」，嘛毋是「藝術」，竟然是「罰」！......（「蔣兮矣，那會閣佇遮『罰徛』啦？」）
透中晝，看著馬偕博士的頭像頭殼額仔光光光，雄雄閣真正會去想著無好笑的耍笑：「馬偕牧師啊，那會佇遮hông罰『曝』？！」
唯馬偕博士tshāi的位，按「三」箍輦轉轉--一輦共揣，除了正中央這欉逐年十二月攏會裝媠媠做聖誕樹的龍柏，離上近的另外一欉樹仔，就是佮溫州餛飩隔一條巷仔，守佇「阿娥切仔麵」店口的麵包樹，麵包樹阿美族語叫「Bat-Chit-L'ut」（白話字）。
基督教無咧搏杯，若無，實在足想欲共馬偕博士問看覓：「馬偕牧師啊，啊這馬有兩種樹仔，欲選一種佮你做伴，請問，你較佮意『龍柏』，抑是較佮意『Bat-Chit-L'ut』？......」基督信仰直接面對上帝，將一切囥佇祈禱當中，所以，可能愛安呢問才著：「上帝啊，這个所在，整理甲變安呢，敢有夠榮耀祢？......」
是講，這就較苦惱矣。「搏杯」就假若「是非題」，顛倒單純，若講著「榮耀」，煞變「申論題」去。
每一个人心內的上帝，那會攏無啥仝──以三角公園仔做例好矣，上帝看著這馬安呢的情形，到底是會講「有夠、有夠！馬偕博士的頭像真明顯，聖誕樹嘛有夠懸......」或者是講「無夠、無夠！說明牌的字無夠大字......」若我的上帝咧，伊共我講：「妳去，叫怹種一欉Bat-Chit-L'ut予馬偕遮蔭！予濟濟人佇出大日的透中晝，通佇樹仔跤歇涼，肖念馬偕。恁是亞熱帶的海島國家，為啥物綴人寒天冷ki-ki的德國仔用柏樹咧做聖誕樹？無采我賞賜這片這呢有熱力、這呢媠的土地予恁。」我應：「上帝啊，我只是腹肚枵來食一碗餛飩，敢就愛安呢，看一下影、生一个囝？──更何況，『怹』是誰呀？鎮長菜葉尾？淡水長老教會？祢也毋是毋捌怹，請祢直接向怹顯明祢的旨意......若是欲差遣我，祢直接派一隻大魚共我吞落腹較規氣......」
毋知也，「阿娥切仔麵」店口的Bat-Chit-L'ut，是啥物時陣、啥物人種的，佮埔頂彼欉馬偕博士唯花蓮tsah轉來淡水的Bat-Chit-L'ut有親戚關係無？
熱天真正來矣，Bat-Chit-L'ut已經開始咧結「麵包果」，差不多拳頭母仔遐大，過一站矣會閣較大。我幻想，若是三角公園仔中央嘛會當種一欉，馬偕博士就毋免閣曝日（雖然有可能頭殼會定定予「麵包果」摃著），這欉樹仔無定會當變成淡水老街的地標（「鎮樹」也好、「愛情麵包下願樹」也好......），大欉了後會當增加一項「季節限定」的淡水名產，炸的、烘的、煮的、炒的「麵包果」──陷眠，憨想，日頭相大，天氣相過熱。
坐佇溫州餛飩二樓，食飽，共透中晝的三角公園仔潦草畫落來。人這生理好的店，碗箸收去就是愛人客好走矣，無通予你佇遐摸東摸西。轉來茨，規氣共擦色擦擦也，紀念我這个中晝，去予金箭金針倒射著的、Bat-Chit-L'ut大樹的幻想。
......................................................................................................
【華語對譯】馬偕博士，熱不熱？
自從溫州餛飩重新裝潢之後，我光顧過沒幾次，就很少再去了。今天中午去老街的郵局寄東西，心想久久一次，進去坐一下，吃一碗餛飩。
淡水老街的三角公園前面，邊間的溫州餛飩二樓，窗子看出去，對面就是一棵龍柏樹和馬偕博士的頭像。大中午時，日光直直照在街道，才又像金針金箭倒射過來，刺向眼珠子裡。
整條老街，無樹無蔭，快靠街尾的三角公園這裡，才有一棵龍柏，瘦瘦高高，站在馬偕博士的前面，一年到頭和他對望。我們台灣的「銅像文化」，是偉大的領袖帶頭開始流行的，過去全台灣各鄉鎮差不多都有「蔣兮」在「罰站」（我們潮州三角公園那尊，站到今年才下台），雖然往事如煙，如今剩沒幾尊，不過，卻造成一個不良後果──現在看到銅像，心裡第一個意念既不是「紀念」，也不是「藝術」，竟然是「罰」！......（「蔣兮啊，怎麼還在這裡『罰站』啦？」）
大中午，看到馬偕博士的頭像額頭光光光，一時還當真想起不好笑的玩笑：「馬偕牧師啊，怎會在這裡被罰『曬』？！」
才五月而已，五月粽都還沒吃呢，日頭赤炎炎，是還沒到火燒埔的程度，三角公園，彷彿三角型的煎餅剛落油鼎，煎得約略開始赤赤了。
從馬偕博士所在的位子，按「三」圈輪轉轉--一回搜尋，除了正中央這棵每年十二月都會裝飾美美當聖誕樹的龍柏，離最近的另外一棵樹，就是和溫州餛飩隔一條巷子，守在「阿娥切仔麵」店口的麵包樹，麵包樹阿美族語叫「Bat-Chit-L'ut」（白話字。譯音「八支律」）。
基督教沒在擲筊，要不然，實在很想問問馬偕博士：「馬偕牧師啊，啊現在有兩種樹，要選一種和你做伴，請問，你比較喜歡『龍柏』，還是比較喜歡『Bat-Chit-L'ut』？......」基督信仰直接面對上帝，將一切放在禱告當中，所以，可能要這麼問才對：「上帝啊，這個地方，整理得變這樣，是否夠榮耀祢？......」
是說，這就較苦惱了。「擲筊」就像是「是非題」，反而單純，若說到「榮耀」，卻變「申論題」去。
每一個人心中的上帝，怎麼都不太一樣──以三角公園做例子好了，上帝看到現在這樣的情形，到底是會說「有夠、有夠！馬偕博士的頭像真明顯，聖誕樹也有夠高......」或者是說「不夠、不夠！說明牌的字不夠大字......」若我的上帝呢，祂跟我說：「妳去，叫他們種一棵Bat-Chit-L'ut給馬偕遮蔭！讓許多人在出大太陽的大中午，能夠在樹下歇涼，追念馬偕。你們是亞熱帶的海島國家，為什麼跟著人家冬天冷吱吱的德國人用柏樹在做聖誕樹？可惜我賞賜這片這麼有熱力、這麼美的土地給你們。」我應：「上帝啊，我只是肚子餓來吃一碗餛飩，需要這樣嗎，見一個影子、生一個孩子？──更何況，『他們』是誰呀？鎮長菜葉尾？淡水長老教會？祢也不是不認識他們，請祢直接向他們顯明祢的旨意......若是要差遣我，祢直接派一隻大魚把我吞進肚子較乾脆......」
不知道，「阿娥切仔麵」店門口的Bat-Chit-L'ut，是什麼時候、什麼人種的，和埔頂那棵馬偕博士從花蓮帶回淡水的Bat-Chit-L'ut有親戚關係沒？
夏天真的來了，Bat-Chit-L'ut已經開始在結「麵包果」，差不多拳頭那麼大，過一陣子還會更大。我幻想，若是三角公園中央也能夠種一棵，馬偕博士就不用再曬太陽（雖然有可能頭殼會常常被「麵包果」打到），這棵樹說不定可以變成淡水老街的地標（「鎮樹」也好、「愛情麵包許願樹」也好......），長大之後可以增加一項「季節限定」的淡水名產，炸的、烤的、煮的、炒的「麵包果」──作夢，傻想，日頭太大，天氣太熱。
坐在溫州餛飩二樓，吃飽，把大中午的三角公園潦草畫下來。人家這生意好的店，碗筷收去就是要人客好走了，沒得讓你在那裡東摸西摸。回到家，乾脆把顏色塗一塗，紀念我這個中午，被金箭金針倒射到的、Bat-Chit-L'ut大樹的幻想。
