Bômîa

這是應長老教會「新使者」月刊邀請所寫，一種新的嘗試，有在書寫過程中，更精準自己要表達的重點，因為台語畢竟是比共通與性質的華文更精確的語文阿，有許多華語(文)裡含含糊糊的語句，用台語(文)表達時就會出現問題，於是，從中更能整理思緒。

啊，寫台語(文)文章就跟用英語(文)寫文章一樣喔，最好不要用華文翻譯過來，而是一開始就以台語(文)或英語(文)的語法思考唷！

.......................................................................

個人行為按怎對抗地球發燒？

　

　　4、5年前tak-e iau koh 對Global Warming e 現象感覺真僥疑，甚至有作家寫小說，講che是政府、財團kap環保團體e聯合騙局。M-koh chit幾年來，氣候產生真大e變化，風颱變濟，一粒過一粒、若無to是應該落雨e時落無雨，應該反寒e時，koh chok燒joah、雨水期soah顛倒欠水，天地be輸顛倒peng，敢講是「人無照天理，天不照甲子」？

一直到chin，咱kam無發現行到toh long teh講 「減碳愛地球」？報紙thian開to是「減碳節能小秘方」，店頭減提供1個塑膠 lok-a ma會使講是teh愛地球（若講是節省成本khah有影）；企業界辦種樹a、騎腳踏車e活動，講是beh chhoa頭疼地球；政府、民間iah有人hoah講減食肉就thang醫好地球e病。

　　Tng當環保、綠色、愛地球，變chiaN人人掛ti嘴裡e話，甚至行銷手段、時行話語e時，咱ai koh khah 斟酌所謂「綠色」e意義；beh予地球mai koh燒 e 處方是toh 1帖 khah緊見效？

　　地球是按怎會發燒？因為空氣當中，CO₂ e比例增加，伊會吸收地球表面發散e輻射，進一步ka「熱(jiat)」放出來，溫度會toe leh chheng懸 ，chit e 現象致使氣候產生變化，天氣變燒joah；冰山溶去、海線變懸，theng好使用e陸地變eh；田園面積減少，農作物產量to po̍ah。食糧、水資源、漁貨等等e提供be穩定，續to引起國際間e經濟、社會問題。

　　人類生存e危機，taN是 beh按怎辦？主要e問題是出ti工業革命以來，人類所使用e生產機器、交通工具產生chok濟CO₂。

　　就個人來講， khah mai家治駛／騎車、續手切電火、種樹a等等，long會使減少地球裡CO₂ e量 ；m-koh，你敢知影所粒積、tauh tauh kheng 出來、節儉e CO₂，可能比be過重工業1工e排放量！kan taN 1個台塑企業就佔台灣1冬總排放量 e 4分1！

　　既然關鍵是ti CO₂，工業產生e koh 是其中e大宗， 所以 na beh ai kui氣，就是透過政策，定出減量時間表，總量限制工業e排放量。但是1寡國際大國並無願意做出改變，台灣 ma講家治m是京都議定書定約國，所以並無需要提出減量時程。前一站a行政院就提出1個無減量時間表 e「溫室氣體減量法」， 莫怪予人講是「溫減審舊版！環境輸thiam thiam！」

 

　　台灣細bong細，m-koh CO₂ e 排放是「一粒一」(一等一)，人口taN佔世界e 0.2%， CO₂ e排放量soah佔 kah 1 %，pin頭排是世界第12。咱個人所排出e CO₂是會tang佔joa濟？m-thang予企業行銷haN--去，soah be記 「改變高耗能、高CO₂排放」e產業結構，chiah是me-kak。既然Global Warming是已經走閃be去e代誌，量早調整產業方向，為行向低碳社會kiam-chhai khah實在。

　　個人e行為當然ma真重要，不而過恐驚boe赴飼，除起tap-tap滴滴ui生活做起；政策面e改變，beh按怎投入，聽起來ka-na chok 遠，其實咱會tang支持濟濟環保團體，chiah e工作者不斷ti環境教育、監督kap推sak法案、援助環境受難者e事工teh打拼。

　　咱台灣人m-thang 一方面想要入聯合國、koh再tng去國際社會，一方面soah用kati m是聯合國會員，來閃避減少溫室氣體(Greenhouse Gas) e國際責任，若準真正有國際視野kap氣度，應該積極制定有明確減量目標kap時間表e「溫室氣體減量法」，chiah小可會tang 回應chit e已經發燒e地球。