2006-11 月份文章 顯示方式:簡文 | 列表

November 27,2006

【天黑黑】混語心情

Kin-á-ji̍t (1126) kap pêng-iú tī Tâi-tāi (台大) hù-kīn chia̍h-pn̄g chia̍h soah, beh kiâ khì chē chhia tńg-lâi Sin-tek (新竹) ê sî, keng-kòe (經過) bó· chi̍t-keng tiàm (), thiaⁿ-tio̍h孫燕姿ê〈天黑黑〉 (Thiⁿ-o·-o·)(連去專輯連去MTV), chin kú bô thiaⁿ, chiok siàu-liām(懷念). It-ti̍t lóng chin kah-ì chit-tiâu koa(一直都很喜歡這首歌), chiok kah-ì, ū chi̍t-chióng kiâ bē tńg-khì, tām-po̍h-á pi () ê bí-kám (美感), koh m̄-taⁿ (不單) sī hiong-chhiû(鄉愁) nā-tiāⁿ (而已), phì-jû kóng ūi-sím-mi̍h sī/chí-ū gōa-má chiah ē-hiáu chhiùⁿ Thiⁿ-o·-o·〉? (譬如講為什麼是/只有外婆才會曉唱天黑黑?) . Siūⁿ-tio̍h teh kap pêng-iú thó-lūn tio̍hGí-giân thàu-lām(語言透lām;混語) ê būn-tê, sui-bóng sī chi̍t-tiâu chêng-koa, m̄-koh, ài-chêng pún-lâi tio̍h-sī chèng-tī, chèng-tī iā-sī chi̍t-khóan ài-chêng. (愛情本來就是政治,政治亦是一款愛情。) Ia̍h, tiàm-tī si̍t-bîn-tē (殖民地) ni̍h, gí-giân liû-si̍t ê thêng-tō· mā chhiūⁿ chit-hō kám-chêng ê sêng-hun. Thiⁿ-o·-o·. (語言流失ê程度像這號感情ê成分,天黑黑。) 

天黑黑 欲落雨 天黑黑 黑黑

Thiⁿ-o·-o·, beh lo̍h-hō·. Thiⁿ-o·-o·, o·-o·.

ps. 孫燕姿ê seⁿ-ji̍t kap góa kâng chi̍t-kang. J

...繼續閱讀

Posted by bichhin at 1:48回應(0)引用(0)自由夢

November 20,2006

【Koibito】愛kap意志

Chū-án-ne, góa piàn-chò chi̍t-ê am-khàm chin chē pì-bi̍t(秘密) ê lâng. Chi̍t-hāng goân-in sī té chin chē lâng ê pì-bi̍t, put-chì sī sin-piⁿ ê pêng-iú, koh ū chē-chē iáu bô ki-hōe hông khoàⁿ-tio̍h ê bûn-jī, kó·-chá-lâng ê pì-bi̍t; koh-nā sin-piⁿ ê lâng, khah chē sī chi̍t-kóa sīu-siong ê sim-chêng, sīu-tio̍h só·-ūi “Chèng-gī”(正義) ê lâng siong-hāi ê sim-chêng, hiah-ê kì-tì tī in chit-sì-lâng lóng hú-bē-tiāu, tī góa mā sī. Tio̍h chhiūⁿ sè-hàn lâu-lo̍h ê to-hûn(刀痕), bē-thiànⁿ, ū chi̍t-ji̍t, kì-tì gîa khí-lâi, ná chhiūⁿ ū sî-kan ê hoe̍h tiām-tiām teh lâu.  

Chêng chi̍t-chām khòaⁿ Rollo May ê “The Courage to Creat” (創造的勇氣),  che-sī ū chi̍t-piàn khì Lâm-chng (南庄) chhōe chi̍t-ê gē-sut-ka Sèng Chèng-tek (盛正德), i ū sía-kòe chi̍t-pún chheh, hō·-chò以畫療傷:一位藝術家的憂鬱之旅 , góa chin pòe-ho̍k i ê ióng-khì kap i chin iù-lō· (細膩) ê sim-kéng. Hit-ji̍t tī in chhù khoàⁿ Eleni Karaindrou(安哲羅普洛斯) ê “Eternity and a Day” (Éng-oán ê chi̍t-kang; 永遠的一天) , tú-hó Sèng lāu-su kóng khí Rollo May(羅洛‧梅) chit-ê sim-lí tī-liâu-su (心理治療師), tio̍h-sī án-ne, góa chiah-ē khì khoàⁿ Rollo May e chheh. Liáu-aū góa koh khì khòaⁿ Sèng lāu-su sàng góa ê oē-chheh (畫冊) , lāi-bīn ū i ín-iōng Rollo May ê ōe : 「有創造力的人最特別的地方,是他們能與焦慮一起生活,他們甚至願意付出很高的代價,如身陷不安全感、過度敏感與無招架之力的困境,只是為了獲得『神性的瘋狂』這項禮物。他們看到『非有』時,不會跑開,反而要上前遭遇它,與它搏鬥,強迫它產生出『有』。」góa mā kā chit-kù-oē sàng hō·Thiⁿ-sài(天使).  

Chòe-kīn mā lóng teh khòaⁿ i ê chheh, chin-chhiūⁿ sī “Power and Innocence : a search for the source of violence”(權力與無知). kî-tiong siōng kah-ì ê sī “Love and Will” (愛與意志i ùi chi̍t-khóan o·-àm kap kong-bêng tang-tiong, iōng chin lí-sèng koh kám-sèng ê chhiú-hoat khí ké-soeh lâng ê jio̍k-tiám án-choáⁿ sán-seng, hō· lí ke chin liáu-kái ka-kī, hō· lán ê Aì kap Ì-chì bē in-ūi sî-tāi ê hun-liat soah thiah-lī, hō· lâng tī tiông-sin jīn-sek Aì kap Ì-chì ê tiong-kan, chìn-chi̍t-pō· koh chhòng-chō chhut lēng-gōa chi̍t khóan sin koh chiàⁿ-bīn, liāu-sióng bē kàu, chin tōa ê le̍k-liōng.

Lâng pún-lâi tio̍h ū o·-àm ê chi̍t-bīn, ū chin chē pì-bi̍t, éng-éng sī m̄-káⁿ bīn-tùi khah chē. In-ūi sèⁿ-mīa éng-éng tio̍h(必須) / tio̍h-sī(就是) chiah-nih bí-hó, in-ūi iáu koh siūⁿ beh kái-piàn, in-ūi kài-chío koh khak-tēng ka-kī ê sèⁿ-mīa iáu-ū ióng-khì, jia̍t-chêng iáu-bōe sio liáu, koh ū khùi-lat tùi hi-bāng ê hong-hiòng kiâⁿ khì, chai-iáⁿ chiām-sî bô hoat-tō· kái-piàn, mō·-tio̍h tūi-lo̍h ê gûi-hiám, chū-án-ne, ka-kī mā piàn-chò chiok chē pì-bit, tû-khì tī pì-bit tiong koh khah jīn-sek ka-kī, mā teh ha̍k-si̍p kā pì-bi̍t lâu-tī sim-koaⁿ lāi.


Posted by bichhin at 20:44回應(4)引用(0)戀愛夢

November 15,2006

【林強】娛樂世界,Seⁿ-jit Khoai-lok

M̄-sī ūi-tio̍h beh koh siat chi̍t-êKha-la̍h OKchiah chhòng chi̍t-ê blog, put-kò, chia mā sī chi̍t-ê pàng koa ê hó só·-chāi. Lîm Kiông ê「娛樂世界」(Gô·-lo̍k Sè-kàikî-tiong hit-síu「愛情研究院」(Ài-chêng Gián-kìu-īⁿsī ta̍k-ê lóng chin ài ê, chòe-kīn góa ê sek-iú(室友)tú hó teh thiaⁿ chit-tè choan-chip, góa mā koh theh-khí-lâi têng thiaⁿ, tia̍t-pia̍t sī chit-síu Happy Birthday, í-chêng tio̍h chin kah-ì. Iû-goân sī góa siōng ài hit-khoán chin「浪漫外紀」(Lōng-bān Gōa-kìê hong-keh kap khùi-kháu, chiah-nih bê-lâng.

...繼續閱讀

Posted by bichhin at 1:10回應(1)引用(0)青春夢

November 11,2006

【Courage】Iáu無離開傷悲ê勇氣

Koa̍t-tēng 1 hāng tāi-chì su-iàu chin tōa ê ióng-khì. Chit-chām-á lóng tī tiû-tû ê chōng-hóng lāi-bīn. Hit-khóan chêng-hêng tia̍t-pia̍t tī 1 ê lâng ê sî-chūn koh jú chām-gâm (more than嚴重). Ū tang-sî, ná chhiūⁿ teh siūⁿ sím-mi̍̍h, soah koh thâu-khak bē tín bē tāng. Tùi 1 ê kāu bîn-bāng, put-sî ài iōng su-khó chèng-bêng chûn-chāi ê lâng lâi kóng, khang-khang ê kám-kak khó-pí sī sí, ū-hûn bô thé. Tiû-tû ē hāi sí chit-ê lâng, chhíu-tōaⁿhō· i bô-hoat-tō· su-sióng.

Tú thak tio̍h 1 pún Hui-chiu ê sío-soat, Ben Okri sía ê The Famished Road (飢餓之路) ,(王維東譯序) lāi-bīn 1 kù ōe chiok chhim-khek: Ài pí sí khah oh tit. (愛比死更難) Hit-kù ōe chhut tùi chú-kak ê papa ê chhùi-ni̍h. In-ūi tĪ hit-ê kok-tō·, chha-put-to “Sàn-chhiah”(貧窮) sī sìⁿ-mīa ê choân-pō·, beh “Sí” chin kán-tan, beh kiù chit-ê kāu-pēⁿ ê gín-á tio̍h ài ū chin tōa ê “Ài”, in-ūi  “Ài” kà lâng tio̍h iōng-chīn khùi-lat hù-chhut i̍t-chheh, bô-lūn tāi-kè, si̍t-chāi khùn-lân.

Che kap góa ê chōng-hóng ū sím-mi̍h khan-liân? Ū, in-ūi kám-kak ka-kī bô “Ióng-khì” thoat-lī siong-pi, kìⁿ-chāi i teh “chìu”(腐蝕) ka-kī ê jia̍t-chêng kap su-khó.

Ài pí sí khah oh tit. Sàn-chhiah ê lâng bô hoat-tō· soán-tek in ê chhú-kéng, in tio̍h-bôa ê kan-taⁿ sī sin-khu, ia̍h lán leh? Ū lâng kóng, “Siōng tōa ê Sàn-chhiah sī Tham”(貪婪是最大的貧窮), tio̍h-bôa ê nā m̄-sī sin-khu, mā pí sí khah oh kòe.

The Famished Road chit khai-sí án-ne sía: 一開始有條河。後來河變成了路,路再向整個世界四處延伸。因為曾經是河的緣故,路老是餓著肚子。Chiok súi. Che sī chit pún Mô·-hoān sía-si̍t (Magic realism) ê Hui-chiu sió-soat, iōng sîn-kòai ê sía-hoat khau-sé (irony) Si̍t-bîn, sía chhut hit-tè O·-sek thó·-tē ê Kim-sek hi-bāng ê sío-soat. Chin si-ì (詩意), mā in-ūi su-liām ê iân-kò·, chin chē bûn-jī thak-khí-lâi lóng chhiūⁿ teh thak À-chêng sío-soat ê sim-chiâⁿ.

Ū 1-ji̍t hām ti-ti kóng tio̍h ma-ma, ōe-kù tang-tiong, hoat-hian ka-kī kong chhut chit-kù-ōe: góa kám-kak ma-ma sit-khì “ài lâng” ê lêng-lek. Kóng soah, góa tī sim-lāi chhiak 1 tîo, nah ē án-ne? ná ē án-ne? góa mā chiok kiaⁿ ū 1 ji̍t ka-kī mā piàn án-ne. Aū-lâi, koh iōng chit-khóan siūⁿ-hoat sòe-hok ka-kī: Chí-sī iáu-bô lī-khui siong-pi ê “Ióng-khì”. (猶無離開傷悲的勇氣


Posted by bichhin at 16:47回應(0)引用(0)戀愛夢

November 8,2006

【期待2007】攏是為tioh愛e緣故。

Khui chit-e sin-siu, si ui-tioh koh khah bi-ho e bi-lai.(開這個新岫,是為著koh較美好e未來。)Chia beh iong goa u-chit-tiam-a chhiⁿ-hun,(Chia beh用我有一點仔生份,)m-koh koh hiah-nih sek-sai e gi-gian,(m-koh koh遐呢熟悉e語言,)ki-lok goa siong chhim-khek kap hi-bang e sim-cheng.(記錄我上深刻kap希望e心情。)I-au , kui 10 ni i-au, na u lang mng khi, si an-choaⁿ e “an-ne”,(以後,幾10年以後,若有人問起,是按怎"安呢",)goa kho-leng ma bo ki-hoe ke-soeh,(我有可能嘛無機會解釋,)m-koh, goa e ti leng-goa chit-e sou-chai bi-bi-a chhio,(m-koh,我會ti另外一個所在微微仔笑,)kong, “Long si ui-tioh ai e ian-kou”.(講,"攏是為著愛e緣故"。)


“Long si ui-tioh ai e ian-kou”("攏是為著愛e緣故")
Chit-ma tioh beh khai-si chun-pi.(Chit-ma著beh開始準備。)Ti chia e sia khah che pi-bit e taichi,
(Ti chia會寫較濟秘密e代誌,)
ma hi-bang etang khoaⁿ tioh "ì-gōa" e pi-bit:)(嘛希望會凍看著"意外"的秘密。^^)


Posted by bichhin at 1:12回應(0)引用(0)青春夢

November 7,2006

【留話簿仔】自由e開聲練習

留話簿仔無限定語言文字,想beh講siaⁿ就寫siaⁿ;
beh練習「寫母語」、「講秘密」嘛真歡迎:)
...繼續閱讀

Posted by bichhin at 14:40回應(9)引用(0)自由夢
 [1]