荒蕪別坵穡

別人的blog攏直直update，我koh停佇「舊年」。最近真無閒，生理時鐘亂了了，到昨暝稍khoá到一段落。雖然代誌總是積作伙，不過這禮拜心情攏真好。毋知leh暢(thiòng)啥？（定定足忝(thiám，累)，但是猶原笑微微^^）

調工kap老師約聚會的時間交進度，有予家己壓力就較積極，若無毋知欲拖到tih時。昨暗所裡聚會，老師學生攏啉真濟，了後koh去Holiday續攤，啥物歌攏唱，因為亦有中國教授來，特別點鄧麗君〈小城故事〉、〈我只在乎你〉…（歹勢，若欲唱京劇，真正是袂曉啦），位〈阮若拍開心內的門窗〉、〈星星知我心〉、〈黃昏的故鄉〉（所長特別koh解說歌的歷史予中國教授聽）、〈對你愛不完〉、周杰倫、李聖傑、李心潔、張惠妹、張紹涵……連顏志文〈亻厓教你唱山歌〉都出來啊。唱到逐家攏「lian去」（枯萎）……，上歡喜的是，平常上課談學術、講文學（無chiah嚴肅啦。有時仔亦會話○○、罔痟亂），三不五時亦著nice一下啦。其實，生活就是按呢啊 ！