「福安」這个地名，算是「文」兮，是咱家己心內的殷望（有時嘛牽涉著政治，譬如阮屏東的車城鄉，也予人另外號「福安庄」，就佮乾隆朝福康安平林爽文有關係）；「殷望」攏是後來佔贏的人用頭腦加起去的，疊佇「土」兮的原名面頂；「土名」往往是上直接兮，拼命顧腹肚的時抑有遐濟精神，好認好叫大家攏知就好──旗山鎮的福安庄，原在的本名就叫「圭柔腳庄」，客語讀「雞油樹下」（gieˊiuˇsu haˊ），這馬佇旗山攏寫做「圭柚腳」。

「圭柔」、「圭柚」，閣真正相拄會著！（淡水「柚仔公」應該愛來下港進香聯誼……）

而且，「圭柚腳」竟然是一个離水遐呢近的庄仔──伊庄外的旗山溪，一直向源頭起去，就是甲仙，甲仙閣入去，就是八八水災了後，已經消失的小林。

經過70年代、80年代全台灣起痟起童起tshio起起起hē性命起，高屏溪流域的砂石仔悽慘挖挖挖挖喔喔喔已經完全走精敗剩矣。1997年高屏溪流域公告禁採砂石，99年經濟部佇全台灣規位14位做土石資源規劃區，「圓潭陸上砂石專區」就是陸砂開採政策核准的第一案。

台糖是大兮，上濟的就是地；砂石仔業者一定是大兮，bak-kuh絕對硬的──大兮佮大兮相好、交陪，永遠嘛細兮咧衰尾。土砂仔一車一車挖去，二十公尺深、毋知幾公頃闊的深坑仔留佇遐，進前講好欲共阿公店水庫清起來的土載過來囤，事實是根本用偷食步的毋知囤啥物垃圾土落去，而且干礁囤意思意思的爾，完全無照約束行，地貌無法度回復，附近的地下水嘛去束去，灌溉佮排水系統出問題，人佮田攏食無水。

「此有故彼有，此生故彼生；此無故彼無，此滅故彼滅」，台灣頭的淡水，猶原起掠狂起番顛起白癡起起起厝一疊咧起，台灣尾的土砂用跤頭摀想嘛知較濟嘛無夠通挖。咱Hô-ló話講「土肉」、「土肉」土是肉肉是有神經的神經是會痛的，遮濟年來咱攏咧挖肉割肉刣肉賣肉但是真跔怪可能是予人thāu神經做「根管治療」去矣所以攏袂哀正正是勇敢的台灣人。

研究台灣山林生態的陳玉峰教授，最近佇演講中表示，小林村會滅庄，佮「過界引水」工程雖罔有相關，但關係毋是遐呢絕對。伊認為：上蓋、上蓋主要的原因，是咱佇60年代、70年代，共台灣的「櫸木」攏剉了了去矣......「櫸木」，就是咱Hô-ló話講的「圭柔」、「佳榆」。

圭柔會叫做「櫸」，有人講是因為「其樹高舉」，伊的樹椏，就若去hông叫著名的時：

「圭柔」

「有！」

雙手攑懸懸，無，是所有的手，攏攑懸懸──佇彼上懸頂，伊的樹尾，是結籽的所在。伊的籽，無像楓仔有一對翅，毋過，啥人講，無翅就袂當飛？！伊共籽結佇樹尾細細粒仔，佮樹籽作伴的彼幾葉嘛特別配予細細葉，寒流來，冬天風一吹，有籽的彼尾節仔佮葉仔攏做一下「相娶走」！

毋知偌古早、偌古早以前，曾經有一年寒--人，有一粒圭柔的種籽離開母樹，飛啊飛，tiâu佇旗山溪的溪床邊，佇遐活落來，大欉，佇彼樹仔跤漸漸有人蹛，變一庄......

彼粒離溪遐呢近的種子，是按佗飛來的呢？好親像一个愛蹉跎的囡仔，伊的阿母應該佇附近才著。如今，阿母煞無看兮，囡仔嘛干礁賰一塊名牌。

海拔300〜1,000公尺左右的山壁，是台灣櫸樹圭柔的故鄉。沿旗山溪溪谷雙爿，遐个叫會出名字的地號，攏佇這範圍內底，哪，小林，海拔700公尺，設使伊的尻脊後，毋若干礁有一欉，是有規山頭的圭柔林咧替伊kâm土、mooh壁、做擋仔，有圭柔山通予靠──

代誌，一定會攏總無仝。

......................................................................................................

【華語對譯】山上一棵圭柔樹（5）

高雄縣的旗山鎮，古早地名叫做「蕃薯藔」，在出旗山街之後，沿旗山溪（楠仔仙溪）溪埔要往甲仙，也就是走台21線（旗甲路），那一大片溪埔，從日本時代就屬會社地，現在從台糖農場辦公室旁邊一條路彎進去，要到溪邊之前有一庄叫「福安庄」。在Hô-ló人佔大多數的旗山鎮，福安庄是客庄，聽說當年的先民，是從現在美濃福安里那一帶的山腳，翻過旗尾山、涉過湍流的旗山溪，過溪這岸來開庄。

「福安」這個地名，算是「文」的，是我們自己內心的盼望（有時也牽涉到政治，譬如我們屏東的車城鄉，也被人另外取「福安庄」，就和乾隆朝福康安平林爽文有關係）；「盼望」都是後來佔贏的人用頭腦加上去的，疊在「土」的原名上頭；「土名」往往是最直接的，拼命顧腹肚的時候哪有那麼多精神，好認好叫大家都知道就好──旗山鎮的福安庄，原來的本名就叫「圭柔腳庄」，客語讀「雞油樹下」（gieˊiuˇsu haˊ），現在在旗山都寫做「圭柚腳」。

「圭柔」、「圭柚」，還真的相遇得著！（淡水「柚仔公」應該要來南部進香聯誼……）

而且，「圭柚腳」竟然是一個離水那麼近的庄仔──它庄外的旗山溪，一直向源頭上去，就是甲仙，甲仙再進去，就是八八水災之後，已經消失的小林。

不僅如此，「圭柚腳」所在的那片山與溪之間的平原（它在這片平原的東南邊角落），就是台糖在掌理的圓潭農場。

經過70年代、80年代全台灣起痟起乩起翹起起起使性命起（譯註：台語「起」為蓋房子的「蓋」），高屏溪流域的砂石悽慘挖挖挖挖哇哇哇已經完全走精敗剩了。1997年高屏溪流域公告禁採砂石，99年經濟部在全台灣規畫14處做土石資源規劃區，「圓潭陸上砂石專區」就是陸砂開採政策核准的第一案。

台糖是大的，最多的就是地；砂石仔業者一定是大的，後台絕對硬的──大的和大的相好、交陪，永遠嘛小的在衰尾。土砂仔一車一車挖去，二十公尺深、不知幾公頃寬的深坑留在那裡，之前說好要把阿公店水庫清起來的土載過來填，事實是根本用偷吃步的不知填什麼骯髒土下去，而且只有填意思意思的而已，完全沒照約束行，地貌無法回復，附近的地下水也消去縮去，灌溉與排水系統均出問題，人和田都吃不到水。

「此有故彼有，此生故彼生；此無故彼無，此滅故彼滅」，台灣頭的淡水，仍然起抓狂起番顛起白癡起起起厝一直在起，台灣尾的土砂用膝蓋想也知再多也不夠挖。我們Hô-ló話說「土肉」、「土肉」土是肉肉是有神經的神經是會痛的，這麼多年來我們都在挖肉割肉殺肉賣肉但是真奇怪可能是被人抽神經做「根管治療」去了所以都不會哀真的是勇敢的台灣人。

研究台灣山林生態的陳玉峰教授，最近在演講中表示，小林村會滅庄，和「越域引水」工程雖然有相關，但關係不是那麼絕對。他認為：最、最主要的原因，是我們在60年代、70年代，把台灣的「櫸木」全砍光光了......「櫸木」，就是我們Hô-ló話講的「圭柔」、「佳榆」。

圭柔會叫做「櫸」，有人說是因為「其樹高舉」，它的樹枝，就好似被叫到名字的時候：

「圭柔」

「有！」

雙手舉高高，不，是所有的手，都舉高高──在那最頂端，它的樹尾，是結籽的地方。它的籽，不像楓樹有一對翅，不過，誰說，沒有翅就不能飛？！它把籽結在樹尾小小粒，和樹籽作伴的那幾片葉子也特別配成小小葉，寒流來，冬天風一吹，有籽的那末節枝和葉子都一起「相娶走」！（譯註：「相娶走」字面意為「一起帶走」，專有名詞意為「私奔」）

不知多麼古早、多麼古早以前，曾經有一年冬天，有一粒圭柔的種籽離開母樹，飛啊飛，著床在旗山溪的溪床邊，在那裡活下來，長大，在那樹底下漸漸有人住，成一庄......

那粒離溪那麼近的種子，是從哪裡飛來的呢？好像一個愛玩的孩子，他的阿母應該在附近才對。如今，阿母卻沒看到，孩子也只剩一塊名牌。

海拔300〜1,000公尺左右的山壁，是台灣櫸樹圭柔的故鄉。沿旗山溪溪谷兩旁，那些叫得出名字的地號，都在這範圍裡面，哪，小林，海拔700公尺，假使它的背後，不僅只有一棵，是有整山頭圭柔林在替他涵土、抱壁、當煞車，有圭柔山可讓它靠──

事情，一定會完全不同。