彼chūa鐵枝路向東爿面去，會佮彼條有足濟椰子樹、欲去萬巒食豬腳的四維路交接，毋拘，鐵枝路不管，照常切過點仔膠路，家己一直向東爿lōng去──潮州的囡仔，東西向絕對袂去予認毋著，因為，鐵枝路thàng去的方向，夯頭看去就是大武山。
起頭先，鐵枝路邊猶有空地仔，勉強算是有一條巷仔相伴，巷仔內無幾百公尺遠，有一間「國語禮拜堂」，禮拜堂過去，人家愈來愈少，我知也，鎮公所邊仔賣粉鳥仔的文仔怹兜，聽講就滯即tah，已經足偏僻，擱來根本就無路，干旦存鐵枝路thang行。
五六歲仔的囡仔人，是無可能行來到遮e，就算是囡仔頭王招一陣欲揣刺激，嘛無人敢來。因為，順鐵枝路共一直行過去、過去、過去……路邊開始有幾個墓仔，徛遐先咧共你警告，好膽擱較過去，卓手爿就是歸大phiàn的墓仔埔。
就算是經過三十冬矣，即片墓埔猶原印佇我的心內完全無退色，清明時節，沿路的草仔佮竹廍，青青青，甚至青甲有淡薄仔陰。我甚至會記得，有一年培墓，koân koân 的鐵枝路經過一條溪仔，橋下面煞變空的、lang的，鐵枝路khùe佇棧木面頂，我會驚，毋敢行，大人雙手共我牽咧，予我逗逗仔家己hāⁿ，棧木一條一條，làng足大縫，看對下面足恐怖。
hōaⁿ過棧木，過彼條溪仔，就是「潮州第一公墓」。
好佳哉，查埔祖仔的墓佇介頭夠，過溪仔卓手爿，水門邊thóng出來彼塊。親族逐家將載來、扛來的祭品先hē咧，有的人開始割草、整理，有的人分頭去揣其他的墓：祖太、查某祖、阿公，攏總葬佇遮。地勢平坦的潮州，培墓毋免pheh山，毋拘，對一個細細漢仔的囡仔來講，一個墓，就佮一粒山仝款，一丸一丸，有koân有kē，看過去，像綠色的波浪安呢，墓牌是海裡探出頭來的船帆，千帆雲集，潮庄的祖先chiâu kheh來遮做好兄弟，偌鬧熱也。（註：「潮州」的原名「潮庄」）
阿爸招我，講伊欲去揣墓，看我敢tùe無──好啊！那會毋敢！
彼個清明，彼chūa佇綠色的波浪裡揣墓的路，自安呢khiām佇記持的口座內面做本金，放予生利息，罕得領出來。
第一公墓是一位老公墓，應該是日人時代就有的，到我做囡仔去培墓彼當陣，七○年代，已經戰後三十冬矣。我tùe前tùe後，佮阿爸黏tiâu-tiâu，對大墓邊仔踅過，唯墓佮墓中央的小路踏過。遠遠看佮真正行入去是無仝的。有的墓厝已經空矣，風水早就khioh起來，khà起來的磚仔角，請裁 i 佇邊仔。即phiàn綠色的波浪裡，其實暗藏足濟捲螺仔，遮一chng7、遐一chng7，就是遐個已經挖起來的墓，存一個窟仔大大窟佇遐拋荒，囡仔人唯邊仔過若無細膩，可能就會予捲落去，窟仔底的aù棺柴板是毋是有機關呢？……
揣著墓，掃墓，chhoân牲禮，彼幾年，連紅龜粿、包仔粿嘛茨裡家己做。燒香拜拜，佇細塊紅色的凹仔內面thîn米酒，親族逐家那開講，那等公媽腥臊食飽，搏杯，燒金，掛墓紙。阮家族毋是客人，培墓無放炮仔。
彼工轉去茨，阿爸問我，去揣墓的時有看著骨頭無？
「骨頭？啥物骨頭？」
「妳拄仔有經過骨頭邊仔妳毋知？有一個甕仔啊……」
「無啊，那有？……經過骨頭會安怎？」
「會鼻著若像死鳥鼠仔味……妳攏無鼻著？」
「死鳥鼠仔味是啥物味？！」
彼進前，我毋bat看過、嘛毋鼻過死鳥鼠，干旦聽過隔壁的囡仔伴講佇怹兜做藤椅仔的師父煙仔，將歸盒拄出世、白肉白肉、透明的血管紅紀紀的鳥鼠仔囝，一隻一隻活活吞落腹，講足補的，嘖嘖……自彼擺聽著安呢，後來看著行路pái-pái的煙仔，我就攏用走的。
公墓破甕仔裡的骨頭，我真正無看著。後來，顛倒是佇診所看著阿爸跤簾的骨頭。停靈的期間，我會記得有一擺聽著覡公講，伊下晡擱愛趕去石光見，嘛是出車禍的。彼時覡公坐佇椅仔佮阮開講，一爿兩支手袂輸欲去mo·h家己卓跤的大腿佮小腿的姿勢，一爿講：「彼個擱較嚴重，歸支跤骨碎~~~~糊糊」，伊彼聲「碎~~~~」牽了特別長，擱特別做出顫音的效果，配合伊唯大腿比落來小腿的速度──彼個人是幾歲人呢？做啥物khang-khùe？茨內擱有siâng？……囡仔人有耳無嘴，我干旦顧聽。後來，逐擺看著公路局的普通車寫「往 石光見」，非常自然就會想著彼支碎~~~~糊糊的跤骨。（註：「石光見」是佳冬鄉石光村的在地地名）
葬佇第一公墓的祖太、查埔祖、查某祖、阿公，風水早就攏khioh起來矣，我無機會擱行入彼片墓仔匯成的波浪。彼chūa看著若像通向大武山的鐵枝路，早就拆起來khōng做點仔膠路，直直thàng去四線道，四線道擱過，是毋是會thàng入去lám-nâ（湳林？濫林？）呢？我無去追究，甘願予伊隔開，予伊有盡磅，到四線道即爿就好。阮在地人稱呼的「lám-nâ」，是一片自古早就有的桃花心木樹林，即馬開發做八大樂園。古早，五分仔車若誠是駛過彼片樹林，往大武山直直去，景緻一定真súi、真壯觀。
但是我是徛佇二十一世紀，一條普通甲有chhun的產業道路，樓仔茨猶未起偎來，欲到第一公墓彼條溪仔──he那是一條溪仔咧？根本就是一條水溝仔nīa嘛！是講，路基有影較koân，溝仔相對有較深，啊，我記的無毋著，確實是有一座水門，水門邊仔，猶有一寡猶未khioh骨的墓。產業道路的正手爿已經變做檳榔園，卓手爿，猶原有無遷葬的舊墓，怹的囝孫咧？攏四散佇佗位？……
我毋敢行入去即片野草焦kho·-kho·的波浪裡，明明遐是我探訪的目的，結果，真正夠位的時，煞黏裡假做是過路的人，只是將機車的速度放慢，連路邊舊墓墓牌的字攏毋敢看，毋敢考究怹的年代佮宗族──遮有潮州的老靈魂，從古早到旦的鬼，我從細漢到大漢毋bat放袂記得過，我已經攏予牽到遮來矣，好矣，好矣，袂當擱予吸入去啊，我有我的陽間的歲月，敢毋是？
莊子是我tùe袂著的gâu人。欲去人楚國（屬南方的楚國，江邊容易khā著鬼鬼怪怪……），路邊看著一粒枯焦的頭殼，箠仔枝夯咧共「kho·-kho·kho·」，叩問是啥原因來往生，致使變做即粒空殼：到底是貪生理失呢？亡國去hông thâi呢？有做啥物白目的行為害父仔母仔某囝腰脊骨徛袂直的見笑代嗎？抑是遇著歹年冬飢寒交迫連番仔火七仔就無通賣？或者，你的陽壽註定就是干旦食夠即個歲？……問煞，無禮貌無打緊，擱共提來做枕頭睏。半暝仔，白骨兄果然夢中來相見，笑伊日時仔講講遐的有的無的嘴角全波袂輸辨士咧，he是活人正有的khang頭，對死人根本no·-sut！
白骨兄共開破「死」的樂暢：「死，無君於上，無臣於下，亦無四時之事，從然以天地為春秋，雖南面王樂不能過也。」
莊子毋信，講：我叫司命之神予你的形體復活，共你的骨肉皮膚鬥鬥黏黏轉去，還你父母某囝親成知己，你欲安呢無？
白骨兄目頭拍結，鼻仔捏捏，講伊那通放棄南面稱王的快樂，擱去受人間的勞苦呢？（莊子原文是安呢的意思無毋著，只是我想無，目眉、鼻仔煞毋是早就爛甲存無一塊肉幼仔，tēng空空的骨頭，是欲安怎「憂頭結面」呢？……）
莊子的寓言，有一種適合製作flash動畫的趣味感。白骨兄笑伊像辯士──辯士，就是gâu諍gâu論辯、gâu排道理的人吧；烏白的無聲電影時代，徛佇布幕邊仔向觀眾解說劇情的先生，台語嘛以「辯士」來稱呼。突然間一個無周全的連想……是毋是，就徛閃一爿講說別人的故事，就徛較koân位的來質問一個客觀的現象，一個人正有成為「辯士」的可能？
白骨兄所表達的「死」，無綱常的倫理線束縛，無時間的流動線推sak，以天地為春秋的「死」，確實是無上極樂的安歇。
我是活人。每一遍想著《莊子》〈至樂篇〉內面白骨兄即粒頭殼，我理解伊的快樂，但是，he就親像安寧寂靜欣賞一幅深刻的畫，真súi啊！隨喜讚嘆！……毋拘，對一個活人來講，看súi袂當止枵止渴──性命欲運行，需要真實的氣力，辯析、審美，攏是求生的底線以上的代誌啊。
我chiaⁿ實無勇氣家己一個人徛佇彼phiàn荒廢的公墓進前，我殷望會當像當年欲hāⁿ過鐵枝路橋的棧木安呢，有溫暖的大手將我牽咧。我定定想著《舊約聖經》〈以西結書〉三十七章，台語漢字本標題「枯焦的骨欲活」。以西結是以色列的先知，「以西結」即個名，是「上帝堅固」的意思。當以色列國家予巴比倫滅去，以西結佮其他的猶太人hông掠去迦巴魯河邊，就佇殷望消失滅無的時，耶和華上帝的靈臨到以西結，chhūa伊出去，予伊看見異象：
耶和華將以西結hē佇山谷下底的平地，歸土跤滿滿滿攏是骨頭，伊chhūa以西結唯骨頭的四周圍經過，看啊，佇山谷的面上有骨頭真濟，看啊，怹真枯焦。耶和華問以西結，遮個骨會活袂？以西結回答：「主耶和華啊，祢知伊。」
耶和華教以西結愛安怎向白骨呼叫、宣揚，耶和華講：「看啊，我欲予活氣入恁的內面，恁就欲活。我欲予恁的頂面有筋，擱予恁有肉，擱用皮共恁包，用活氣入佇恁，恁就會活；恁就知我是耶和華。」遵趁耶和華命令的以西結，就安呢，向枯焦的骨喊聲──宣言猶未煞，土跤就開始chùn，全部的白骨khik-khik-khiak-khiak、khik-khik-khiak-khiak，逐支逐支按怹的本位組合轉來、相連合……無一時仔，骨的頂面有筋、有肉、有皮包起來，但是猶無活氣。耶和華擱教以西結向風來呼喊：四方的活氣啊！來入佇遮個hông thâi死的人的腹內，予怹活過來！活過來！……無一時仔，歸山谷的骨肉活過來、徛起來，變做極大龐的軍隊──耶和華欲拍開以色列囝孫的墓，將怹唯墓裡領出來，chhūa怹轉去以色列的土地安頓。
以西結若流浪到楚國，路裡無小心踢著一粒骨頭，伊會對伊喊啥物話？──莊子若做時空旅行，按迦巴魯河附近的山谷過路，敢會白骨khioh一兩支仔起來弄花棍仔？
我知也我毋是、嘛袂是莊子，我無法度踮墓埔做詩意的漫遊、智性的窮究，因為，葬佇遐、擱khioh起來的風水，彼pheh8骨頭，毋是路邊行仔行去tak著的、無相干的人的，he是至親。
三界火宅，五濁惡世，師姐莫相過頭執啊！欲勸我做白骨觀？觀苦空無常，觀寂滅？……恁祖媽正袂giàn！
1990年春天，阿爸的墓khioh骨，不孝的我無轉去。電話裡聽阿姐講，棺柴蓋giáu開，內底醬漉漉，若紅毛土攪水，可能是葬的地勢的關係。洗骨的師傅嘛講，像安呢的風水，囝孫仔欲賺食介厄，「拜託也，咱家己無才調、頇顢賺食，mái怪對祖先去！怹夠無辜也。」雖然電話即頭安呢ge，其實心內嘛知，彼個位，佇第二公墓的上邊仔，干若發配邊疆去面壁仝款，屈佇遐，足鬱……但是袂當擱想落去矣！當年，咱猶攏遐細漢，阿母辛苦。
即馬，祖太、查埔祖、查某祖、阿媽佮阿爸的骨，攏khioh偎來安奉佇潮州第二示範公墓的納骨塔──佮觀光飯店等級的北海福座抑是金寶山比起來，若像守佇蕭條的老社區的國民住宅。佇陰間，宛那是好額的做伊好額、散赤的放你去散赤，想欲略仔翻身péng-pêng pê-chiūⁿ一下就無thang嗎？……即的時陣，我忍不住擱會想起彼位佮莊子睏過一暝的白骨兄，解脫的至樂……
…………………………………………………………………………………………
【華語對譯】
枯骨的復甦
從我有記憶以來，從鎮公所後面要通潮州國中的那條路，會經過一片空地，大人都把那裡叫做蔗埕。
聽說，以前潮州國中那整片，都是墳場──所以，什麼粉筆會飛啦、掃帚會自己掃地、科學館的地下室有人唱歌……有的沒的，傳得像真的。不過，我連國小都還沒入學，「臭國中」的鬼離太遠了，嚇我不到。（譯註：台語「臭國中」音近華語「潮國中」）
那個年紀，我頂多是走路走到蔗埕。不知從何時開始，那裡有人用竹管搭寮仔，開始賣甜不辣、賣菜粿，菜粿也有人叫做阿婆粿，平底的鍋一熱，有蕃薯粉勾芡的米漿淋下去（蕃薯粉的量沒像煎蚵仔煎那麼多），白米漿煎還沒赤之前，就要撒豆芽菜和一些青菜下去，傍晚時分做點心吃，好讚。
我以為，蔗埕就是有人削甘蔗在賣的地方，因為路邊那幾棵黃槿樹下面，真的有一攤專門在削甘蔗啊……後來，聽大人講才知，蔗埕那處，是以前人家在交甘蔗的：妳沒看，地上還有鐵路，以前糖廠的火車會駛過這裡。
曉，還真的，路中央一條鐵路橫畫，不知它從打哪來，要通向哪去，我好希望有一天可以親眼看到小火車開進來鎮裡，經過蔗埕，讓我坐著玩。
蔗埕的那道鐵路，在我還是小孩子的內心所引起的盼望，不只是如此而已。
那道鐵路向東邊去，會和那條有很多椰子樹、要去萬巒吃豬腳的四維路交岔，不過，鐵路不管，照常切過柏油路，自己一直向東邊探去──潮州的孩子，東西向絕對不會認錯，因為，鐵路通去的方向，抬頭望去就是大武山。
起先，鐵路邊還有小空地，勉強算是有一條巷子相伴，巷內沒幾百公尺遠，有一間「國語禮拜堂」，禮拜堂過去，人家愈來愈少，我知道，鎮公所旁邊賣鴿子的文仔他們家，聽說就住這帶，已經好偏僻，再來根本就沒路，只有剩鐵路通行。
五六歲的孩子，是不可能走來到這裡的，就算是孩子王呼朋引伴要找刺激，也沒人敢來。因為，順鐵路把它一直走過去、過去、過去……路邊開始有幾個墳墓，站在那裡先警告你，好膽再過去些，左手邊就是整個大片的墳場。
就算是經過三十年了，這片墳場依然印在我的心中完全沒退色，清明時節，沿路的草與竹叢，青青青，甚至青得有些些陰。我甚至會記得，有一年掃墓，高高的鐵路經過一條小溪，橋下面卻變空的、ㄌㄤ的，鐵路擱在棧木上面，我會怕，不敢走，大人雙手把我牽著，讓我慢慢地自己跨，棧木一條一條，間隔很寬，向下看去很恐怖。
跨過棧木，過那條小溪，就是「潮州第一公墓」。
幸好，曾祖父的墓在很前面，過小溪左手邊，水門邊凸出來那塊。親族大家將載來、扛來的祭品先卸下，有的人開始割草、整理，有的人分頭去找其他的墓：曾曾祖父、曾祖母、阿公，都葬在這裡。地勢平坦的潮州，掃墓不必爬山，不過，對一個還很小的孩子來說，一個墓，就和一粒山相彷彿，一丸一丸，有高有低，看過去，像綠色的波浪那樣，墓碑是海裡探出頭來的船帆，千帆雲集，潮庄的祖先全擠來這裡做好兄弟，多麼熱鬧。（譯註：「潮州」的原名「潮庄」）
阿爸邀我，說他要去找墓，看我敢不敢跟──好啊！怎會不敢！
那個清明，那趟在綠色的波浪裡找墓的路，自此儲蓄在記憶的存款簿內做本金，放給它生利息，難得領出來。
第一公墓是一處老公墓，應該是日治時代就有的，到我小時候去掃墓那時，七○年代，已經戰後三十年了。我跟前跟後，和阿爸黏得緊緊，從大墓旁繞過，從墓與墓中央的小路踏過。遠遠看和真的走進去是不同的。有的墓厝已經空了，骨頭早就撿起來，敲下來的殘磚塊，隨便扔在旁邊。這片綠色的波浪裡，其實暗藏很多漩渦，這裡一渦、那裡一渦，就是那些已經挖起來的墓，剩一個窟窿大大窟在那裡荒蕪，小孩子從邊上走過若不小心，可能就會被捲下去，窟窿底朽爛的棺柴板是不是有機關呢？……
找到墓，掃墓，準備牲禮，那幾年，連紅龜粿、包仔粿也家裡自己做。燒香拜拜，在小紅杯子裡斟米酒，親族大家邊聊天，邊等祖先大餐吃飽，擲盃，燒金錢，掛墓紙。我們家族不是客家人，掃墓沒放鞭炮。
那天回到家，阿爸問我，去找墓的時候有看到骨頭沒？
「骨頭？什麼骨頭？」
「妳剛剛有經過骨頭旁邊妳不知道？有一個甕啊……」
「沒啊，哪有？……經過骨頭會怎樣？」
「會聞到好像死老鼠味……妳都沒聞到？」
「死老鼠味是什麼味？！」
那之前，我不曾看過、也沒聞過死老鼠，只聽過隔壁的玩伴說在他們家做藤椅的師父煙仔，將整盒剛出生、白肉白肉、透明的血管紅咚咚的小老鼠，一隻一隻活活吞進肚子，說很滋補，嘖嘖……自那次聽到這樣，後來看到走路跛跛的煙仔，我就都用跑的。
公墓破甕子裡的骨頭，我真的沒看到。後來，反而是在診所看到阿爸小腿骨的骨頭。停靈的期間，我記得有一次聽到道士說，他下午還要趕去石光見，也是出車禍的。那時道士坐在椅子和我們閒聊，一面兩支手好像要去扶自己左腳的大腿和小腿的姿勢，一面說：「那個還更嚴重，整支腳骨頭碎~~~~糊糊」，他那聲「碎~~~~」牽得特別長，還特別做出顫音的效果，配合他從大腿比下來小腿的速度──那個人是幾歲人呢？做什麼工作？家裡還有誰？……小孩子有耳無嘴，我只有顧聽。後來，每次看到公路局的普通車寫「往 石光見」，非常自然就會想到那支碎~~~~糊糊的腳骨。（譯註：「石光見」是佳冬鄉石光村的在地地名）
葬在第一公墓的曾曾祖父、曾祖父、曾祖母、阿公，風水早就都撿起來了，我沒機會再走進那片墳墓匯成的波浪。那條看起來像通向大武山的鐵路，早就拆起來舖成柏油路，直直通去四線道，四線道再過去，是不是會穿進去lám-nâ（原始森林）呢？我沒去追究，甘願讓它隔開，讓它有盡頭，到四線道這一邊就好。我們在地人稱呼的「lám-nâ」，是一片自古早就有的桃花心木樹林，現在開發成八大樂園。昔日，小火車若真是駛過那片樹林，往大武山直直去，景緻一定很美、很壯觀。
但是我是站在二十一世紀，一條普通得有剩的產業道路，樓房還沒蓋靠過來，要到第一公墓那條小溪──那哪是一條小溪呢？根本就是一條水溝而已嘛！是說，路基的確較高，水溝相對有較深，啊，我記得沒錯，確實是有一座水門，水門旁邊，仍有一些還未撿骨的墓。產業道路的右手邊已經變做檳榔園，左手邊，依然有沒遷葬的舊墓，他們的子孫呢？都四散在何處？……
我不敢走進去這片野草乾枯枯的波浪裡，明明那裡是我探訪的目的，結果，真正到那裡的時候，卻馬上裝做是過路的人，只是將機車的速度放慢，連路邊舊墓墓碑的字都不敢看，不敢考究他們的年代與宗族──這裡有潮州的老靈魂，從古早到現在的鬼，我從小到大不曾遺忘過，我已經都被牽到這裡來，好了，好了，不能再被吸進去啊，我有我的陽間的歲月，不是嗎？
莊子是我跟不上的的賢人。要去人家楚國（屬南方的楚國，江邊容易「卡」到鬼鬼怪怪……），路邊看到一粒乾枯的髑髏，細棍拿著給它「叩、叩、叩」，叩問是啥原因來往生，致使變成這粒空殼：到底是貪生理失呢？亡國而被殺呢？有做什麼白目的行為害父母妻子腰桿挺不直的丟臉事嗎？抑是遇到壞年冬飢寒交迫連火柴都沒得賣？或者，你的陽壽註定就是只有吃到這個歲數？……問罷，沒禮貌不打緊，還把它拿來當枕頭睡。半夜，白骨兄果然夢中來相見，笑他白天說的那些有的沒的嘴角全波彷彿辨士，那是活人才有的把戲，對死人根本沒用！
白骨兄向他開破「死」的快樂：「死，無君於上，無臣於下，亦無四時之事，從然以天地為春秋，雖南面王樂不能過也。」
莊子不信，說：我叫司命之神讓你的形體復活，讓你的骨肉皮膚湊湊黏黏回去，還你父母妻子親戚知己，你要這樣嗎？
白骨兄眉頭揪結，鼻子發皺，說他哪能放棄南面稱王的快樂，再去受人間的勞苦呢？（莊子原文是這樣的意思沒錯，只是我想不通，眉毛、鼻子不是早就爛得剩沒一塊肉屑，硬空空的骨頭，是要怎麼「憂頭結面」呢？……）
莊子的寓言，有一種適合製作flash動畫的趣味感。白骨兄笑他像辯士──辯士，就是擅辯擅爭論、擅長編排道理的人吧；黑白的無聲電影時代，站在布幕旁邊向觀眾解說劇情的先生，台語也以「辯士」來稱呼。突然間一個不周全的連想……是不是，得閃一邊站講說別人的故事，得站較高處的來質問一個客觀的現象，一個人才有成為「辯士」的可能？
白骨兄所表達的「死」，無綱常的倫理線束縛，無時間的流動線推擁，以天地為春秋的「死」，確實是無上極樂的安息。
我是活人。每一遍想到《莊子》〈至樂篇〉裡面白骨兄這粒頭殼，我理解他的快樂，但是，那就像安寧寂靜欣賞一幅深刻的畫，真美啊！隨喜讚嘆！……不過，對一個活人來說，看美當不得止飢止渴──生命要運行，需要真實的氣力，辯析、審美，都是求生的底線以上的事情啊。
我實在沒勇氣自己一個人站在那片荒廢的公墓前面，我盼望可以像當年要跨過鐵路橋的棧木那樣，有溫暖的大手將我牽著。我常常想到《舊約聖經》〈以西結書〉三十七章，台語漢字本標題「枯焦的骨欲活」（譯註：和合本《聖經》為「枯骨的復甦」）。以西結是以色列的先知，「以西結」這個名字，是「上帝堅固」的意思。當以色列國家被巴比倫滅去，以西結與其他的猶太人被人抓去迦巴魯河邊，就在盼望消失滅無的時刻，耶和華上帝的靈臨到以西結，帶他出去，讓他看見異象：
耶和華將以西結放在山谷底下的平地，遍地滿滿都是骨頭，祂帶以西結從骨頭的四周圍經過，看啊，在山谷的上面有骨頭真多，看啊，他們真枯乾。耶和華問以西結，這些骸骨能復活嗎？以西結回答：「主耶和華啊，祢是知道的。」
耶和華教以西結要怎麼向白骨發預言，耶和華說：「看啊，我必使氣息進入你們裡面，你們叫要活了。我必給你們加上筋，使你們長肉，又將皮遮蔽你們，使氣息進入你們裡面，你們就要活了；你們便知道我是耶和華。」遵照耶和華命令的以西結，就這樣，向枯乾的骨發預言──預言還沒結束，地就開始顫動，全部的白骨khik-khik-khiak-khiak、khik-khik-khiak-khiak，每支每支按他們的本位組合回來、相連合……一眨眼，骨的上面有筋、有肉、有皮包起來，但是仍無活氣。耶和華再教以西結向風來發預言：四方的氣息啊！來進入這些被殺死的人的內在，讓他們活過來！活過來！……一眨眼，整個山谷的骨肉活過來、站起來，變成極龐大的軍隊──耶和華要打開他以色列子民的墓，將他們從墓裡領出來，帶他們回去以色列的土地安頓。
以西結若流浪到楚國，路上不小心踢到一顆髑髏，他會對它發什麼預言？──莊子若做時空旅行，打迦巴魯河附近的山谷過路，會不會白骨撿一兩支起來耍花棒？
我知道我不是、也不會是莊子，我無法在墳場做詩意的漫遊、智性的窮究，因為，葬在那裡、又撿起來的風水，那把骨頭，不是路邊走啊走去觸著的、不相干的人的，那是至親。
三界火宅，五濁惡世，師姐可別太過執啊！要勸我做白骨觀？觀苦空無常，觀寂滅？……你祖媽才不願！
1990年春天，阿爸的墓撿骨，不孝的我沒回去。電話裡聽阿姐說，棺柴蓋撬開，裡面醬漉漉，像水泥和水，可能是葬的地勢的關係。洗骨的師傅也說，像這樣的風水，子孫要謀生較困難，「拜託也，我們自己沒才調、拙於謀生，別怪向祖先去！他們夠無辜的。」雖然電話這頭這麼酸話，其實心裡也知道，那個位子，在第二公墓的最邊邊，有如發配邊疆去面壁一樣，屈在那裡，很鬱……但是不能再想下去了！當年，我們還都那麼小，阿母辛苦。
現在，曾曾祖父、曾祖父、曾祖母、阿媽和阿爸的骨，都撿起來集中安奉在潮州第二示範公墓的納骨塔──和觀光飯店等級的北海福座或是金寶山比起來，好像守在蕭條的老社區的國民住宅。在陰間，也還是有錢的任他有錢、貧窮的放給他貧窮，想要微略翻身翻面搔癢一下都不可得嗎？……這個時候，我忍不住又會想起那位和莊子睡過一個晚上的白骨兄，解脫的至樂……
「在綠色的波浪裡找墓的路」....影像感真強....你的書寫在我腦中形成ㄧ個個色彩濃烈, 構圖清楚的鏡頭呢！
