荒蕪別坵穡

資訊爆炸ê時代，少年人ná來ná少看平面刊物，尤其「字」愈濟ê愈無銷。像我真濟訊息tō是逐工開電腦來ê。新聞無報ê，網路kài濟；網路ā有意識型態，若是「過頭有ê 無ê 」怹無beh mā你報，chín當時行(sî-kiâⁿ) ê「blog」（部落格）就不時有人會掘(kut)寡奇奇怪怪ê hō·你bóng鼻芳(phīⁿ-phang)。

資訊爆炸的時代，年輕人越來越少看平面刊物，尤其「字」愈多的愈沒銷路。像我很多訊息就是每天開電腦來的。新聞不報的，網路很多；網路也有意識型態，若是「太無趣的」他們也不會報，當前流行的「blog」（部落格）就不時有人會挖一些奇奇怪怪的讓你隨意「聞香」一下。

Iah可能你真ài掀雜誌，mâ-koh hoān勢你歸世人tō無機會去掀chit-hō雜誌，因為伊不止--á「不入流」，意思是連「非主流」iā無通表達伊卑微ê地位。講起來m是啥麼「好康」，iáu是感覺tioh報你知；因為真濟ná像mā真卑微ê人tī chia，重新照看家己尊貴kap尊存ê性命。　

而可能你很愛翻雜誌，但是或許你一輩子都沒機會去翻到這種雜誌，因為它極其「不入流」，意思是連「非主流」也無法表達他卑微的地位。說起來不是什麼「好康」，仍然覺得一定要讓你知道；因為很多看似也很卑微的人在這裡，重新看見自己尊貴且值得尊重的生命。

寫《虱目仔ê滋味》ê清文tō是一個例；iah我，koh是另外一個無意中tī chit-hō雜誌，看tioh伊尊貴kap尊存ê性命ê人。Chit款雜誌其實bōe少，不過若無管路是真oh（難）看tioh。

寫《虱目仔ê滋味》的清文正是一個例子；而我，又是另一個無意中在這種雜誌，看到她尊貴且值得尊重的生命的人。這種雜誌其實不少，不過若沒管道就很難得看到。

Chín beh紹介ê雜誌，是清文一寡小說發表ê所在：《台文罔報》（Tâi-bûn Bóng-pò）。簡單來講伊ê沿革。《台文罔報》tī 1999年1月創刊，是海外《台文通訊》tī台灣ê姐妹刊物，lóng是九○年代尾期台語文學運動kek(極)重要ê刊物，不過性質有差。1995年洛杉磯《台文通訊》讀者聯誼會轉型作「台文寫作會」，台文作品已經有相當粒積，《台文通訊》在台聯絡人陳豐惠kap陳明仁等人參詳，應當koh創一個kap tī海外發行、政論意識性khah強ê《台文通訊》無仝ê刊物；《台文罔報》是以加強台語白話字閱讀(oat-thok) kap書寫ê推廣以及提升台語文學性，所來創刊ê。發起人兼編輯是陳明仁、陳豐惠，呂子銘任社長，發行人是廖瑞銘，強調台語tī新時代tioh以「專業、文學、活潑」ê面貌呈現。起初以「罔報」為題，是beh hō· khah濟人輕鬆熟悉台文、來試練書寫台文，幾冬落來m-nā讀者群、創作者增加，koh累積bōe少優秀ê作品，培養濟濟台文作家。

現在要來介紹的雜誌，是清文部份小說發表的地方：《台文罔報》（Tâi-bûn Bóng-pò）。簡單來說它的沿革。《台文罔報》於1999年1月創刊，是海外《台文通訊》在台灣的姐妹刊物，都是九○年代後期台語文學運動極重要的刊物，不過性質不同。1995年洛杉磯《台文通訊》讀者聯誼會轉型為「台文寫作會」，台文作品已有相當累積，《台文通訊》在台聯絡人陳豐惠與陳明仁等人商議，應再發刊一個與在海外發行、政論意識性較強的《台文通訊》不同的刊物；《台文罔報》是以加強台語白話字閱讀與書寫的推廣，以及提升台語文學性因而創刊的。發起人兼編輯是陳明仁、陳豐惠，呂子銘任社長，發行人是廖瑞銘，強調台語在新時代應以「專業、文學、活潑」的面貌呈現。起初以「罔報」為題，是要讓更多人輕鬆認識台文、來嘗試練習書寫台文，幾年下來不僅讀者群、創作者增加，亦累積不少優秀作品，培養許多台文作家。

戰後台語文學發展過程以新詩作起頭，m-koh《台文罔報》相當重視小說，編輯khang-khòe除了審稿，對台語文學用詞iā特別謹慎，落實台語成就文學thang展現獨特ê美學kap華文文學ê差異(chha-īⁿ)。發行紙本刊物以外，罔報koh設網站，iā tī 2003年koh kap李江却台語文教基金會合辦「阿卻賞」，以民間力量設獎鼓勵愈濟台語文學創作，資源有限但是chiok積極，逐期頁數雖bóng無kàu 20頁，發行soah持續kàu-taⁿ，ùi海外轉戰島內，而且hāⁿ(跨)過21世紀，顯出伊tī釘根台文ê角色之重要性。

戰後台語文學發展過程以新詩出發，但《台文罔報》相當重視小說，編輯工作除了審稿，對台語文學用詞亦特別謹慎，落實台語成就文學能夠展現獨特的美學及其與華文文學的差異。發行紙本刊物以外，罔報且架設網站，並於2003年又與李江却台語文教基金會合辦「阿卻賞」，以民間力量設獎鼓勵愈濟台語文學創作，資源有限但相當積極，逐期頁數雖然不到20頁，發行卻持續至今，從海外轉戰島內，而且跨越21世紀，顯出其紮根台文的角色之重要性。

當然，一開始定著看bōe慣勢「漢羅合用」ê台語文，不過tō若像日文仝款，mā有假名（kana）有漢字，表現無仝ê氣口(khùi-kháu) kap腔口(khiuⁿ-kháu)，讀濟了後就thang體會其中ê趣味kap愈深層ê意義。

當然，一開始絕對看不習慣「漢羅合用」的台語文，不過就像日文一樣，也是有假名有漢字，表現不同的味道和腔調，讀多了就能夠體會其中的樂趣與更深層的意義。

重點是，最近我mā tī chit-ê小所在開一個專欄(choan-nôa)，無theh稿費koh khai真濟時間，（逐家掠準我kài gâu寫台文，事實上我chiok肉腳～）但是一兼「三顧」，哺豆（pò·-tāu，罔開講）兼練台語書寫，對寫論文mā有大幫助。（因為我ê碩論用台語寫，kài苦惱，因為真pháiⁿ寫。）

重點是，最近我也在這個小地方開一個專欄，不支稿費又要花很多時間，（大家都以為我很會寫台文，事實上我很「肉腳」。）但是一兼「三顧」，聊天兼練習台語書寫，對寫論文也有很大的幫助。（因為我的碩論用台語寫，很是煩惱，因為很難寫。）

專欄ê名tō是「純情青春夢」，除了因為進前知影清文ài聽chit條歌，對góan來講有特別意義以外，我會寫寡較「私人」ê物件，罔講心晟(chiâⁿ)，尤其是ùi女性ê視角出發。永過我家己對女性議題無chiah趣味，m-koh訪問一寡查甫作家ê時，有機會kap濟濟怹「背後的女人」開講，顛倒學bōe少無仝ê思考態度，而且看清文小說、熟悉阿惠以後，koh有愈大ê感觸，真幼路、真實際ê「女性經驗」，後擺才來tauh-tauh分享。

專欄名稱為「純情青春夢」，除了因為之前知道清文愛聽這首歌，對我們而言有特別意義之外，我會寫些較「私人」的東西，隨意談談心情，尤其是從女性的視角出發。以前我自己對女性議題沒有很大興趣，但訪問一些男作家時，有機會和很多他們「背後的女人」聊天，反倒學了不少不同的思考態度，而且看清文小說、認識阿惠之後，又有更大的感觸，很細膩、很實際的「女性經驗」，往後再來慢慢分享。

若beh了解本姑娘較濟ê心內事，「中譯」kan-taⁿ三不五時，實在無hiah濟氣力，總是，你會凍透過一寡簡單ê「少女心事」來認識台語文書寫喔！Án-ne講起來應該有算一款「誘惑」吧？哈！

若想了解本姑娘更多的私人心情，「中譯」也只有三不五時，實在沒那麼多力氣，倒是，你能夠透過一些簡單的「少女心事」來認識台語文書寫喔！這樣說起來應該也算是一種「誘惑」吧？哈！

Àn八月開始，逐個月《台文罔報》有「純情青春夢」chit-ê專欄，逐篇文章iā會仝步tī我ê blog（《荒蕪別坵穡》）放送，chit-tàu網路有中譯ê「sa-bi-su」（サービス；service；招待），才請罔(bóng)來看，mā請食好鬥相報！Siōng期待ê iáu是有愈濟人用母語來書寫家己喔！

從八月開始，每個月《台文罔報》有「純情青春夢」這個專欄，每篇文章也會同步在我的blog聯播，這次網路上有中譯「相送」，再請沒事就來看看，也請看完覺得還不賴就要給他奔相走告！最期待的還是有更多人母語書寫自己喔！

----------