Bichhin｜港邊惜別

你敢會有tsit款感覺？失落、憂悶，彼个因段是為著，你kap你曾經siōng好ê朋友，無話無句。

知影伊tsit陣過了真充實，甚至是比你所向望koh khah早一日入佇信仰ê環境，予你淡薄仔欣慕，suah是無tsiam然認同。可能是出佇伊彼篇替KMT候選人祈禱ê文章吧。

無法度接受、猶無法度接受無法度改變伊認同ê事實。拄tsiah kap朋友講起，過去濟濟台灣學生出去佇海外，tsiah知家己是台灣人，思想意識tsiâu改換ê例。時代變lah，濟濟台灣學生，出去佇海外，無彼當時ê政治氣氛，mā真致覺家己是台灣人，甚至koh有某一款"神聖"ê台灣認同佇內面，毋koh，無法度接受伊替一个無beh承認錯誤、猶koh用霸權ê殖民主心態teh統治台灣ê黨，祈禱伊會當"領導"台灣人。

但是，上帝應允伊ê祈禱。

敢是上帝毋是應允，是台灣人猶佇試煉kap懲罰ê階段？

Mā泛勢我家己ke想，生命毋若án-ne niā-tiānn，佇彼个無話無句ê中間，kiám-tshái我猶未學著上帝beh予我ê啟示。