有一年春天，對聖本篤修道院出來，大門口彼逝路閣起去一塊仔（鄧公路，鄉道編號「北4」），有一跡紅毛土khōng差不多三尺懸的台仔，算是基座，彼頂仔一間廟仔，有兩个門（土地公佮土地婆分房，一人一間？土地公佮有應公做茨邊？）。平常時仔無特別注意，彼工，廟邊一欉樹仔，毋知啥人共hâ一條紅綵──新的大紅綵鮮鮮鮮，誠hiánn目，開春正當時，規樹椏tsiâu咧puh穎，幼穎若玉仔拍的hiáng青翠，足媠。

我oo-too-bái路邊tú咧，專工peh起去共探看──奇咧，這樹仔就無外老款呢，腰比一个人抱較粗--小括爾，面皮有較貓但是也袂講外liap，那會已經輪到hâ紅綵做樹伯公？......怪哉，樹邊的廟，偎過去看覓：龍爿蹛的，是「福德正神」土地公；虎爿徛的，無半仙神明漆仔，桌頂一khann細kā khann仔香爐、三塊酒甌仔，一副杯分雙爿囥，唯一的供品，是一盒八粒裝的金莎巧克力！這是拜佗一位神明？正中的白壁一塊石牌仔刻三字金字：「柚仔公」。

「柚仔公」？──

hâ紅綵的樹伯公，那會是「柚仔」？騙人毋捌柚仔，修院內底就幾仔欉，三月天柚仔花一開，風凊采吹攏是芳的；敢講，是咱鼻頭崙這角頭附近，早前人咧種柚仔，所以有「柚仔公」信仰？......無道理無道裡，大樹佮廟仔是配好好的，「柚仔公」一定是有紅綵的這欉無錯。

憨神徛佇「路邊一欉柚仔跤」，心內的echo開始「仔、仔、仔......」，tshîng-á、楓仔（png-á）、樟仔、楠仔、杉仔......仔、仔、仔，啊莫名其妙那會是「柚仔」？──「仔、仔、仔」一直佇遐咧跳針踅無路，雄雄一陣sih-nah像閃光燈sih一下，khah-tshah！轟！「柚仔」，敢講是「圭柔」→「雞油」→「油仔」→「柚仔」？！

這欉樹伯公，敢會就是「圭柔」？

【華語對譯】山上一棵圭柔樹（4）

來到淡水這麼多年，得知「下圭柔山」這個地名這麼久，到現在卻都還沒認得一棵圭柔。

有一年春天，從聖本篤修道院出來，大門口那條路再上去一些（鄧公路，鄉道編號「北4」），有一處水泥砌起差不多三尺高的平台，算是基座，那上頭一間小廟，有兩個門（土地公和土地婆分房，一人一間？土地公和有應公做鄰居？）。平日沒特別注意，那天，廟邊一棵樹，不知什麼人為它繫上一條紅綵──新的大紅綵很光鮮，很耀眼，開春正當時，滿樹都在發芽，嫩芽像玉石打的那麼青翠，很美。

我摩托車路邊擱著，專程爬上去探探看──奇了，這樹也沒多老態呢，腰比一個人抱還粗一些而已，臉皮有比較花但是也沒有多皺，怎麼會已經輪到繫紅綵做樹伯公？......怪哉，樹邊的廟，靠過去看看：龍邊住的，是「福德正神」土地公；虎邊住的，沒半尊神像，桌上一只小小的香爐、三塊酒杯，一副筊杯分兩邊擺，唯一的供品，是一盒八粒裝的金莎巧克力！這是拜哪一位神明？正中的白壁一塊石牌刻三個金字：「柚仔公」。

「柚仔公」？──

繫紅綵的樹伯公，怎麼會是「柚仔」？騙人不認識柚仔，修院裡頭就好幾棵，三月天柚仔花一開，風隨便吹都是香的；難道說，是我們鼻頭崙這角頭附近，先前有人在種柚仔，所以有「柚仔公」信仰？......沒道理沒道裡，大樹和小廟是配好好的，「柚仔公」一定是有紅綵的這棵沒錯。

恍神站在「路邊一棵柚仔下」，心裡的回聲開始「仔（啊）、仔、仔......」（譯註：台語的「仔」音近華語的「啊」），榕仔（榕樹）、楓仔（楓樹）、樟仔（樟樹）、楠仔（楠樹）、杉仔（杉樹）......仔、仔、仔，啊莫名其妙哪裡會是「柚仔」？──「仔、仔、仔」一直在那裡跳針繞沒路，忽然一陣閃電像閃光燈閃一下，咖擦！轟！「柚仔」，難不成是「圭柔」→「雞油」→「油仔」→「柚仔」？！

這棵樹伯公，難道就是「圭柔」？