April 9,2007
April 8,2007
lefa初顯身手的一天
14:00 lefa又上左黎音樂
14:15 十個無奈.lefa又跳樓...
跳左落天井.叫極都唔返上黎,問樓下借左成罐貓糧引都唔返黎.tony話penny話佢識自己上返黎的.所以叫佢叫左15分鐘後唔理佢住啦.等佢玩夠先啦.
14:45 打打下blog,又聽到佢近左既"喵喵"聲,應該玩夠要返黎啦掛.
行去玻璃窗諗住抱返佢入黎.
行到埋玻璃窗=.=!!
....兩隻手抓緊玻璃話想返入黎,個口..咬住隻老鼠仔.....呆左5秒
清醒,然後,都係忍唔住,又望住佢呆左5秒...
個口咬住隻老鼠,叫我點抱你返入黎?!
落去搵tony求救.希望tony夠膽抱返你入黎啦.
tony落返黎,話,...lefa已經自己返左入黎.連鼠帶貓...=.=!!
tony話,但係隻老鼠仔未死,唔係就可以用掃把掃走佢.
15:00 無奈下..只好..返上黎..
一上黎...lefa一見到我非常興奮,要攞佢戰利品我睇仲要表演我睇..
天呀,佢非常興奮地又捉又放又拋,而且仲要係為我而表演...
望住佢,腦中生疑問:lefa,你話我到底應唔應該話你好叻仔...=.=
盡量避免被lefa見到,喱係電腦台後面
佢係門口附近係咁玩玩玩拋拋拋...
非常無奈.
客人係玻璃門一望入黎即見到佢,同佢隻老鼠仔(!)
想去關木門,奈何,fa就係玻璃門附近而已.係度拋黎拋去.
實在唔想被佢拋中..(!!!)
所以一直不敢去關門
加上貓糧也在牠附近,
原本想獎勵牠的,咁乖仔,而且也是為免牠以後唔捉.但..
所以最終亦沒有獎勵牠
就此,牠繼續向我表現牠的厲害..
無奈...,嘗試打電話求救不果下,唯有..繼續當牠的觀眾
只求千萬別誤會我看不清楚追過來我身邊表演
15:40 最終,與牠和老鼠共處大半小時後,tony放工了,上來把老鼠掃走了(此時已不會動,已死了)
終於完結了.lefa也返屋企了.
lefa,瞥除我怕你向我拋老鼠外,客觀來看,你絕對抵讚的,叻仔呀下!
我有好多個妹妹^(+++)^
因為個無聊夢,所以尋日起身成個人都好唔開心
(主要係因為個夢既第一part帶落黎既情緒啦)
所以尋晚一開始時個人有d謝謝地...
不過過左陣有得玩又冇野勒.尋晚同居六動物係外國人屋企睇碟過夜
終於睇左巴別塔.
仲有一套....唔記得左叫咩名...=.=
而且呢套亦冇認真睇,頭腦已經開始唔聽使,就黎訓著既狀態.
好喜歡這樣跟動物依偎著看dvd,聊聊天,煮些什麼,一起睡覺.
很溫暖.真的有起了"家"的感覺.除了兄弟姐妹的名份上,連生活也像"另一個家"的感覺.
小時候答那些假設問題的時候,
總喜歡說最想要的是哥哥
總怕若是有妹妹的話會兩姊妹爭風吃醋常吵架爭東西
有了這幾個妹妹以後,發現原來才不是這麼一回事呢^v^有妹妹錫真係好. 唔止添,係家姐阿哥妹妹細佬都有齊哂勒~
又係莫名其妙既怪夢(小心,怕悶/無聊切勿睇!!!!!!!!!!!)
繼膠箱飛落街後,又一個騎呢既夢(前晚)
莫名其妙我又俾一個好錫我既人唔要我,睇唔到個樣,不過九成又係阿娘親大人黎架勒.
(冇得解,夢既感覺就係咁.就係覺得0個個係佢.不過算啦,知佢現實世界唔會唔要我架啦~)
呢一段佔左成個夢既一半,鬼咁耐,攰死我...
跟住,唔知點解去左下一part.
呢part更無言...
係間鬼屋氣氛既大樓入面(類似電視劇入面民初上海0個類洋鬼子住既屋啦)
但係我係入面做緊乜呢?我成個後半part既夢入面就係係0個度四圍發哂茅咁搵泳衣同搵樣"唔知乜"
(但個夢入面我又唔係要去游水要去旅行架播,剩係知好急一定要搵到)
(搵泳衣唔明點解要鬼屋氣氛...=.=)
跟住,終於....我感覺我搵到啦...,面前係個120CM*120CM*10CM既四方框,裝住水,
亦一路有水柱噴緊水入去...但係唔知點解係水池度0個池水係0者喱色既...
我係間好細好細四四方方既房入面,有個好高既門口
我望住面前我既感覺話我知所謂"係佢啦~"搵到既呢樣"唔知乜",發緊呆,思考緊...
呢個時候,糟糕出現係門口(???)
感覺到佢係黎幫我
佢二話不說去房入面打開大衣櫃,係咁搵,終於搵左條褲交俾我.搞掂.(????)
唔知點解又變左唔係搵泳衣變左搵褲...(???????????)
天呀,咩夢黎架.........
April 6,2007
奇怪的夢
尋晚同糟糕同吠吠係che che hea
各自講左d細個既奇奇怪怪經歷
有些以前覺得太難為情從未跟人提起過,連家人都不知道
有些除家人知道外就沒有人知道
前天跟珍妮講了些喜歡/不喜歡的人的事
這幾天都陸陸續續的自己講出來了
不覺得被迫,很自然而然的,就自己講了
我想,是因為一個階段到了吧?
是因為背夠了這些所謂的"小秘密",是時候把這些放出來,換些新鮮的生命進去吧?
這樣解釋了為什麼昨晚會有這樣莫名其妙的夢,
昨天晚上做了個夢,
夢裡,我家陽台長久放著我的兩個大膠箱
(日本城賣的那種,有輪子,大大的那種.裡面放著我儲放下去的雜物跟衣服)
夢裡,我在客廳不知道在做什麼的時候,
突然外面一陣風(藍天白雲放晴有微風的大好天)
把我陽台的兩個大膠箱吹走了,捲了出去,
我追出陽台,目定口呆的看著它們分別落到什麼地方去,準備趕快下去撿
一個比較近,就在斜對面的一片大草地上
另一個比較麻煩,吹到了左邊有一段距離的一堆高樓大廈那邊,我不知道它確實落到了哪裡.
我趕緊跑到青地那邊撿回膠箱以後,
就開始去高樓大廈那邊嘗試找
不過還未找到就醒來了.只記得醒來前還在毫無頭緒盲鐘鐘的緊張的在那邊一些奇怪的酒店和商廈裡找.
好莫名其妙的一個夢,但夢裡的感覺是開揚明朗的.
寫著跟糟糕阿4 講的事和跟珍妮講的事,才想到它們會不會有關聯呢?
今日由２５題開始，擊鼓傳花下集-----------終於做完
um...如果打得通佢電話知佢係邊或知佢仲有幾耐到，就會等
如果打唔到佢電話，就會心情好煩躁，不過都會繼續等既，除非已經等到我有野做要走既時間啦
Q26: 在什麼時候會想到我？
mill--見到動物們既時候or 聽到"好傻仔""唔叻仔"既時候,kakaka
yen--見到動物們既時候 or 見到ＯＫ0個盒糖既時候
Q27: 2007年最想幹什麼？
成功同大家一齊去到自由行
Q28: 如果有天你死了,希望是什麼死法?
訓訓下覺
Q29: 如果你愛的人沒錢，你還會嫁給他麼？還是找個愛你而且很有錢的人？
（男生，你愛的人不是處女你還會娶她並且一如既往的愛她嗎？）
如果一個崩都冇，當然唔會．冇謂累鬥累啦～要睇冇既程度，起碼佢要養到佢自己．唔係寧願唔嫁．現階段既我接受唔到找個愛我而且很有錢但我唔多愛既人去嫁，不過如果係愛我而且很有錢，又愛我！既，即嫁添啦～！ｋａｋａｋａ
Q30: 朋友到底是怎樣的?
每個朋友有每個朋友各別特有的方式，最大共通點是我都喜歡他們．
Q31: 如何拒絕追求你的人？
一般都會自動好似條件反射咁係咁避避避，想大方ｄ都唔得，身體機能唔聽話，做唔到．．．
Q32: 最想做什麼動物?
貓．因為我見阿lefa ledo好似生活得好嘆咁．
Q33: 如果你和你現在的女(男)朋友在路上碰到你以前的女(男)朋友,你會怎麼辦??
都冇．．．點答播．．．起碼要拍第二次拖先有可能發生啦～
Q34: 覺得一直和一個人呆在一起會有一天厭倦嗎？（朋友或戀人）
um...會架，但係人可以自己調節架嘛，就黎厭倦０個陣咪分開下然後再呆埋一齊囉
Q35: 鬱悶的時候怎麼辦？
打blog，開電視，搵朋友，訓覺
Q36: 最適合你發呆的地方？
行緊既路上，巴士既窗邊位
Q37: 你心目中理想的愛人是什麼樣子呢？
ｋａｋａｋａ，最新答案：好似細表哥咁．
正經ｄ答啦，當然要鍚我啦，孝順既，有擔當既，唔準仲唔講野過我既，唔準畏首畏尾仲細膽過我既，不過～亦唔要粗粗魯魯既人
好貪心，ｋａｋａｋａ
Q38: 你相信一見鍾情還是日久生情啊？
兩樣都信
Q39: 在你的生命中，是友情勝過愛情，還是愛情勝過友情？為什麼？
現階段覺得係一樣既
Q40: 最想要的公司福利是怎麼樣的?
有薪假任請．ｋａｋａｋ，發緊夢．
Q41: 願意離開家到很遠的地方去追尋幸福嗎？
呃．．．係台灣返左黎之後，暫時又唔捨得走住．
Q42: 你在大家面前和自己一個人時，差別有多大？
自己一個人時冇得撒嬌
Q43: 下面兩樣你更喜歡哪個？雪山還是大海
以前會揀大海．不過純郁送左張佢係雪山影既相俾我之後，又覺得兩樣都咁鍾意．感覺係雪山度個人會好澄明，大海就有好舒服既海水同好開闊
Q44: 你最崇拜誰，理由？
（或者不一定是崇拜，就是有你欣賞並且想要學習的地方）
爸爸．細細個已經崇拜佢．佢好犀利，好上進，默默耕耘，又孝順
Q45: 如果胡錦濤讓位給你...你想如何改造中國?
改返簡體字做繁體字 ，拆哂ｄ樣衰衰既建築（ｅｇ新葡京，漁人碼頭，金沙．．．），搬返走一半以上既賭場，俾返個位佢
Q46: 如果你坐在一個面朝大海的窗前，有一個寫字臺，上面有一張紙一支筆，你想寫給誰，寫些什麼?
唔寫野得唔得？或者俾我畫十二動物落去
Q47: 迄今為止，你幹過最尷尬的事是什麼？
大把．．．
講個我呢刻記得既其中一件啦，夜半係西門町趕巴士跑甩鞋，ｋａｋａｋａＸＤ
Q48: 假如能讓你選擇兩個日期(出生和死亡) 你會分別選擇哪一天 為什麼？
11月21幾好呀，唔揀ｌｕ～
死０個日，剩係唔想咁快者，起碼俾我玩夠先，至於日期，唔揀ｌｕ～唔想預先知
Q49: 你覺得曖昧是一種幸福嗎？
唔一定．大四０個段覺得曾有呢種感覺．但覺得係因為當時有某ｄ特定既限制條件所以先會咁覺得．返左黎澳門之後，唔識答勒．
Q50: 你覺得跟我認識是相見恨早還是相見恨晚？
唔恨晚唔恨早
Q51: 你被我點名的時侯,有咩感覺??
好野，有得玩．但玩到呢度．．．開始覺得．．．嘩～～～好多呀～～～～～
Q52: 可以變身的話希望變成什麼?
唔知變左隻ｃｄ我會係ｄ點既音樂呢
Q53: 你覺得男人跟狗這兩種生物，有沒有什麼差異之處？
有～不過咁無聊又麻煩，唔浪費腦力諗啦～
Q54: 你覺得呢個世界奸人多定好人多呢？咁點算好呀？
好人
Q55: 如果你有10蚊澳門幣會做d乜?
買野食．等我諗下而家想食乜先．．．如果而家俾０個１０蚊我，我會用黎買碗豆腐花同印尼小點心
Q56: 形容一下中國人
牛 ，但近年似乎係隻愈黎愈奸險兼貪小便宜既牛
Q57: 你覺得我有咩地方需要改善呢?
mill--記得唔好係小朋友面前講核突野啦,kakaka
yen--多放開自己啦,凡事別太計較囉,個人會開心d架
Q58. 記得我們怎樣認識嘛？情景是怎樣？形容下吧﹗
聽風casting.唔形容啦,你地都知既~
Q59. 想過一個怎樣的生日?
對我黎講首要既係人.我愛既人全部都係我身邊.
Q60. 想做靚女(仔)定想做一個叻女(仔)? 為甚麼?
想咋嘛~兩樣都想.
Q61. 你有沒憎恨過人?
有~不過似乎呢幾個人,而家已經冇乜感覺,唔嬲了.
Q62. 有無暗戀過人?
有~唉~仲幾乎次次都好失敗咁俾人睇穿哂添~
Q63. 如果要DEVOTE 一樣你最心愛的東西，那會是甚麼呢?
下...最心愛既野,我唔想devote播...唔devote得唔得呀?...
Q 64. 你覺得自己的將來會怎樣?
平平淡淡的幸福
Q65. 可以選擇的話你會選擇做男或女?為甚麼?
女仔，因為我最愛既圓頭平底鞋同半截裙.
Q66. 唔開心時會做咩，怎樣發洩？
發呆，打blog，打電話給朋友，食朱古力，係咁行行行行行
Q67. 你們的性格興愛好
性格:慢熱，內向，鍾意湊熱鬧，唔識講野，鍾意發呆，喜歡黏人．．．仲有乜野添呢．．你地講我知啦
愛好:發白日夢，做手工，聽人地對話，咬人（ｋａｋａｋａ）
Q68. 浪漫同現實主義你揀邊樣?
有得揀既咩．．．
Q69. 搵一首歌代表我同您, 你揀咩歌?
俾珍妮大導覺得我電話聆聲煩都係咁話架啦，我都係會揀返聽風首歌．代表的是一段回憶吧．這段回憶是讓我們從"默(突然唔記得點寫)"路人帶到變成兄弟姐妹的回憶
Q70. 最鍾意同最憎食乜野?
最鍾意...死勒，好多野添．．．忌廉焗薯蓉；最憎既係芫茜同紅蘿蔔蛋糕
Q71.你想去流浪嗎？自己一個定要人陪呢？會叫我嗎？
想．同大家一齊．已經叫左啦，ｋａｋａｋａ
Q72.如果我要離開呢度，你會對我做同埋對我講D咩?
會同你講:你要去邊呀?點解呢?一路順風.唔好唔記得我.
做:再陪你一齊去行下,去下你想去既地方
(因為我大四走０個年，我既朋友仔同學妹們都係咁俾左個好WARM既回憶我^(+++)^
好，到我加題目啦～
Q73.我有否曾經令你好嬲呢？乜野事件呢？ＫＥＫＥ
哇～73題．到我揀傳俾邊個啦～～～：
應狗仔４４要求，就 狗仔４你 啦
ＹＡＹＡＹＡ，快Ｄ玩
阿雞，你係咪未玩過，快Ｄ玩
熊貓珍妮，快Ｄ玩
阿薇．．．（雖則唔知你幾時先會見到，不過都點埋你啦），快Ｄ玩
傳給：阿４，ＹＡ，珍妮二，阿雞，阿薇
ＰＳ．＊＊＊＊＊記得仲有個上集（前２５題）架，都要答埋架（係前幾篇3月20日既網誌度）
April 5,2007
謝謝宜珮小東西
謝謝你都有在記掛著我,
去了澳洲,好好享受藍天白雲青草地^^
我已經能夠想像得到有個小東西戴著草帽穿著吊帶工人褲在草堆裡忙著的樣子了
對了,你還穿吊帶褲嗎?你穿吊帶褲真的好可愛^(+++)^
不想定標題，想不到，好麻煩
尋晚係外國人屋企睇碟訓覺
睇左"姨媽的後現代生活",睇左"不見"
傾左陣計(基本上我大部分在聽),訓既時候係6點?7點?
今天紅鼻子在文化中心上映,
沒辦法去,
只能怪自己腦袋不知道什麼構造
--4月4號跟4月4號不是同一天的條件下接下同樣跟文化中心有點關係的筆錄工作,
亂七八糟一團糟,我的腦袋,如果可以拿出來一條條梳理返有條有理既話幾咁好~
復活節了,
一切從新來過吧
April 2,2007
０４０２
昨晚我在幹嘛?
三晚沒法睡覺的natural high比酒精更不受控制
暈眩的感覺跟久遠的高中時期連續熬夜的狀態很相似，
這才驚覺高中時有年青的身體機能遮掩下，我竟然這樣虐待自己的身體連續幾十個幾百個三晚．
難怪腦袋現在這麼笨．
雖然有時候也會這樣natural high，
不過不知怎的我就是很討厭昨晚的自己
討厭你討厭你討厭你～～～～～～～～～～～～～～～～～～＞＜
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
因為外婆的關係，
細表哥回來了
今天我們一起去探外公，
沒想到，在他身上我很自然而然的用上了與動物們相處的應對模式，
不自覺的衝口而出，
撒嬌．
今天才發現原來他是親戚中讓我最自在的一個
偷偷的想，
我以後找的男朋友，也要（希望）像他這種的
讓人很舒服，又連長輩都真心的喜歡他
偷偷羨慕未來表嫂了
April 1,2007
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
