March 25,2008
【台語詩】你講你欲退休：寫予詩人吳晟
關於選後，timo這篇〈會不會有一天，台灣〉長文寫得最中肯實在，值得一看。就像他說的：「原來，當主人的意思，就是比奴隸更卑微地，連自己的理想，都要放棄。這是什麼道理？」、「國民黨這次選得多容易，就表示民進黨有多爛。」、「投票，選舉，投民進黨，並不是唯一的，改變社會改變台灣的方法。」、「機會給過了，實驗證明，投民進黨上去，根本不會比較愛台灣。」...
我們都得到教訓了嗎？吳晟老師在選前寫了這篇〈我的憂心〉，之前也猶豫要不要貼，因為看了的確很心疼。心疼的是，我們如此愛台灣，而民進黨不僅失了理想，辜負了台灣人終極的期望，更讓以生命奮鬥一輩子的前輩們如老詩人吳晟拖著老命為他們贊聲，情何以堪？
國民黨贏了，而更多的台灣人輸給貪婪。很多想法暫時無法寫出來分享，就用這首寫給吳晟老師的詩，發發空虛的牢騷。當然，哭過了，明天，還是要面對陽光。該是另一股「非二元對立」的力量起來之時。
這幾年，我越來越不爽用那框架我們的思想的漢字寫詩，但全沒了它也暫時還不行。倒是，請容我再次三八假賢慧地自己念了起來。真的有興趣再聽吧。背景音樂是〈母親台灣〉（詞：周馥儀；曲唱：吳易叡），收於2003年511台灣正名概念專輯《阿母e奶》。（看詩聽聲音，請按繼續閱讀） ...繼續閱讀
January 8,2008
【台語詩】祭，高雄神社
（照片都是易澄拍的；《乍見城市之光》中也有易澄的詩）
我很喜歡高雄，小時候常去高雄玩（以前的小朋友常驕傲的說某某親戚住台北，我常說我幾個姑姑都住高雄）；曾在高雄住過兩個月，嚴格說來是，第一個月住小港，第二個月住鳳山。住小港同學家時在鳳山園藝試驗所實習；住鳳山姑姑家時在林園一家日本綱鐵公司打工。那是念嘉農時的某個暑假。也快十年的耶^^（對了，特別提一下，我們家人講「高雄」和別人不太一樣，大部分都講「Ko-hiông」，我們都講「Ko-iông」。）
對高雄的印象已經模糊，在前年幫清文阿姨編小說集時，才重新從一些小說片段（加上10的照片）了解高雄。去年受邀以詩書寫高雄（似乎是一個人寫一個地景），透過史料了解高雄神社。總之，這首詩收在詩人局長路寒袖主編的高雄文化局策劃出版的《高雄經驗．城市閱讀》其中的詩集《乍見城市之光》，另外兩本是比觀光手冊還豐富的《高雄行旅導覽》和有濃濃藝文氣息的《散文高雄》。
高雄這幾年在路寒袖老師擔任局長任內，出版很多書，辦了很多藝文活動，把高雄的氣質和味道變得很不一樣，我要向路老師多多學習^^。（嘻，熟識我的人都知道我有個小而美的痴人夢想，就是當嘉義縣文化局局長，哈…真的很愛做夢吧，哈！）
很久沒寫詩，寫得很是生硬，看看電腦裡的歸檔，一年不如一年；除了數量和以前比少得誇張，內容好像都不是很陽光:p。該加油了！ ...繼續閱讀
February 3,2007
【台語詩】民主聖地：寫予嘉義，1947
每年會為二二八寫一首詩。這是對自我，除了歷史，還有語言，以及詩的期許。萱萱跟我說，這種有ABC的東西，其實會讓人不太想看，呵呵。感謝她的提醒，所以繼「菸紙：寫予潘木枝醫師」之後，大家會聽到我一年比一年老去的聲音，用照相機錄的，不要再嫌了。（PS.背景音樂叫「香味」，美親的詞，也是易叡的的曲和聲音。下次再來播。倒是因為長時間合作上有默契就習慣了，有一陣子，我和馥儀都很擔心走在街上會被易叡的女粉絲追殺或「khàm布袋」^_^。）
==============================
想beh hiàm恁起來。問恁，按怎tsia號作「民主聖地」？
Tsit-tah新厝koh開始teh徛；hit-tah舊宅，已經拆beh一半。Ta̍k日有車有人，搬搬徏徏。Kàu過你ê身軀、伊ê頭殼額；踏tī你ê倒手、伊ê正腳。若無細膩，huān勢，恁亦會感覺tio̍h疼。
想beh hiàm恁起來。問恁，「民主聖地」埋toh一tsūa？
恁無話無句、bē震bē動。Hông笑是khah輸路邊ê有應公廟，siōng無明牌mā會加減bóng報。我杯kā提起來跋，講恁tio̍h有靈有聖，恁suah kan-nā倒踮khàm蓋ê 大路溝，連tńg身tō hiah貧憚。按呢，thài有人會記恁tī hit冬，為tio̍h啥代，無計較輸贏；為tio̍h啥代，愛用性命tshia拚？
想beh hiàm恁起來。問恁，「民主聖地」生做啥款？
恁ê衫墨tio̍h啥物色水，敢講一tàu bē拄好，tō註定無thang替換？tī厝ni̍h等恁ê人，koh是卡tio̍h啥物lâ-sam？怹為tio̍h維持清氣，甘願放棄記持、假影kap恁生份、當作無hit寡暝日，甚至，啞káu kui-ê甲子。
想beh hiàm恁起來。問恁，「民主聖地」到底gūa闊？
「民主聖地」ê北pîng猶原有雨，「民主聖地」ê南pîng猶原燒熱。「民主聖地」ê西pîng永遠倚海，「民主聖地」ê東pîng永遠靠山。恁iáu是按呢，無話無句、bē震bē動。賰我手ni̍h ê冊teh話，講hit冬，自由斷絕，青春làng縫；恁iáu是倒踮hit塊無風無搖ê土腳，民主，ná像思念，suah m̄知會凍，koh想tio̍h啥人。
...繼續閱讀
February 11,2006
【台語詩】菸紙：寫予潘木枝醫師
（照片：左為潘木枝醫師青年時代照片；右為潘醫師之子，潘英三先生。）
你永遠囥佇內底，就算菸盒的菸味漸漸過。你徏轉來彼時，真濟人認袂出你生份的面，有的偷偷teh問，有的恬恬議論，無聲的日子，菸盒替你掩嵌秘密。
菸已經為市民點盡，彼工早時的中山路頂，人擠kah密密亦是空虛。了後，無閣看著你四界往診，散赤人毋敢閣凊采破病，歸個嘉義歸個春天，變kah冷冷清清。
菸盒予歷史壓平，賰一張稀微的紙。紙的正面花花，芎蕉菸的模仔印佇流轉的年代，煞予時間卡踮車頭，袂記交替；紙的倒面狹狹，寫無夠位，故事交代無離，筆水，早就無色。一張薄釐絲的紙，隔開兩種國度的人生，隔開兩粒赤焱的日，隔開熱度退燒的愛情。
你的身世，就賰這張破碎的紙，簡單註解意志，講你猶原相信，講你感覺光榮，講你欲一直陪伴這個絕望、變款的城市。你的秘密，就賰這張處方的紙，怹講，這是最後一遍，換你替家己開藥單，做仙，就袂閣有艱苦、病痛。
...繼續閱讀August 24,2005
【台語詩】點菸--寫予阿公
你ê儌腳真久無來行踏
我調工為你備辦ê石桌變kah真阨（çh）
賰一款la-sam色緻，歸畷歸畷（chöa）。
你ê後壁溝予niáu鼠chông kah
一孔一隙（khiah）
雨來ê時無一塊位通好宓（bih）
身澹、面濕，亦袂震袂動。
你敢是看著星光變kah真大葩？
風對山ê彼爿透過來
我親像感覺著你ê掌頭仔，猶原
直直chhoah，直直chhoah。
既然改袂掉
我著koh替你點一支菸
昨暝你恬恬無話
干單目睭金金kä我看。
既然改袂掉
予我koh替你點一支菸
你定著袂慣勢二手ê
chit遍，有我chham你作伙
哱kah天光。
2005/08/24
請用mozilla瀏灠，安裝「Taiwanese Package」軟體，看較濟台語文：）
...繼續閱讀May 6,2005
【台語詩】失語症
母親節前夕，舊作重貼，以慰無法回家陪媽媽過節的苦悶。另，此詩「漢羅版」刊載於2005年5月03,10日的海外《台灣公論報》「蕃薯園」台語文專欄。
------
【台語詩】失語症
（之一）
若是會使
我想欲講出秋天的白膠香
會漸漸轉紅
（摻著甜蜜，凝著淡簿青冷
親像愛情的色彼款）
若是會使
我想欲講出冬節的月光
無咱所想的遐呢稀微
（掛佇天邊惦惦等待
春天的腳步若來
伊歡喜，是頭一個知）
不貳過，我煞攏講袂出來
嘴底空空，嚨喉無法度振動
失去嘴舌的彼個下晡
我四界向人問路
用倒手比出熱情圓箍
用正手畫出一幅故鄉的圖
只是，閣有厝瓦還袂補
閣有壁紙還袂糊……
天色反烏，這個國度
怹講，繼續唱寂寞的戀歌
橫直，春天若來亦是無聲。
...繼續閱讀April 24,2005
【台語詩】皺痕（Jiâu-hûn）
你講：「寫一首詩hō·我。」
用蓽循ê表情。我恬恬
將舊相片ê色水渚tī腦裡
想欲kā未來提早khám-khiat8
我用目睭問看期限
你，煞亦恬恬。
風刮日曝，攪擾面肉
你總算koh輕聲叫我ê名
聲裡thàu-lām臭餔味
又將你ê笑容酸sīⁿ過
逐循逐痕ê密度直直chhèng懸。
March 13,2005
【台語詩】洗--寫予尪姨
禮，佇百冬前的某一個九日
已經曝礁。毋免閣洗。
新屍與草蓆同齊埋佇風化層
繼續練習，著猴的動作
起痟的笑聲。
無啥物通好洗。水
早就攏總獻予神
作伙搬苦戲的查某人
徛亭起來閹割哀傷
已無珠淚通閣敬祭彼個神
February 16,2005
【台語詩】落雨彼日
【台語詩】落雨彼日--為二二八罹難者寄未亡人
落雨彼日，天氣恟恟反冷。田頭圳水無巡，田尾稻花袂媠；菸才剝離，稻期接續，日子免閣疏開。
日頭著還袂落山，那會看無田岸，找無依偎？我無張無持跋入路溝，佇落雨彼日。雨水沃澹路燈，點燾的菸骨猶袂燾盡，怎樣這個黃昏，比一般時過了較緊。
敢是眠夢？若是，安怎袂有清醒。我看著鋤頭變作槍尾刀、圳水溪水轉濁；菸葉稻花染著紅、雞仔鳥仔亦袂赴走閃。
彼日了後，月娘就惦惦毋走，據在風透、無管雨刮，徛佇天邊，陪汝聽候。
已經袂記得菸味，煞親像有鼻著汝煮暗頓的芳氣，只是我的雙腳伸攏袂直、兩蕊目睭撐攏袂開。請免替我驚疑，佇溝底有真濟人作陣；汝睏袂落眠的時，我攏會轉去看汝。
...繼續閱讀【台語詩】春花夢露--寫予陳澄波
花欉密接，映望逐蕊新芛
攏會使自在開展春天
澄清的露水含著光
虔誠聚集佇葉心
無意故彼個透早遐呢早
日頭出了比永過赤焱
諸羅城南，油彩還袂繪出風景
散徛的作實人、厝鳥仔、被單
有時雨水沃澹棕簑
廟口予過路人暫歇
嘉義街外，定著有所在藏一蕊目睭
欲看透殖民統治，直直畫去
電火柱、路燈、警察
好天時隨風飄起的短衫……
天頂定定是佮土跤遙遙相望
佇畫冊一角，生份的文字
像壁癌仝款，記憶我的印象
霧霧茫茫的1947年春天
你手無閣夯輕巧的彩筆
煞揹著五角形沉重的白柴牌
色水袂凍隨意湠開
一時間凝作憤怒的眼神
嘉義人目睭金金看向熟悉的你
你亦目睭金金看向每一位
熟悉的嘉義街景
噴水池與車頭連作一線
巡一輪了後，油光已經無法度閣
反射你的浪漫佮熱情
花欉密接，攏在陣陣槍聲中萎去
紛飛的柴枝找無時節
殘體刻印佇城中予人行踏
澄清的露水含著光
煞予無底的蠅蠓吸礁
彼暝遐呢仔長
嘉義人當作是一場惡夢
（圖：陳澄波自畫像）
![[Syndicate this site]](http://blog.roodo.com/_img/rss.gif "Syndicate RSS feed"){kind=small}
![[Syndicate this site]](http://blog.roodo.com/_img/atom.gif "Syndicate ATOM feed"){kind=small}
