中國觀光客來台灣進前，馬政府ê算盤已經tiak好好：咱一年會當趁外濟人民票。佇馬政府ê眼中，中國來ê觀光客，bē-sū是一張閣一張teng著毛澤東尪仔頭ê人民票，是欲來解救台灣ê經濟！
中國觀光客來台灣ê第一工，我佇故宮遐翕相。一个ùi北京來ê查某觀光客出手真大方，伊買ê紀念品攏總開新台票一萬兩千外箍。伊用北京話問店員：「可不可交人民幣啊？」店員講：「可以」，伊就ùi皮包仔內底提出34个「毛澤東」交hō店員。邊仔ê人看到，嘛對leh用人民票買物件。另外一个ùi江蘇來ê觀光客嘛講：「台灣像香港一樣可以交人民幣，真方便，希望每個地方都可以交人民幣！」。
中國觀光客毋那會使用人民票買物件，簡體字寫ê khang pang嘛攏看會著，按呢會hō怹啥物款ê印象leh？是毋是親像駛飛能機到桃園機場ê中國南方航空董事長劉紹勇講ê：「回家的感覺真好！」 kah輸講，中國觀光客佇台灣所看著ê，所感覺ê，就干若怹ê政府講ê：台灣是中國不可分割ê一部份，按呢咱毋是了濟咯！
七月初四彼暝，觀光局佇圓山大飯店設宴款待中國來ê官員、記者hām觀光客。我佇遐翕相，聽著海基會副董事長高孔廉佇台頂講著馬英九，伊毋講「馬總統」，煞用「馬先生」；閣用「台灣方面」來講台灣！為著毋敢得失坐佇下跤ê中國官員hām觀光客，竟然連家己ê國格攏無堅心！即款官員hō人感覺真見笑！
頂即暫，媒體一日到晚攏leh放送「大陸踩線團來台」ê消息。啥物叫做踩線團？即種講法hō我聽kah霧煞煞！佇我ê理解，「踩線」bē-sū是侵門踏戶，是真嚴重ê待誌！哪會一日到晚攏leh放送中國「踩線」？iah閣有，真濟媒體講七月初四彼工來台灣ê中國觀光客叫做「首發團」，逐家攏按呢叫，聽kah嘛慣勢矣！毋拘，咱ê少年家敢毋是真時行 kah「搶著第一」講做「搶頭香」，「首發團」用咱ê話語，敢毋是用「頭香團」kah合味？遮毋那少年人聽有，連阿公阿媽嘛知影「頭香」ê意思。咱有咱家己ê話語，是按怎就一定愛提香hām中國人對拜？
人民票佇台灣流通、簡體字愈來愈普遍、媒體時行中國的話語、官員對家已ê國格無堅心....看起來親像是小寡待誌，無遐呢要緊；毋拘，遮會佇無形中影響著咱ê生活慣勢，牽涉著對台灣主題性ê堅心。生活文化ê變遷，敢毋是攏ùi小所在開始，佇不知不覺當中，一點一滴leh改變？
華語對譯，
中國觀光客來台灣之前，馬政府的算盤已經打好，我們一年可以賺進多少人民幣。在馬政府眼中，中國觀光客，就好像是一張又一張印著毛澤東人頭的人民幣，是要來解救台灣的經濟！
中國觀光客來台第一天，我在故宮那裡拍照。一位從北京來的女觀光客出手很大方，她花了新台幣一萬兩千多元買紀念品。她問店員：「可不可交人民幣啊？」店員說：「可以」，她就從皮包內拿出34個「毛澤東」交給店員。旁邊的人看到，也跟著用人民幣買東西。另外一位從江蘇來的觀光客也說：「台灣像香港一樣可以交人民幣，真方便，希望每個地方都可以交人民幣！」。
中國觀光客不只可以用人民幣買東西，簡體字寫的看板也可以看得到，這樣會給他們什麼樣的印象呢？是不是就像開飛機抵達桃園機場的中國南方航空董事長劉紹勇說的：「回家的感覺真好！」 假使說，中國觀光客在台灣所看到的，所感覺的，印證他們的政府說的一樣：台灣是中國不可分割的一部份，這樣我們不是虧大了！
七月四日那晚，觀光局在圓山大飯店設宴款待中國來的官員、記者和觀光客。我在那裡拍照，聽到海基會副董事長高孔廉在台上提到馬英九，他不說「馬總統」，卻用「馬先生」；還用「台灣方面」來說台灣！為了不敢得罪坐在下面的中國官員和觀光客，竟然連自己的國格都不堅持！這種官員讓人感覺很羞恥！
前陣子，媒體一天到晚都在放送「大陸踩線團來台」的消息。什麼叫做踩線團？這種講法讓我聽得一頭霧水！在我的理解，「踩線」就好像是侵門踏戶，是很嚴重的事！怎麼會不斷的放送中國「踩線」呢？還有，很多媒體說七月四日那天，第一批來台的中國觀光客叫做「首發團」，大家都這麼說，聽得都習慣了！可是，我們的年輕人不是把「搶到第一」講做「搶頭香」，「首發團」用我們的詞彙，用「頭香團」不是比較合適嗎？不僅年輕人聽得懂，連阿公阿媽也知道「頭香」的意思。我們有自己的詞彙，為什麼就一定要跟著中國拿香對拜呢？
人民幣在台灣流通、簡體字愈來愈普遍、媒體流行中國的語彙、官員不堅持自已的國格....看起來好像是小事，沒那麼要緊；可是，這會在無形中影響到我們的生活習慣，牽涉到對台灣主題性的堅持。生活文化的變遷，不就是從小的地方開始，在不知不覺當中，一點一滴的改變？？
