Bichhin｜港邊惜別

Kin-á-ji̍t (1126) kap pêng-iú tī Tâi-tāi (台大) hù-kīn chia̍h-pn̄g chia̍h soah, beh kiâⁿ khì chē chhia tńg-lâi Sin-tek (新竹) ê sî, keng-kòe (經過) bó· chi̍t-keng tiàm (店), thiaⁿ-tio̍h孫燕姿ê〈天黑黑〉 (Thiⁿ-o·-o·)(連去專輯；連去MTV), chin kú bô thiaⁿ, chiok siàu-liām(懷念). It-ti̍t lóng chin kah-ì chit-tiâu koa(一直都很喜歡這首歌), chiok kah-ì, ū chi̍t-chióng kiâⁿ bē tńg-khì, tām-po̍h-á pi (悲) ê bí-kám (美感), koh m̄-taⁿ (不單) sī hiong-chhiû(鄉愁) nā-tiāⁿ (而已), phì-jû kóng ūi-sím-mi̍h sī/chí-ū gōa-má chiah ē-hiáu chhiùⁿ 〈Thiⁿ-o·-o·〉? (譬如講為什麼是／只有外婆才會曉唱天黑黑？) . Siūⁿ-tio̍h teh kap pêng-iú thó-lūn tio̍h「Gí-giân thàu-lām」(語言透lām；混語) ê būn-tê, sui-bóng sī chi̍t-tiâu chêng-koa, m̄-koh, ài-chêng pún-lâi tio̍h-sī chèng-tī, chèng-tī iā-sī chi̍t-khóan ài-chêng. (愛情本來就是政治，政治亦是一款愛情。) Ia̍h, tiàm-tī si̍t-bîn-tē (殖民地) ni̍h, gí-giân liû-si̍t ê thêng-tō· mā chhiūⁿ chit-hō kám-chêng ê sêng-hun. Thiⁿ-o·-o·. (語言流失ê程度mā像這號感情ê成分，天黑黑。) 

天黑黑　欲落雨　天黑黑　黑黑

（Thiⁿ-o·-o·, beh lo̍h-hō·. Thiⁿ-o·-o·, o·-o·.）

ps. 孫燕姿ê seⁿ-ji̍t kap góa kâng chi̍t-kang. J