ceciceci_duck．　　＊　．　　　　．＊．　　．　.

"杜牙根"要點寫既呢？係咪呢個杜呢個根既呢？
突然被告知要杜牙根，
驚到我諗塊面已經青左．．話哂都係條神經黎架．．
人地話神經係最敏感既，乜痛物痛都係因為神經所以先感覺到痛．．
而家要拔佢出黎．．．
只覺得天旋地轉，無辦法想像到有可能會係點既程度既痛

訓底既時候，諗起小丸子，
係．．等我都黎分析下先．．
又突然諗起０個句好老土好行但我知一定好有用既話，
"唔開心又係過日子，開心又係過日子，點解唔開心咁去過呢？"
係．．條神經我橫又係要俾醫生拔出黎，豎又係要被拔出黎，反正都係０個個痛，點解我唔放鬆地"任由宰決"等自己痛等黎又舒服ｄ呢？

雖然打左麻藥，不過都開始有少少痛，
我諗緊黎緊最痛時即將會有幾痛呢？

噢，醫生夾住條白色好得意既物體俾我睇，我知道"噢，原來頭先０個下係最痛"，
再定過神黎個人返返黎，可能有多餘心神做左個表情，
醫生介紹"拿，呢條就係神經啦．話哂都係，見識下Ｙ嘛"
我諗我頭先一定係做左個"妖～人地鬼死咁驚．．你拔左出黎就咪鬼再俾我睇啦～ｄ咁既野．．"既欠打樣．．

又，可能因為我個欠打樣，醫生好快就拎返開佢，
而，我對佢就只有驚鴻一瞥
但係就好似定格咁，睇得好清楚，又記得好清楚，
原來係咁既樣架？幾靚喎又．．
比我想像中差好多，我以為好幼一條線咁既添，
不過隻白色又白得黎好靚兼唔令人噁心０個種白喎，
個形仲幾靚添喎
我知道有人咁唔好彩如果睇緊我呢篇文一定覺得我都真係有夠無聊痴線核突，
但真係好靚呀～所以我先覺得好想要寫低佢嘛
同埋我又想記低下０個種痛既發現
同埋．．

我居然發現，醫生夾佢俾我睇既時候，
我另外又分左心出黎諗起：
咦，原來係咁既感覺架？
小丸子本書寫，生完仔護士抱個ｂｂ去媽媽面前俾佢望下，然後抱返走．
Ｙ，唔知係咪一樣既呢？呀～原來就係類似咁呀？
然後我又好好奇於我居然係杜牙根既時候有呢ｄ咁既聯想
ｕｍ．．．反正係個唔錯既體驗
其實係咪應該感謝"我事前以為會痛到死"既預設呢．．．

不過當發現"咦，頭先０個下就係啦？"既時候，
我原本以為係前奏既一下，
呀，佢同以前既頭痛，簡直係蚊脾同牛脾，
所以雖然話哂杜牙根都唔係咩開心事，但我而家心情又真係好好．．