:台中。班芝仔樹 - 樂多日誌

班芝花就是木棉花。我嘛是到這幾年，佇教材編寫小組熟似鳥仔樹仔bat透透的吳銘進老師，聽伊講起才知。「木棉」的台語名叫「班芝」（「吉貝木棉」叫「加布棉」），佇台南縣東山鄉有一个地號就叫做「班芝花坑」。

今載起落去台中，車頂愛睏補眠，閣家己知通醒──目睭一peh金，發覺路是彎的，正手爿車窗外幾仔叢紅花當開的班芝……「台中到矣著無？」

中港路交流道，上好認就是這个時，交流道khong起來的彼堀草坪頂仔，種的彼幾叢班芝仔樹，開甲若焯火咧燒仝款。對我來講，春天時這幾叢不止仔「刺目」的樹仔，就是台中市大門的標誌、台中城的「入口意象」：先是開花的班芝仔樹，煞落來才是苦惱的塞車、好食的太陽餅、氣派的懸樓仔，佮聽講足濟足濟但是攏無緣bat甲半个的好額人。

下晡天氣足好，日頭的溫度拄仔好勢，嘛略仔有風。台中舊酒廠，這擺「假日廣場」的舞台就搭佇大路邊，偎人行道，幾仔叢班芝仔佮烏枋樹排歸列。點半鐘的節目，我唱第三段。陪美賢顧擔仔位的時，看對邊仔去，就有一叢猶咧開的班芝樹，聽講頂禮拜花lak甲歸土跤。

誠久無寫生，春天，看著開花的樹仔，煞會有想欲giâ筆共畫落來的衝動，就安呢，畫佇簿仔裡。

…………………………………………………………………………………………

【華語對譯】台中。班芝仔樹

班芝花就是木棉花。我也是到這幾年，在教材編寫小組認識鳥類樹木識透透的吳銘進老師，聽他說起才知道。「木棉」的台語名字叫班芝（「吉貝木棉」叫「加布棉」），在台南縣東山鄉有一個地名就叫做「班芝花坑」。

今天早上下台中，車上愛睏補眠，還自己知道要醒──眼睛一張開，發覺路是彎的，右手邊車窗外好幾棵紅花正開的班芝……「台中到了對不對？」

中港路交流道，最好認就是這個時節，交流道圈起來的那坵草坪上，種的那幾棵班芝樹，開得彷彿燃燒似的。對我來說，春天時這幾棵頗為「刺目」的樹，就是台中市大門的標誌、台中城的「入口意象」：先是開花的班芝樹，接下來才是苦惱的塞車、好吃的太陽餅、氣派的高樓，和聽說很多很多但是都沒緣認識到半個的有錢人。

下午天氣很好，太陽的溫度剛剛好，也稍稍有風。台中舊酒廠，這次「假日廣場」的舞台就搭在大路邊，靠人行道，幾棵班芝樹和黑板樹排整列。一個半鐘頭的節目，我唱第三段。陪美賢顧攤位的時候，往旁邊看去，就有一棵仍開著的班芝樹，聽說上星期花落得滿地。

很久沒寫生，春天，看到開花的樹，卻有想要拿筆把它畫下來的衝動，就這樣，畫在簿子裡。

姓名 :
Email :
URL :
	記住我的資訊顯示我的圖像 ( 登入或申請個人圖像 )
回應內容 :

March 10,2008

台中。班芝仔樹

引用URL