昨昏，冷霜霜的後母面，19度、烏陰天，佮Amo約佇竹圍仔「面交」。載起送稿去關渡，就順煞按自強路、「新天母」彼箍笠仔lu 落來，規山坪樓仔厝密密密，落崎就是竹圍仔。
老歌「淡水暮色」，歌詞一句「埔頂燈光真希微」，這位「埔頂」，是咧講淡江中學彼跡，其實，淡水鎮猶有另外一个「埔頂」，就是自強路這帶──足濟年前有一回佇路裡，無意中目尾去影著，一台機車後輦的「土tsa̍h仔」，面頂除了機車行的店名以外，閣特別加細細字仔註明「埔頂 自強路」──咦？！原來「埔頂」毋是干礁有「真理街」爾矣。
埔頂自強路，會當算是淡水鎮上南爿的一條長街，佮伊相交接的「學園路」（台北藝術大學校外彼條）已經屬台北市北投區，算關渡的額。毋拘，伊真pih-suh，攏「守」佇埔頂咧「自強」。咱一般人按台北彼方向開車、騎車來到關渡大橋頭，nǹg過橋頭的涵空，路斡一大彎，若像大門一爿慢慢仔搡開，遠遠的淡水河口忽然出現，共人siânn一下、洗一下目睭，隨就進入「竹圍仔」民權路，車輛、店面，e-e-kheh-kheh，鬧熱的「淡水」，按遮開始起鼓。
若是自八里過關渡橋來，大橋頂美麗的紅色鐵樑一支一支唯頭殼頂過，眼前無偌遠，埔頂自強路的大樓愈偎愈近，幾仔「仙」若tshāi佇橋頭山頂等你足久矣的巨人，但是你毋是伊的主人，伊無法度達成你的願望，你只是一隻卑微的臭龜仔，細膩爬向伊跤底，猶未tsim著山壁就愛趕緊閃斡邊仔過，足煩惱伊跤底驚giaunn，一下徛無啥會牢，規仙人雄雄tsàm落來，緊suan......
我蹛淡水「中心」，真罕得巡到「邊陲」的竹圍仔，淡水台北來來去去，差不多攏是過路爾定，一名「過客」的「歸人」啊，安呢的標籤加足有詩意。對遐个欲來淡水蹉跎的人來講，過關渡大橋──「淡水」開始出菜矣！竹圍仔、紅樹林、老街、渡船頭、古蹟園區、漁人碼頭......，一路順行，可比開胃酒、湯、sa-la、麵包、主菜、附餐咖啡水果雞卵糕，予人飽甲會uì。
淡水的門嘴，竹圍仔，是較成咧食辦桌的第一出菜，五花十色的「冷盤」仝款。
一九六、七○年代，竹圍仔開始有工廠，真濟少年人來遮做工，台灣上出名的工安意外「飛歌事件」（1972），就發生佇遮；這二十年來，工廠關的關、拆的拆，捷運淡水線通車前後，大樓新社區一疊起，濟濟外地人來遮買厝來遮徛。欲去台北食頭路上班，欲去淡水行行兮放鬆，「竹圍站」一个關節通雙爿，好伸縮，誠活骨。大北海岸地區的鄉親欲大採購，就愛一逝工來竹圍仔才有「家樂福」，臨時臨夜有啥物病痛，上近的病院就是送竹圍仔馬偕。
毋拘，也因為安呢，我這个「鎮中央」的淡水人，攏是需要去家樂福需要去馬偕，才會來竹圍仔，見擺來竹圍仔，嘛攏干礁佇大路邊「搵豆油」爾──予大路圍佇內底的竹圍仔，是我毋捌「醃」過、較毋知鹹汫的「淡水」。
昨昏，佮Amo約的時間猶未到，唯埔頂自強路慢慢仔sô落來，規山坪樓仔厝密密密，我無「熟」的淡水，按怎nǹg，攏是「厝」味。
......................................................................................................
【華語對譯】竹圍仔紀行
感謝歌友Amo那麼慷慨，把自己多出來的一套《臺灣音樂百科辭書》送我。
昨天，冷霜霜的後母臉，19度、陰天，和Amo約在竹圍仔「面交」。早上送稿去關渡，就順道從自強路、「新天母」那一帶「嚕」下來，整山坪樓房密密密，下坡就是竹圍仔。
老歌「淡水暮色」，歌詞一句「埔頂燈光真希微」，這處「埔頂」，是指淡江中學那一帶，其實，淡水鎮還有另外一個「埔頂」，就是自強路這一帶──很多年前有一回在路上，無意中眼角瞥見，一台機車後輪的擋泥板，上頭除了機車行的店名之外，還特別多了小小字註明「埔頂 自強路」──咦？！原來「埔頂」不是只有「真理街」而已啊。
埔頂自強路，可以算是淡水鎮最南邊的一條長街，和他相交接的「學園路」（台北藝術大學校外那條）已經屬台北市北投區，算關渡的份。不過，他很內向，都「守」在埔頂在「自強」。我們一般人按台北那方向開車、騎車來到關渡大橋頭，穿過橋頭的涵洞，路轉一大彎，好像大門一邊慢慢地推開，遠遠的淡水河口忽然出現，誘惑人一下、洗一下眼睛，旋即進入「竹圍仔」民權路，車輛、店面，擁擁擠擠，熱鬧的「淡水」，從這裡開始起鼓。
自強路呢？......過關渡橋頭的時候，往右手邊抬頭一看，山頂站高高、面向淡水河的是九○年代新蓋的高樓，蹲矮矮、背部不怕人看的是七○年代的透天厝，那整排住家接起來長長一條，住址都是「台北縣淡水鎮自強路╳號」。
若是從八里過關渡橋來，大橋上美麗的紅色鐵樑一支一支從頭殼上過，眼前不多遠，埔頂自強路的大樓愈靠愈近，好幾「尊」像杵在橋頭山頂等你很久了的巨人，但是你不是他的主人，他沒辦法達成你的願望，你只是一隻卑微的臭龜子，小心翼翼爬向他腳底，還沒吻到山壁就得趕緊閃往旁邊過去，很擔心他腳底怕癢，一下子站不太住，整尊人忽然踩下來，快溜......
我住淡水「中心」，很難得巡到「邊陲」的竹圍仔，淡水台北來來去去，差不多都是過路而已，一名「過客」的「歸人」啊，這樣的標籤有詩意得多。對那些要來淡水玩的人來說，過關渡大橋──「淡水」開始上菜了！竹圍仔、紅樹林、老街、渡船頭、古蹟園區、漁人碼頭......，一路順行，可比開胃酒、湯、沙拉、麵包、主菜、附餐咖啡水果蛋糕，讓人飽得會饜。
淡水的門口，竹圍仔，是比較像吃辦桌的第一道菜，五花十色的「冷盤」似的。
一九六、七○年代，竹圍仔開始有工廠，很多年輕人來這裡做工，台灣最出名的工安意外「飛歌事件」（1972），就發生在這裡；這二十年來，工廠關的關、拆的拆，捷運淡水線通車前後，大樓新社區一直建，許多外地人來這裡買房子來這裡住。要去台北吃頭路上班，要去淡水走一走放鬆，「竹圍站」一個關節通兩邊，好伸縮，很活骨。大北海岸地區的鄉親要大採購，就得一趟工來竹圍仔才有「家樂福」，臨時臨夜有什麼病痛，最近的醫院就是送竹圍仔馬偕。
不過，也因為如此，我這個「鎮中央」的淡水人，都是需要去家樂福需要去馬偕，才會來竹圍仔，每次來竹圍仔，也都只有在大路邊「沾醬油」而已──讓大馬路圍在裡面的竹圍仔，是我不曾「醃」過、較不知鹹淡的「淡水」。
昨天，和Amo約的時間還沒到，從埔頂自強路慢慢晃下來，整山坪樓房密密密，我不「熟」的淡水，怎麼鑽，都是「厝」味。（譯注：台語「厝味」與「趣味」音同）
