ceciceci_duck．　　＊　．　　　　．＊．　　．　.

今日又唔知醒起身...
不過好開心，今日一起身，陽光普照
人曬下太陽，個人會開心ｄ
（唔係我亂講架，唔知咩醫學報告講的，
不過就算冇醫學報告支持，其實自己都感覺到）
尋晚返新貨，開左林一峰隻一期一會黎聽
聽到改編自幾分鐘的約會既一期一會，
好自然而然地個腦即刻返返去中學既時候
時間，空間，感覺，真係仿如昨日，好真實，
仍然像重臨舊"時空"咁

放左學既晏晝四點幾五點
同同學係操場玩跳繩,傾計
每日到五點半左右，
就會聽到上面音樂室傳黎"幾分鐘的約會"既琴聲
0個陣每日都好期待五點半又有得聽
係Miss Lei每日係音樂室練完琴就會彈一次呢首歌
０個陣好鍾意聽，好好聽
尤其是係聖心既格局，一個四四方方圍住既空間入面
企係操場聽對面大樓４樓傳黎既琴聲好好聽

好想又有得放學去跳繩