荒蕪別坵穡

　　前幾日總算心肝掠坦橫，kā吳三連台灣史料中心買《蔡培火全集》，koh加一本賴淳彥（1930年生，彰化人）所寫《蔡培火的詩曲及彼個時代》。咱知蔡培火先生是戰前台灣文化協會真重要的成員之一，koh擔任《台灣青年》雜誌編輯兼發行人。逐家對伊肯定的另外一項是推搡台灣羅馬字（台語白話字），用白話字寫真濟觀點kap論述。佇chia我無欲詳細紹介蔡培火的種種事蹟，若有趣味的人會使tī莊永明先生的網站看著koh較濟的舊時代台灣人，無向強權投降的勇敢精神。

　　進前我干單知影蔡培火的〈臺灣自治歌〉（1925，寫tī監牢內）kap〈咱臺灣〉（1929）兩首，尤其是〈臺灣自治歌〉，台灣史課程定著會講起這條歌kap伊的時代。tī《蔡培火的詩曲及彼個時代》這本冊內面，我發見（別人泛勢早著知真久啊！）一首〈東海大學校歌〉，我毋捌聽過，不過因為讀過東海，（讀東海三冬，校歌生作啥麼款我真正毋知）感覺真親切，尤其伊是用台語所作，雖然無被採用，1955所作的歌亦實在真有意思。特別貼來予逐家罔參考。

　　冊內有簡單說明：東海大學在台中大度山建校時，蔡培火亦被推為董事。蔡氏素來熱心於台灣文教事業，為基督系統之學校台南榮中學與淡水中學的人事運營等，曾不遺餘力。為此，對於台灣第一所基督基金設立的私立大學，自然亦歡喜參與籌備，在其破土典禮時，代表台灣人禮請當時的美國副總統尼克森（R. Nixon）破土。蔡氏當時以歡喜的心情作此「東海大學校歌」詞與曲，但未得採用。

（我tī漢字下面攏用羅馬字註音，欲看較詳細、較媠ê台語文章：），請安裝「Taiwanese Package」軟體喔。）

〈東海大學校歌〉

詞曲：蔡培火（1955年5月作）