山產海產名產 有鮮上介讚〜
國產黨產校產 無討錢消瘦！

催討 真理大學前校長宿舍
收復埔頂「小白宮」Orz

講來這是茨邊兜的家內事，佮我實在無治代。

我蹛佇真理大學附近，行一塊仔路就到淡江中學，閣隔壁就是真理大學。安呢講，外埠頭的朋友一定sa無。各位敢有看過周董的的電影「袂當講的秘密」？......葉湘倫去佮意著路小雨，怹學校校門口彼tsuā路就是真理街，校門出來正斡行無幾步路，倒手爿，就是真理大學前校長宿舍，真理街1巷1號，嘛是叫「小白宮」的深幽大別莊，咱過路人干旦看會著車庫氣派的紅色大門。

前校長嘛姓葉，毋拘，毋是葉湘倫的爸爸。葉校長自1971年做校長到今年才落台，任期比蔣介石做總統猶閣較長。我佇美麗的校園散步的時攏會安呢想：奇怪，這間學校上有條件、上應該有學運啊，那會學生攏hiah乖？！咱長老教會上關心台灣主權、對民主運動上熱，那會家己經營的學校遐呢無活力？！......行過牛津學堂頭前的水池仔邊、楓仔樹跤，或者是坐大禮拜堂的柱仔跤看粉鳥仔，敢從來無學生抑老師心內有安呢的疑問？！

這是一間毋知khā著啥物魔咒猶未破解的校園，我是外人，了解有限。最近聽講落台的葉校長猶毋肯搬出宿舍──彼也莫怪，假使我有遐呢媠的別莊通蹛，我嘛無想欲搬，遐呢四是的所在蹛三十幾冬，煞無通留落來養老，想著一定誠憂悶。這个「苦杯」呀，願主旨意得成。

俗語講：「乞食趕廟公」，旦廟公已經毋是廟公矣，煞顛倒歹趕？一九七○年代的紅毛城，嘛類似這个情形。英國人共紅毛城交予美國人「託管」，實際上，佇不平等條約廢除了後，英國人佮美國人根本攏已經無權利矣，咱政府佮老百姓嘛是閣驚驚，毋敢真正出手。有的代誌是真正愛驚：驚死、驚無頭路、驚無飯通食；毋拘，有的代誌是的確毋免驚，像催討宿舍這款例，就若茨主請茨跤搬茨仝款，茨主是「主」呢！

 (圖片提供 真理人)

◎相關連結 馬偕博士的故居和校長的小白宮

催討 真理大學前校長宿舍
收復埔頂「小白宮」Orz

說來這是鄰居的家務事，和我實在不相干。

我住在真理大學附近，走一小段路就到淡江中學，再隔壁就是真理大學。這樣說，外地的朋友一定搞不清。各位有看過周董的電影「不能說的秘密」嗎？......葉湘倫喜歡路小雨，他們學校校門口那條路就是真理街，校門出來右轉走沒幾步路，左手邊，就是真理大學前校長宿舍，真理街1巷1號，也是叫「小白宮」的深幽大別莊，咱們路人只能看到車庫氣派的紅色大門。

前校長也姓葉，不過，不是葉湘倫的爸爸。葉校長自1971年做校長到今年才下台，任期比蔣介石當總統還要更長。我在美麗的校園散步的時候都會這麼想：奇怪，這間學校最有條件、最應該有學運啊，怎麼學生都那麼乖？！我們長老教會最關心台灣主權、對民主運動最熱衷，怎會自家經營的學校那麼沒有活力？！......走過牛津學堂前面的水池邊、楓樹下，或是坐在大禮拜堂的廊柱下看鴿子，難道從來沒有學生或老師心裡有這樣的疑問？！

這是一間不知道卡到什麼魔咒尚未破解的校園，我是外人，了解有限。最近聽說下台的葉校長還不肯搬出宿舍──這也難怪，假使我有那麼美的別墅可以住，我也不想搬，那麼舒適的地方住了三十幾年，卻沒能夠留下來養老，想起來一定很鬱悶。這「苦杯」呀，願主旨意得成。

俗語說：「乞食趕廟公」，現在廟公已經不是廟公了，卻反而不好趕？一九七○年代的紅毛城，也類似這個情形。英國人把紅毛城交給美國人「託管」，實際上，在不平等條約廢除之後，英國人與美國人根本都已經沒有權利了，我們政府和老百姓還是仍然怕怕，不敢真的出手。有些事情是真該怕：怕死、怕沒工作、怕沒飯吃；不過，有些事情是真的不用怕，像催討宿舍這種例子，就好像屋主請房客搬家一樣，屋主是「主」呢！

 (圖片提供 真理人)

◎相關連結 馬偕博士的故居和校長的小白宮

 

配樂──周杰倫「不能說的秘密」之路小雨