台灣文學館常設展，語音導覽台語版
◎版權所有 國立台灣文學館│執行製作 Acoustiguide雅凱語音導覽（圖片轉貼自台灣文學館網站）
1 導覽系統使用說明 你好！歡迎使用國立台灣文學館為你製作ê語音導覽。T„咱ê館--nih，逐位所在lóng有標示導覽ê編號，你若想beh了解toh一區ê內容，tõh kä伊ê號碼，tsh…h(tsh…h是第8調)-lõh咱ê導覽機仔，了後，koh tsh…h青色ê key，tõh ë-tàng聽著相關ê介紹。若是beh小停--一-下tsiah-koh聽，請tsh…h一pái紅色ê key；若是連suà tsh…h兩下，聲音tõh ë 禁--起-來，beh koh聽，tiõh ài重tsh…h編號號碼。音量控制ê開關，t„機仔ê倒手pîng，大細聲咱ë-tàng家t„調整。T„ tsia先kä你提醒，離開本館ê時，請會記e kä導覽機仔還t¡g--來，lõ-lãt，祝你參觀歡喜！
2 常設展策展精神 歡迎咱來國立台灣文學館，t„ tsit棟有九十年歷史ê古蹟內底，kap文學相會。國立台灣文學館目前固定ê「常設展」，總共分做兩區：一區ê主題，是特別為本館tsit間老tshù 來規劃--ê「舊建築、新性命」；另外一區ê題目，「台灣文學ê發展」，是咱館上大、上主要ê展覽。T„「舊建築、新性命」展覽區，咱ë-tàng看tioh tsit棟日本時代留--tõh-來ê舊thsù，伊年久月深ê變遷kap發展，透過「古蹟修復kap再利用」ê概念，án-tsuàⁿ koh精神--起-來，咱m ˜-nä欣賞伊ê suí，mä beh 來了解伊ê身世。另外一pîng「台灣文學ê發展」展覽區，是本館為tiõh beh h³各位，對台灣文學ê發展有一kuá基本ê了解，熟似伊ê歷史、伊ê精神、伊ê內涵，等等，請你tuè阮khuaⁿ-khuaⁿ-á行，用心kä體會。Tsit-má，咱tiõh隨來起鼓！
3 OT 文字河 台灣ê四kh¬ liàn-t¡g lóng是海，àn中央山脈出泉ê溪水，向(¢g)東西南北流入大海。先民的生活--nih，tiäⁿ- tiäⁿ mä aì撩水過溪、theⁿ船過渡。T„漢族移民開墾ê時代，種田需要ê水源kap圳溝，不時tsiâ°做衝突、pià°庄ê原因。水，ë-tàng講是性命ê源頭，有水ê所在，人tsiah有才調khiä起，mä tsiah ë有文字出現、有文明發展。
100 「舊建築、新生命」常設展概說 Kä老tshù整理理--ê、koh再利用，tsit款理念，上早、自十六世紀文藝復興時代ê歐洲，tõh有人an-ne做--ah。頂世紀，法國人kä巴黎停用ê老火車站重規劃，變「Orsay（奧塞）美術館」；英國人mä kä倫敦報廢ê火力發電廠，設計做「Tate（泰德）現代美術館」，lóng是世界有名tsiâⁿ成功ê例。咱台灣，一直到1990年代下半期，tsiah開始注意tiõh古tshù ë-tàng án-tsuàⁿ來phah算，看ü-tang盡量保存--落-來-無，用無仝ê想法kap做法，h³伊ê性命久久長長。咱ê館，tiõh是àn tsit款想法，將日本時代所起--ê ê台南州廳，kä大部分ê骨骼留--落-來，用補強ê方式整修，是台灣文化資產修復再利用ê優秀案例。
101 A1 行入州廳ê歷史風華 行入tsit棟大扮koh氣派ê古tshù，h³咱有siáⁿ-m…h特別ê感覺--leh？Tsit款融合希臘kap羅馬建築特色ê風格，t„西洋建築史--nih，屬新古典主義。1916年完工ê台南州廳，建築師森山松之助(Matsu-nosuke Moriyama)，是日本第一批出國學西洋建築ê人才，伊t„台灣負責真tsë公共建築，台灣總督府，台北、台中kap台南州廳lóng是伊huäⁿ頭設計--ê。
102 重錘式窗仔門模型 日本時代ê西洋式建築，窗仔門te開，tiäⁿ- tiäⁿ會kä設計h³ tùi ë-pîng sak khit-lih頂kuân。為tiõh beh h³ sak--khit-lihê窗仔ë tiä°--leh，bë雄雄t¢g--落-來去kòng tiõh人，koh ü-thang ài開guä大縫、tiõh開guä大縫，m免tsat力，beh ë-tàng有tsia- ê功能，伊ê設計tõh真要緊--a。原來，tsiah-nih-á奇巧ê機關，tiõh藏t„窗仔門kheng ê雙pîng。請咱tsim-tsiok看：一粒lián仔，一條uái-á-soh，kap一粒細細粒若秤錘ê磅籽，差不多一片窗仔ê重，這tiõh是「重錘式」ê窗仔門，伊利用ê原理，tõh kap囡仔人愛坐愛s¡g ê khik-khok-pang sio-kâng。來！kä試--khuiⁿ，「重錘式」窗仔門，好開koh好關--¬h！
103 展示廳實例觀察—地基(圓形地基展示區) 1910年代，日本人tī台灣投資磚仔窯，引進新式ê機器，一tè、一tè按規格生產，送入去半自動ê八卦窯燒，產量一tiap提升，hit-tsäm，用紅磚仔起tshù，t„台灣是上時行--ê。台南州廳tiõh是hit-ê時代紅磚仔建築ê代表作。
200 台灣文學ê發展 常設展概說 「台灣文學」是siáⁿ-m…h？伊ê發展過程大概是án-tsuáⁿ？
201 TO 鉛字牆 文學ê世界萬底深坑，lóng是靠文字一字、一字täu-täu-á thiap--起-來-ê，作家kä作品寄h³報社ä是出版社去印刷，印刷廠te khioh版ê鉛字，tõh像咱tsit片壁看--tiõh- ê án-ne，lóng是顛倒píng-- ê。 202 T1 深耕土地、行向現代 文學作品，往往ë-tàng反映時代ê演變，顯示一般人ê物質生活kap精神文化，台灣文學mä仝款。伊發展ê過程，主要受tiõ兩方面影響，一pîng親像咱ê bak-kuh，是tùi傳統農業社會來--ê、本土ê智慧；一pîng tiõ若咱ê hâng-too-luh，是台灣社會百外冬來對現代化ê追求。所以，若beh了解台灣文學ê發展，上頭起先，咱ë用得對tsit位：「本土性」kap「現代性」ê雙叉路口，來起行。T„ tsit-ê展示區，咱tiõh用永過田庄做穡人上重要ê好朋友──「牛」，來代表「本土性」；另外，tsiah koh借「鐵枝路」、tsit項促進現代社會發展ê交通工具，來說明「現代性」。 203 水牛圖 台灣ê牛，上早是荷蘭人tuì南洋引進--來-ê。咱台灣是寶島，物產豐富，m-ku，koh khah àn-tsuáⁿ講，腹肚枵，ä是tiõ食飯，無米，mä ài有蕃薯箍湯。米kap蕃薯，是咱上重要ê糧食。t„台灣ê平洋，不管是beh播稻仔ä種蕃薯，若無水牛來犁田，田土根本無才調翻。永過田庄ê囡仔人，lóng mä ài鬥顧牛；做穡人mä因為對牛感恩、惜情，m願食牛肉。 204 呂赫若〈牛車〉 作家呂赫若，1914年出世，台中潭子ê人，本名叫做呂石堆，台中師範學校出業了後，去日本東京學聲樂。無論音樂、文學ä是戲劇，伊lóng足有才情，人人叫伊「台灣第一才子」。1935年，呂赫若二十二歲，第一pái用日文發表ê小說，tõh是你tsit-má看--tiõh-ê tsit篇〈牛車〉，hit-tang-tsün tú發表，隨受tioh文壇重視，lö尾koh有人kä翻做中文，是台灣第一篇hông介紹過中國ê小說。 205 台灣文學--nih ê「鐵枝路」 火車、車站、月台……tiäⁿ- tiäⁿ出現t„歌謠kap文學作品--nih，咱台灣有tsia-ê場所，歷史mä tsiah百二冬ê kha-tau niä-niä。 206 T2 多音交響、族群共榮 「語言」無一定有文字，˜-koh，一定有聲音。 207 台灣漢詩 漢詩t„台灣ê歷史，liöng-kî約-á ài àn鄭成功tshuä兵來台灣算起，差不多是1661年ê時。經過清國統治，到日本人殖民台灣 頭-á hit二十幾冬，1920年代左右，t„ tsit段lò-lò長ê期間，台灣ê文學風氣，ë-tàng講是以漢詩為主，各地方成立ê詩社，不時有文人吟詩交陪ê聚會。無論是台灣上早ê漢文先沈光文、ä是人稱「台灣詩史」ê洪棄生、或者是清國ê愛國詩人丘逢甲，lóng是做漢詩ê gâu人。日本時代，台灣頭幾任總督，像Kodama Gentaro（兒玉源太郎)，mä會曉寫漢詩、讀漢文。1920年代以後，新文學時行，創作型態大轉變，不而過，真tsë文人猶原認同漢詩，親像台灣新文學之父賴和，留--落-來ê漢詩有千外首。雖然，漢詩屬舊文學，是足傳統ê文體，˜-koh，也tiõh是因為tsit-tsân緣故，伊保存上tsë舊時代讀冊人對台灣ê觀察紀錄，有一定ê時代意義kap文學價值。 208 分享記憶．開拓主題 「刺瓜仔刺刺刺，東都tiõh來去，來去穩有某，˜免唐山tsiah艱苦」，土跤tsit條念謠，是漢人先民t„唐山the歹討趁ê感慨。in用「刺瓜仔」ê「刺刺刺」，來比論家己「刺刺刺」ê歹命底，一kh¬liù-liù ê「唐山公」，無想beh枵腹肚、koh想beh娶有某、¢g望有一工，日子˜免hiah艱苦，鼻仔摸--leh，ä是tiõh ài來去「東都」──「東都」tõh是台灣。 209 禁錮kap脫出：蔡德本《蕃薯仔哀歌》 蕃薯，t„無水無肥ê歹田底，mä種ü-thang收成。咱寶島出產米，˜-koh，農民一直teh hông剝皮，往過仔ê台灣人，ka-tï顛倒食無米，三頓lóng tõh koh靠蕃薯籤。 210 禁錮kap脫出：楊華《黑潮集》 楊華，身苦病疼兼散赤，三十歲tiõh來吊täu自殺，有人用「薄命詩人(põk-bëng)」形容--伊。1925年，日本政府為tioh beh管制社會主義思想，頒佈《治安維持法》，1927年，楊華tiõ因為違反tsit部法令，h³日本警察掠--去，伊入獄無二十工，寫beh五十外首詩，ka-tï kä tsit批作品叫做「烏潮集」，「烏潮」，是流過台灣四kh¬圍仔ê烏海水，可能是當teh坐監ê楊華，對時勢kap環境ê強制力，感受特別深。伊ê作品，抗議日本人ê高壓統治，對殖民地人民ê命運，有滿腹ê哀怨、憤慨。Tsit phö《烏潮集》，是楊華過身了後，朋友發現手稿，送去楊逵主編ê《台灣新文學》發表。其中大部分lóng是短詩，詩句短短--ah，熱烈ê感情下底，包涵哲理，ná像細細葩仔有靈光ê燈仔火，h³讀者ë-tit啟示來自覺。 211 反殖民kap認同：張深切《遍地紅》 台灣，近代以來一tiap受外來政權thún-tá，hông殖民kap反殖民ê經驗，tiõh像khap印仔仝款，一pái koh一pái重複，大大力t¢g t„台灣人ê心肝頭。án-ne ê歷史背景，塑造台灣文化ê基本調性，t„文學--nih，「反抗殖民者」kap「認同台灣」，一直是重要ê主題。譬論講，1895年清國kä台灣割h³日本，民間隨tiõh有《台灣民主歌》leh流傳，用七字仔唸歌ê方式，唱出台灣漢人無力回天ê絕望。1930年，日本統治台灣已經三十五冬，南投內山ê泰雅族，ä是kui部落起來反抗，h³日本人用殘忍ê手段ah落底，tõh是驚動島內外ê「霧社事件」。你看--tiõh ê tsit本《遍地紅》，作者是南投人、劇本作家kap文學評論家張深切。伊àn tsit-ê事件收集題材，寫出台灣第一部用「霧社事件」做主題ê電影劇本。另外，小說家舞鶴ê長篇小說《餘生》，mä teh走tsuë仝一段悲慘ê歷史，小說以無分段ê方式lò-lò長寫--落-去，kä現代kap過去、時間kap空間，lóng總läm做夥，筆路tsiäⁿ特殊。 212 反殖民kap認同：陳映真《夜行貨車》 1971年，台灣退出聯合國，來koh häm日本、美國斷交，外交關係連suah踢tiõh大鐵pang，h³國際社會宣判àu-tsuh，局勢對台灣tsiâⁿ不利，Tãk-ke覺悟tioh，開始思考台灣t„政治kap文化各方面ê主體性，tsë- tsë作家嚴肅koh積極teh想，到底，台灣ê出路，是ài行tuì toh--去？咱應該án-tsuáⁿ自我定位--leh？你看--tiõh- ê tsit抱作品《夜行貨車》，是作家陳映真1979年發表ê小說，伊掠跨國公司ê企業文化做題材，寫當時美國、日本tsia-ê外商資本，用強勢ê經濟力殖民台灣，對咱社會心理造成ê影響；陳映真m-nä寫出hông扭曲ê人性，mä kä伊ê文化關懷kap民族認同囥tï小說內底。另外一篇作品，作家黃春明ê小說《莎喲娜啦•再見》，故事主角是一間貿易公司ê小職員，suah tõh koh兼做「三七仔」，tshuä日本客戶開咱台灣ê查某，hit款複雜ê心情，kap無奈、矛盾ê痛苦，ë-tàng講，是七○年代台灣ê直接反映。 213 戰爭與傷痕：陳千武《獵女犯》 1937年，日本出兵phah中國，想bë到戰場siu°過頭闊，liâu--落-去，suah kui-ê tiâu--leh。日本軍方轉移目標，t„ 1941年冬尾，偷偷仔去空襲Hawai ê珍珠港，發動「太平洋戰爭」。一直hông當做南進基地leh經營ê台灣，開始實施「特別志願兵制度」，用半強逼--ê ê方式，調咱台灣ê少年家去做兵；koh用騙--ê kap háⁿ--ê ê步數，掠台灣kap朝鮮ê姑娘仔去做慰安婦。 214 戰爭kap傷痕：李喬《埋冤1947埋冤》 用長篇小說ê文類，來處理台灣歷史ê題材，是苗栗作家李喬ê專長。過--去，伊kä日本時代規模上大ê反抗行動，1915年自台南地區反--起-來ê「噍吧哖事件」，寫做小說《結義西來庵》；koh kä北部客家人開墾ê故事，寫做出名ê《寒夜三部曲》。你tsit-tsün看--tiõh- ê tsit phö《Tâi冤1947 tâi冤》，mä是伊ê作品，故事是leh寫1947年發生ê「二二八事件」。t„ 1987年解嚴進前，「二二八」是有耳無嘴bë-tàng亂講ê禁忌，˜-koh，hit-tang-tsün，李喬tiõh已經私底下一四界做訪問，資料累積十年久，訪問過七十外位民眾，l³尾，用真真假假一半一半ê寫作方法，完成tsit phö小說。冊名用「tâi冤」tsit-ê詞，是因為讀音kap「台灣」兩字tsiâ° uá。咱台灣雖然是一塊tâi足濟冤魂ê島，李喬認為講，若是tãk家心肝頭有慈悲kap憐憫，ë-tàng kä過去歷史上結ê冤仇tâi起來，未來，猶原是一位有光明ê好所在。 215 疏離kap超越：跨越語言的一代──林亨泰 頭前tsit台電視，影帶tng-leh介紹--ê，是詩人林亨泰。 216 疏離kap超越：現代主義、楊熾昌häm風車詩社 1933年，t„《台南新報》學藝欄做編輯ê楊熾昌，kap幾ê仔愛寫詩ê朋友組一ê社團，叫做「風車詩社」，發行《風車詩誌》，鼓舞「超現實主義」ê詩風，是台灣新詩ê發展史--nih，第一ê追求現代主義風格ê詩社，「超現實主義」屬現代主義文學ê一派，1920年代自歐洲流行起來，傳過日本，tsiah koh來到台灣，是一種無受理性束縛ê創作精神，作品完全teh表現幻想ê世界，àn外表kä看若脫離現實，kap殖民地一向ê現實主義文風，路數無仝。 217 性別kap情慾：白先勇《孽子》 兩性ê情愛kap慾望，是文學世界上kài普遍ê主題。‹-koh t„台灣，hiàng時因為民風保守，探討情愛慾望kap性別議題ê文學作品，khah罕leh看，作家處理tsit方面ê題材，表現ê方法，mä歹勢siu°直路。一直到1980年代以後，政治上ê威權鬆--去-ah，父權思想ê地位，mä受到女性主義ê挑戰，社會ná來ná開放。無禁無忌ê自由風氣，致使台灣人有機會去注重ka-t„：ka-t„ ê身體自覺、情慾自主、性別認同等等，一kuá過去˜敢想、歹勢講、驚見siàu ê議題，lóng ë-tàng提出來探討。近來，媒體kap網路大時行了，tsit方面ê討論猶koh khah熱。1983年，白先勇發表伊寫ê長篇小說《孽子》，對男同性戀ê愛情、父仔囝ê親情、心靈kap肉體慾望ê衝突，lóng寫了tsiâ°深入，是台灣第一phö同志長篇小說。 218 論辯kap重建：鄉土文學論戰 「作家應該為tiõh siáⁿ-m…h來寫？為siáⁿ人來作？」——tsit-ê嚴肅ê課題，是tãk-ê創作者lóng ë tú--tiõh-ê。‹-koh，台灣ê歷史背景kap語言生態khah複雜，原本一人一家代、屬個人文學觀ê問題，suah來變文壇熱phut-phut ê爭論。1930年代，台灣h³日本人統治，強勢語言是日文，當時khiä左派立場ê黃石輝，跳出來主張：台灣作家應該ài用台灣話寫台灣ê文學，自án-ne，引起第一pái ê「鄉土文學論戰」。戰後，1947年到49年hit ¤ng 3冬，《台灣新生報》副刊，mä bat引起「中國文學」kap「台灣文學」定位ê爭論。1950、60年代ê台灣文壇，kui大phâng lóng是反共文學kap現代主義文學，寫咱台灣鄉土ê現實主義作品，一直到70年代，tsiah漸漸hông肯定。台灣文學史--nih上重要ê「第三回鄉土文學論戰」，uì兩大報副刊燒--起-來，tï1977年hin-tsäm，到上熱ê程度。台灣文學，是m是愛反映台灣ê現實社會？經過tsit pái論戰，眾人lú來lú有共識。 219 災難kap生態：談921 咱台灣，好天好日ê時，是好山好水ê美麗島，生就tsiâⁿ有個性ê外表，suah配tioh厚風颱、厚雨水、厚地動ê命格。天然災害kap自然生態，是天地塑造咱台灣島ê力量，mä是萬物無言ê教示，算--來，咱lóng是kä tsit塊島借tuá--ê niâ，Sauh往往無tshun後步，過度開發，造成不可挽回ê傷害。有一kuá作家，對自然生態ê重要性有覺醒，發心beh記錄tsit tè土地、大大細細ê性命，In kui-ê踅翻頭，倒píng行，Beh 踏出一條回歸大自然ê路，親像，本來是討海人ê作家廖鴻基，開始giãh筆寫台灣四kh¬ lê仔ê海翁kap海豬仔，希望tiàm台灣建立一種kap大海和諧共生ê海洋文化精神。另外，自1999年921大地動了後，真tsë文藝工作者進入災區，uì歷史、影像、文學等等無仝ê角度出發，為tsit pái ê《世紀震痛》留紀錄，用意mä是¢g望kap咱sio提醒，咱ê土地，需要koh khah tsë ê關心疼惜kap認bat。 220 原鄉kap祖靈：利格拉樂．阿女烏 台灣ê原住民，自古無文字，˜-koh，有足濟故事、足濟歌，透過用講--ê、用唱--ê，一代傳過一代，tsit款形式，tiõh叫做「口傳文學」，tsit-ê精采ê「口傳文學」傳統，是台灣文學重要ê寶庫。日本時代，雖然有日人kap漢人作家，注意tioh原住民ê口傳文學，採來做創作材料；m-ku，正正原住民ka-tï寫--ê，原汁ê「原住民文學」，一直到1980年代tsiah出現。In使用中文，kä族群kap部落ê生活經驗，kä藏t„深山林內無人知ê故事，活活跳跳寫--落-來。原住民語tú-tiõh中文，兩ê系統sio-phah電，suah意外pöng出非常特殊ê語言風格。 221 批判kap關懷：黃春明（蘋果的滋味） 優秀ê作家，是神經線特別敏感、目色特別läi ê人，in giãh筆做手術刀來解剖咱tsit-ê現實ê社會，是àn關心kap良心來出發。戰後ê台灣社會，高壓ê政治氣氛下底，真話絕對bë-tàng講，khah有現實主義色彩ê文學，70年代以後tsiah敢探頭。頭前面電視leh搬--ê，是導演萬仁1983年拍ê電影，劇情是àn黃春明ê小說《蘋果ê滋味》改編--ê，小說ê故事大概仔是leh講：1950年代，美國是台灣ê老大--ê，足tsë美軍t„台灣，有一工，一ê做工仔人去h³美軍駛ê自動車lòng tiõh傷，想bë到，一家伙仔suah tsuâⁿ an-ne好運--起-來，kui口灶有福氣食tioh貴sam-sam ê phöng（蘋）果，hit時陣，一粒phöng果是值beh四斤米--neh！……一篇簡單ê故事，經過黃春明奇巧ê安排，假無意ê對照比ph„ng，h³人讀tiõh ä心適、ä心酸，對hit當時台灣人ê散赤、單純kap善良，ë有m甘kap同情。 222 批判kap關懷：吳晟《吾鄉印象》 Àn tsia對台灣社會提出批判ê作品--nih，咱看ë tiõh每一ê作家關懷--ê，lóng無siáⁿ仝：楊青矗ê《工廠人》，寫台灣勞工生存ê困境；王拓ê《金水嬸》，用基隆漁港做佈tah，主要leh批判現代社會ê功利主義；宋澤萊ê《打牛湳村》，leh寫農村hàm古ê產銷制度，《血色蝙蝠降臨的城市》用魔幻寫實ê筆路，寫烏暗ê台灣政治；另外，像凌煙、蔡素芬、李昂，以及王麗華等等女性作家，in看--tiõh ê社會現實，角度又koh完全無仝。Tsit時你看--tiõh-ê tsit本《吾鄉印象》，是彰化庄kha ê詩人吳晟，1976年出版ê詩集。台灣ê現代詩行到60年代，路suah lú來lú霧。吳晟ê作品kä農村體驗、農村風景theh來入詩，風格素--素-ah，h³人一讀tõh讀有，若親身脫赤kha踏tioh土，ë-tàng感受tioh土氣ê熱度kap芳味。《吾鄉印象》是詩集ê名，mä是其中一首詩ê題目，音樂創作者羅大佑bat kä譜過曲，已經過身ê水彩畫家席德進，mä kä theh來做伊作品ê題詩。 223 批判kap關懷：楊逵〈新聞配達伕〉(送報伕) 楊逵，台南新化ê人，是日本時代農民運動kap文化運動ê戰將。Tsit份copy ê手稿，是伊ê小說代表作〈新聞配達夫〉，也就是〈送報伕〉ê意思。1934年，日本ê《文學評論》雜誌公開徵文，結果頭賞無人入選，tsit篇小說得tiõh二賞，是台灣作家第一pái t„日本theh tiõh賞。少年ê楊逵，因為˜願kap tshù--nih kä主意ê新婦仔結婚，偷走去日本，暗時讀書，日時kä人送報紙、做小工，thàn生活費kap學費。〈送報伕〉tõh是根據伊tï日本ê經驗寫--ê，內容teh講一ê台灣青年，因為庄內ê土地h³製糖會社收--去，老父破病過身了後，去日本做送報伕，koh h³ khok-hîng ê派報社頭家剝削ê故事。楊逵認為ka-t„是「人道ê社會主義者」，文學創作是伊表達政治信仰ê方式。日本時代，伊去hông關過十pái，˜-koh，kiàn-pái lóng關無幾工tõh hông放--出-來-ah。1949年，伊寫一篇khah無一千字ê〈和平宣言〉，h³看伊白目ê國民政府掠去關，一關tõh kä關十二冬，算--來，平均一字換五工免錢飯，害伊tsiâ°做台灣歷史--nih稿費上kuân ê作家。 224 T4 發現台灣文學史 台灣，t„亞洲大陸東南pîng沿海，若咱uì東北亞kä大細粒島連--khit-來，koh牽去到東南亞，台灣，tú好t„ tsit條鏈仔ê中央。咱目睭kheh-kheh kä想看，假使khiä t„中國北京，ãh是日本東京，是˜是mä ë目頭kuân，看咱ka-t„無？論真講，咱tuà t„-tsia，上知影伊ê好寶。是講，三不五時借外國ê眼光看ka-t„，看了久來suah變慣sì，是m是有時mä會giâu疑：台灣有siáⁿ-m…h歷史？台灣kám有文學？…Khah早，有足tsë前輩kap咱仝款leh問；tsia-ê問題ê答案，一直ài到1980年代，tsiah漸漸看khah ë明，khiä t„「台灣」做中心ê文學史，ûn-ûn-á khiä直--起-來，台灣文學得tiõh正名，mä h³人看見伊ê尊嚴。T„-tsia，咱ë-tàng看tiõh各階段有關台灣文學史ê論述，in全部tàu起來，正正tú好是「台灣文學án-tsuá° hông發現」ê路程。 225 T5 作家書房．文學地圖：賴和書房 眾人對伊真尊存，kä叫「台灣新文學之父」，伊，是留兩撇嘴鬚ê醫生，關心台灣命運ê社會運動者。伊，是賴和，1917年t„彰化開一間「賴和病院」，散liông人來看病，˜-nä ˜免錢，koh贈送貴重ê藥材，彰化市民lóng叫伊「彰化媽祖」。伊寫詩、寫小說，mä擔任《台灣民報》文藝欄主編，tiäⁿ- tiäⁿ鼓勵牽成新進作家，不時h³ in寶貴ê意見，台灣文學因為有伊ê tshiâ°-tî kap推sak，tsiah ü-thang 像幼嬰仔一暝大一寸。 226 T6 匯聚潮流．迎向世界（輸入） 台灣是海島，運命無法度脫離世界潮流。台灣文學ê發展，主要受西洋、日本kap中國影響，t„向世界開放ê過程--nih，tâu-tâu-á捏出ka-t„ beh愛 ê形。日本時代，台灣作家透過日文翻譯，接觸真tsë西洋名著，tuì hit內底提升創作ê思想kap技巧。無論是社會主義文學、現代主義、超現實主義文學，lóng是台灣作家ê營養分。1919年中國ê五四運動，提倡白話文寫作，mä直接影響台灣知識份子對文學ê觀念，中國作家魯迅，反抗精神kap批判力影響tsë-tsë青年，是賴和kap楊逵上kài尊存ê人。Tsit區展示區，壁頂kui冊架仔ê冊，lóng是台灣作家自早以來吸收ê文學精華，beh創作有台灣特色ê文學作品，咱需要有夠闊、有夠厚koh有夠在ê世界觀做基礎。 227 匯聚潮流．迎向世界（輸出）：李昂《殺夫》 台灣文學ê發展，˜-nä tùi世界吸收精華，mä開始向全球發聲。戰前，台灣作家ê表現已經t„日本受重視；戰後，文學界猶koh khah積極，beh phah開對中國、日本、英國、美國、德國、法國等等國家ê交流管道，透過優秀作品ê翻譯計畫來做外交，beh h³台灣文學行向國際舞台。T„ tsia展示ê冊，lóng是台灣作家有翻做外文ê作品。內底，女作家李昂t„ 1982年發表ê小說《殺夫》，故事發生t„民風保守ê鹿港，女主角是一個thâi豬--ê ê家後，因為bë堪得翁婿精神虐待，尾手kä翁婿thâi--死──寫kah tsiâⁿ大膽、tsiâⁿ直路，逼咱去看台灣傳統社會下面àm-khàm ê真實。《殺夫》有英語、法語、德語版，差不多hông翻做十七種語言，是台灣ê文學作品--lin，外語版上tsë ê小說。 228 T7 作家真跡：介紹真跡精神 「字」是文學ê基本零件，「文學」是作家用字起--khit-來ê世界，「文學作品」是活--ê，文稿內底每一字，tõh若像伊ê細胞。T„電腦buë普遍ê年代，作家創作lóng是靠手--lin hit枝筆，˜-tsiah ë h³人叫做「giãh筆--ê」。寫t„稿紙頂kuân ê字，是作家親手留--落-來ê筆跡，是足珍貴ê原稿，mä是咱國立台灣文學館重要ê收藏品。現代人lú來lú慣sì用電腦phah字，giãh筆寫字ê機會變少--ah。Kap tãk-ê phah--出-來 long sio-siâng ê電腦字一比，tsia-ê原稿，是˜是ke真有個性？真活？hit一筆、一ueh，˜-nä h³咱感覺tiõh作者ê性地kap氣質，mä若ë-tàng讀知作者寫作hit時ê心情，歡喜、傷心、苦惱、憤慨，寫˜ tiõh、kä畫--掉，寫無tiõh、koh添--起-lih。文學創作tõh是án-ne，一字一字慢慢仔寫--出-來-ê。 229 T8 時光走廊．文學素顏 Uì主要ê展覽區行--出-來了後，朋友，咱kap台灣文學ê散步，tsit場結合文字、影像、聲音kap史料ê約會，已經tit beh到尾站。外口tsit-tsuä亭仔kha，壁--nih照年代排--過-去ê老相片，一位、一位，lóng是咱台灣ê作家，in ká-ná koh有話beh kä咱講，期待咱 kap in-ê文學靈魂有koh khah深ê交陪。咱順tsit-tsuä時間ê亭仔kha行--過，koh一pái kap tsia-ê前輩相tìm頭，in做前做後一ê接一ê，行過吟詩作文ê舊文學、文明時代ê新文學，行到族群意識覺醒了後母語寫作ê現代。文學，對in ê筆心發光，in kä精神勞動收成ê果子，送去報紙、文學雜誌，ãh是印做冊，kap咱sa°-kap分享。T„亭仔kha尾--ah ê細間房--nih，有各年代發行ê文學雜誌，咱順suà來kä看mäi。
Posted by cit_lui_hoe at
樂多Roodo! │03:37
│
回應(1)
│
引用(0)
│
有聲集
引用URL
http://cgi.blog.roodo.com/trackback/4432927
