難得有一齣台灣人拍的電影，予咱正經會當符合工商服務定咧用的廣告詞：「樓頂招樓跤，阿母招阿爸」，後壁閣挺好加一句「乖孫招阿媽」，來去看電影！--這毋是干旦押韻鬥句咧趣味，嘛無歕雞規膨風的嫌疑，是真的。

是真的，真正就是有遐濟人，毋知偌久毋捌佮人排列相kheh，買一張電影票，專工踏入電影戲園，來去坐咧暗挲挲的觀眾席，佮歸茨間無相捌的父老兄弟姐妹，看仝一齣戀愛古，仝齊笑出聲，仝齊tsat鼻、流目油。「你有去看『海角七號』無？...」「你看『海角七號』也袂？...」變成過去這幾個月，全台灣上介「烘」的招呼語。

佇濟濟人心目中，若「天邊海角」遐呢遙遠的恆春，這十外冬來，那來那發展。古早人講，「人跤底有肥」--濟人行踏的所在，上無嘛較食市，較有機會、有底趁，較袂予餓著；是講，「肥」是好物無錯，毋拘，若有一日仔，屎屎尿尿過頭濟，無了時，煞變「人跤底臭齁齁」，強欲袂喘氣得。天然的美景，花貓貓的人工開發，閣安呢毀落去，台灣啊，較濟祖公仔屎嘛無夠開。歹勢，遮講的「屎」佮「肥」，攏是先民發明的比喻，毋是我調故意無衛生。

活佇愈來愈奧吸著新鮮空氣的時代，好佳哉咱猶有毋驚puá、puá毋驚的藝術家（puá=跋倒的「跋」=搏儌的「搏」），為咱這塊鼻屎粒仔大的海島，創造有血有目屎的故事（liâm-līn koh兩phû屎...）。想袂到，這130分鐘的故事，煞若發粉的效果，共恆春歸大碗變發粿：佮電影有關係的所在、佇電影內底有出現過的產品，攏做一下發。

國境之南的小鎮，山嘛是安呢，海嘛是安呢，佮「海角七號」猶袂搬進前，抑無加一塊肉，抑無減一塊肉。這馬，「海角七號」袂輸一頂超級的大「夢罩」。（「蠓罩」，若無蠓罩，蠓仔oonn-oonn叫咧空襲的時，是會去予釘甲走無路）「海角七號」這頂大「夢罩」，半爿天搭一條七彩的khîng，土跤釘一欉紅紅的野玫瑰，落山風袂當開相強速。有人誠實包袱仔款咧，一tsuā路thuh到墾丁揣夢；有人閣有影寫批寄去「恆春郡 海角七番地」的住址，註明「小島友子 收」，予恆春郵局足傷腦筋。

台灣話一句講：「做戲空，看戲憨」--套佇「海角七號」這支片共看，敢有合su？

有才調huānn頭做戲的導演，是頭腦非常優秀的巧人；有才情拍出好電影，一定是巧了相超過、拍拼甲偎盡磅的結果。安呢的人，佇猶袂成功進前，定hông看做空的、痟的。「做戲空」，按這「角」共看，宛那講會通。啊「看戲憨」咧？......「看戲憨，好利用」，tng-tang全台灣攏咧拼觀光、「文化創意產業」喝甲足甕聲的時，若是到恆春，無論啥時陣，陳達的歌若唱起，雄雄也叫是「思啊......商啊機......」



（予《台灣教會公報社》的稿）

【華語對譯】海角七號之做戲空看戲憨

難得有一齣台灣人拍的電影，讓我們真的可以符合工商服務常在用的廣告詞：「樓上邀樓下，阿母邀阿爸」，後面還挺好加一句「乖孫邀阿媽」，來去看電影！--這不是只有押韻湊句在趣味，也沒有吹牛皮膨脹的嫌疑，是真的。

是真的，真的就是有那麼多人，不知多久不曾和人排隊相擠，買一張電影票，專程踏入電影院，坐在暗挲挲的觀眾席，和一屋子不相識的父老兄弟姐妹，看同一齣戀愛故事，一同笑出聲，一同擤鼻、流眼油。「你有看『海角七號』嗎？...」「你看『海角七號』了沒？...」變成過去這幾個月，全台灣最「夯」的招呼語。

在許多人心目中，像「天邊海角」那般遙遠的恆春，這十多年來，愈來愈發展。古早人說，「人腳底有肥」--多人走動的地方，至少也比較吃市，較有機會、有得賺，較不會餓著；雖說，「肥」是好東西沒錯，不過，若有一天，屎屎尿尿過頭多，無了時，卻變「人腳底臭齁齁」，簡直要呼吸不得。天然的美景，花貓貓的人工開發，再這麼毀下去，台灣啊，再多祖公仔屎也不夠花。不好意思，這裡說的「屎」和「肥」，都是先民發明的比喻，不是我故意不衛生。（註：「祖公仔屎」即遺產之意）

活在愈來愈難吸到新鮮空氣的時代，幸好我們還有不怕ㄅㄨㄚ\、ㄅㄨㄚ\ 不怕的藝術家（ㄅㄨㄚ\ =跌倒的「跌」=賭博的「賭」），為我們這塊鼻屎粒仔大的海島，創造有血有目屎的故事（連續又兩坨屎...）。想不到，這130分鐘的故事，竟有如發粉的效果，把恆春一大碗變「發粿」：和電影有關係的地方、在電影裡曾出現過的產品，都一下子（一起）發。

國境之南的小鎮，山依然如此，海依然如此，和「海角七號」還沒上映前，也沒多一塊肉，也沒少一塊肉。現在，「海角七號」簡直是一頂超級的大「夢帳」。（「蚊帳」，若無蚊帳，蚊子oonn-oonn叫在空襲的時候，是會被釘得走投無路）「海角七號」這頂大「夢帳」，半邊天貼一條七彩的虹，地上釘一株紅紅的野玫瑰，落山風不能開太強速。有人當真包袱收拾，一趟路凸到墾丁尋夢；有人還真的寫信寄去「恆春郡 海角七番地」的住址，註明「小島友子 收」，讓恆春郵局很傷腦筋。（註：台語的「夢」讀bāng，「蚊」讀báng，音近）

台灣話一句說：「做戲傻，看戲憨」--套在「海角七號」這部片來看，是否合身？

有才幹執掌做戲的導演，是頭腦非常優秀的聰明人；有才情拍出好電影，一定是聰明得太超過、努力得接近極限的結果。這樣的人，在還沒成功之前，常被看做傻的、瘋的。「做戲傻」，按這「角」度看，也是說得通。那「看戲憨」呢？......「看戲憨，好利用」（註：台語押韻），當全台灣都在拼觀光、「文化創意產業」喊得很響亮的時刻，若是到恆春，無論什麼時候，陳達的歌若唱起（註：此三句套宋澤來先生詩），恍然還以為是「思啊......商啊機......」